買工業股,看報表應看應看什麼部份?

借網友Terence一話,看報表應留意的地方:

炒工業股只可投機唔可以投資, 因為工業股有幾好增長, 幾好前景都係唔可靠, 走失一個大客, 或者消費潮流逆轉, 業績隨時可以走樣. 唔似hsbc咁放埋一邊唔理.

而投機工業股除睇圖分析外, 亦要留意公司財務報告, 睇財務報告時, 一定要睇資產負債表先, 睇下財務狀況健康與否, 有淨現金甚至無銀行借貸的公司, 因為欠銀行錢第一要俾利息, 第二, 銀行比較惡, 隨時可以唔放水, 拉人封舖申請你破產. 反而欠供應商錢仲有得商量, 另外, 現金流動比率要高, 通常現金流動比率高的公司派高息的能力也較高, 另外, 睇存貨和應收賬水平, 要同營業額比較, 最好比較埋其他同業,仲有, 要同往年比較. 睇下有無異常. 通常存貨大增會導致現金水平下跌, 啲貨去唔到, 就要撇賬,而有啲公司生意大做, 卻只能得到應收賬大升, 收唔收到錢就唔知道喇. 睇埋現金流量表, 尤其是經營業務之現金流, 就可以睇到間公司係白做或者真係賺到現金落袋. 通常如果存貨和應收賬沒有異常大升, 現金流入應該無乜問題. 其次, 我會關心嘅係資本開支, 有啲公司要投入大量資本去維持未來的生意, 呢啲公司通常負債高, 派息低. 其他嘅要留意的事項包括營業額, 毛利率, 純利率, 股東應佔溢利, 派息, 有無低價發認股權俾管理層, 有無發換股債券等等.