咩風氣呀?!
2011/02/27 19:42:17 網誌分類: 娛樂
娛樂圈既人, 結完又離、離完又結, 依家仲有d冇結, 但會生b架喎...生完走人, 叫做「分手」?
以以前既角度黎講, 「分手」只係d情侶唔再嚮一齊。以前既愛情都不知幾浪漫, 唔會存在「果d關係」架嘛! 所以分左手既人仍然係純潔既。
d明星咁開放, 影響埋大學生、中學生、小學生, 話唔定幼稚園小朋友都唔覺得「婚前x行為」係大問題- 呢個現象, 就真係好大問題!
幾年前有種風氣, 叫「援交少女」; 然後又有種風氣, 叫「嫁入豪門」。兩者都一樣係為錢, 而唔係為真正既愛, 唔係為真正永恒不變既、對得住天地良心既承諾。
可能大家覺得我觀念死板啦, 作為80後我既思想可能「落伍」啦... 不過, 相信世界上仲有好多人都同我一樣, 覺得愛情唔可以存在「果d關係」。
如果愛情必要以「果d關係」証明或維繫, 我認為所謂既愛情已唔係真正既愛。
單新聞令我覺得諷刺既係「分手」果個字眼。分手本來既定義係好小既問題, 唔會牽涉bb架嘛! 佢地牽涉到bb, 咁就已經唔係只係佢兩個人既事, 而係全世界既事- 佢地係公眾人物, 做埋d咁無稽既事!
希望年輕人可以視呢件事為反面教材。
回應 (0)
我要發表