一覺醒來

Afternoon everybody: ^^

P.s soho:

Thanks for your sharing.

Thanks!

P.s e.... your target is near my target also wor!

My target- '21800'/ '21300-'21400'.

P.s You are my fans also wor!

舅父仔, 在核災難關鍵48小時前走貨避險當然沒有錯, 短炒到價也應止蝕, 我都好鬼驚, 日本核危機仍未解決, 我認為你減倉是正確的做法, 我不是說你今次沽錯了, 我昨晚的留言說炒股輸錢是輸在 timing 上是回應你 // 我睇番record，我買股係冇賺過錢，通通都倒蝕曬。// 的留言.

股民在跌市初期不沽貨, 跌到中段也不沽貨, 到最後跌到阿媽都唔認得時才投降, 每次股市上落都不斷地重演, 也蠶食了股民的本錢, 如每次都未能早著先機, 到最危急關頭才斬貨, 本錢只會愈來愈少, 股民遇上升浪往往不肯止賺, 反而在大插插時才心慌慌走貨, 這是散戶輸錢的原因, 如未能克服這個心魔, 歷史只會不斷地重演.

我遇上升浪會不斷止賺走貨, 這是我的強項, 所以我在大插插時有資金在低位掃貨, 但我亦有一個大毛病, 就係股市轉勢向上時信心不足, 過早開始分注沽出低位撈番黎既貨, 往往未能食盡反彈浪, 我正在從自己的錯誤中不斷學習和反思. 

soho 提提你, 中國農曆節氣的啟示:

新曆 20/1 大寒:  1月初港股本來升得好好地, 但恒指在大寒日轉勢由24419開始碌落黎, 隨後識跌唔識升, 跌左3星期, 11/2 見22446觸底回升 (累計從高位跌約2000點)

新曆 6/3 驚蟄:  恒指在11/2見22446觸底回升後, 反覆上升見23408, 在驚蟄日連續三天仍奮力沖高, 9/3見23934, 跟住轉勢開始碌落山, 17/3 跌到落22123 (驚蟄日後再連日沖高, 見頂後才回落, 累計從高位跌約1800點)

列文 is a winner while Almunia is a clown.. he is hopeless and once Wenger played him in front of 列文 then anything can be happened..

Almunia was the worst keeper in Arsenal team I've ever seen in last 30 years and Wenger still played him last night then no excuse anymore, he must be ｄ ｒｏｐped next game .

Actually he has been dropped since last game against WBA at Emirates and he still made the same mistake last night , what a crap player !! Even the 1st goal he should have saved it !!! what a crap !!

 Persie,

為免會激到爆血管, 我巳經好似日本防核擴散一樣, 不斷地對阿仙奴奪標的期望灑水降溫 , 巳成功令到"奪標反應堆"溫度一直下降........

soho persie,你地都係叻人,資金的充裕羨慕屎人,可惜生存的世界已經變得很可怕,除了天災還有無良商人,瘦肉精又一傑作,鋪鋪都要置人於死地,與其被整死倒不如開心歎下可以存活的日子,鍾意沽或不沽或全數清袋,開心過日子就好了,你用盡辦法保本,身邊處的環境都是奪命,喪鐘為誰敲起,值得深思!

chanreborn，番茄：今晚愛隊令我重創，我本來不會去懷疑球員是否打假波，但艾阿蒙尼亞實在令我太狐疑了，他的犯錯超級離譜，他是後防一枚隨時爆的炸彈，不過換上列文或者更差，畢竟41歲了！我亦不可對他們寄望太殷切。 

今屆歐聯的抽籤，似造就一場英超對西甲的決賽。不過其中的皇馬對熱刺會好精彩，希望熱刺判輸來打，減低壓力。巴爾今次將會惡鬥拉莫斯，如果他狀態良好都會好精彩！

我的歐聯 dream final 是國米vs 巴塞，不過統計上國米應該不能連續兩屆入final，強如90年代的皇馬都沒試過連續兩屆入決賽呢！不過 Peter Wong常說，紀錄是用來打破的，且看。

馬德里市打比，球星如雲，Benzema 1:0，靚波，好睇！

李聯廣：多謝寶貴意見！

soho: 我覺得上次金融海嘯就真係錯，但我今次蝕走是10%之內，是止蝕的範圍之內，就算睇錯市，損失亦有限，亦算補本成功，不是嗎？點解你覺得我錯得咁交關？

我走是因為核反應堆的情況越來越壞，如果好似上次金融海嘯般死守不走，或者將來更差，所以我才走。我就算不走#410，#2828，#2823，#1388，亦0.6m有後備資金可用，到五月時更有1.6m可用，但我不會把錢都放在股市，我寧遠調動手上的貨。我上次金融海嘯貨源集中在匯豐，損失慘重，我不容許自己犯同一錯誤。

核反應堆不爆是我們走運，要真爆了，我就會變得是當機立斷了。

我重貨在#2，#3，#6，#405，#823，#11，我沒有沽出。如果真的核爆我就唔知，如果不是，我覺得它們會仍舊派息的，所以我保留了。 

我亦想將 #576換成 #410。

在近期兩次港股的反彈浪中, 恒指一次沖上24434, 第二次沖上23934, 我認為恒指冇條件企係24000樓上, 所以我就同大家講我會睇住呢個目標黎做野, 港股一路升, 我就一路分注出貨, 話之佢係長中短倉都照沽可也, 我既口頭禪係 [不愁沒機會在低位補回].

致勝關鍵就係, 假如我冇係高位走貨, 我就沒有資金在低位掃貨, 這點非常重要, 如果我仍是重倉, 見港股大插我就會有壓力, 唔敢立亂掃貨, 想買貨都會定一個非常低的買入價, 未必入到貨, 結果白白錯失了低位執平貨的大好良機, 如果我在高位走左貨, 見港股跌到落22000邊, 我就已經可以分注買貨, 一路向下買, 如果咁好彩跌唔穿呢個大位轉勢向上, 我都有資金追貨.

高位走左貨套現.低位有資金掃貨
高位冇沽貨減倉.低位就會心慌慌
反彈唔捨得出貨.大插插唔敢入貨
日日等底部出現.買入價愈定愈低
炒股要當機立斷.買賣時機要掌握

舅父仔, 我覺得股民的通病是輸在 timing 上, 在 24000 關口我說向下空間比向上大, 當時就應該分析一下是否要走貨, 而家跌左 1811點, 向下空間已大大收窄, 此時此刻清倉已是太遲了, 但平手或止賺減倉仍可以, 由於港股已累積龐大跌幅, 假如外圍回穩, 大鱷隨時會出手挾淡, 相反, 假如再有利淡消息出現, 恒指插穿 22000, 如果一跌穿即刻飆番上黎, 冇係低位停留就係向好先兆, 7個交易日之後就係期指結算, 我唔信好友會坐以待斃.

3月9日恒指收報 23810, 由這天起, 無論在我的網誌, 抑或在你家, 我都日日唱淡, 不是空談, 是搬了一大堆理據來支持我的說法, 我還告訴大家大鱷正部署向下炒, 我一再提醒大家大鱷通常要食1000點, 狼死就食1500點, 但係你只係止賺了 #410 & #2828, 而其他的貨就以長倉收息貨為理由沒有作出任何行動, 到現在恒指下跌了1811點, 比我預期還要多, 現在才改變主意連長倉貨也想走, 是不是太遲呢? 到將來港股反彈, 又會後悔為甚麼在靠近低位才清倉.

恒指在24000關口我唱淡時, 就應決定手上股票的去留, 既然當日決定不沽貨, 到恒指跌左1811點就不應沽清長倉貨, 應該等反彈才沽出平手或有賺的股份減倉套現, 我認為長倉貨不應在現階段止蝕. 

soho*  16/3/2011 23:35:02 

散戶就算看淡後市, 都唔會捨得沽貨, 結果選擇一動不如一靜, 散戶的通病是跌市初期不沽貨, 跌到中段也不沽貨, 到最後跌到阿媽都唔認得時才投降

(後記: 9/3 恒指高見23934, 17/3一度急挫 577點見22123, 累計下跌了1811點)

周六傍晚去壽司店買東西, 平時冷藏櫃只會剩下零星的貨尾, 但今次卻見到堆滿壽司.手卷.魚生......日本=名牌, 已成歷史.

在交通工具上, 市民正談論著以後會避免買日本貨, 尤其是海鮮之類的食品, 也不會去日本旅遊.

新聞報導說東京及多個城市的食水驗出微量輻射, 由鹿兒島出產經成田機場剛出口去台灣的蠶豆亦驗出輻射, 死未! 所以我話核災難的問題是會逐步浮現, 並不是我杞人憂天.

Persie,

若已清倉2823，可考慮轉入3049。原因：(1)2823為最熱門A股ETF(亦是熱門沽空股)，是大戶搵食工具；(2)2823有太多衍生產品(窩輪、牛熊證)，易影響股價上落幅度(若要炒波幅游水除外)；(3)2823主要持金融股如保險及銀行股，3049持股數目較多較平均；(4)2823管理費0.99%遠比3049管理費0.30%為高，長期持股會在股價反映。 3049缺點：歷史較短及未有派息紀錄。

利益申報：持有3049(原持有2823，已在最近幾次升跌市中換入3049)

Soho中國算唔錯！

審視過 Soho中國（ 410）業績後，令我印象深刻。該公司現金流充裕，足以支付發展項目的需要。 Soho中國打算興建更多商業大樓作出租之用，減低風險。假如中國政府不徵收嚴苛的土地稅，其每股盈利可上升至百分之五十九。 

恆生：

恒生銀行（ 11）已經不像從前般保守及健全。銀行貸存比率由之前百分之五十四上升至百分之六十九，但因為成本上升百分之八，令每股盈利增長，只有百分之三。同時，恒生增持高風險的資產，以及收購煙台商業銀行股權，令其流動資金比率下降。不過，由於其股東權益報酬率有百分之二十三，息率四釐，足以令投資者興奮。但這又可以維持多久？

艾薩 Isaac Sofaer

Tony Measor的好友及舊同事，擁有特許會計師資格，有逾三十年投資實戰經驗，現於力寶證券負責管理私人客戶的投資戶口，並在 Quamnet撰寫艾薩日誌。其管理的環球投資組合，在 91-00年間增長達十四倍。

A50平均價是 $14以下，止蝕放在$13，並不為多。同樣#576平均價 $7.05，如果 $6.8止蝕，都不足4% loss！

soho: 你知我條投資路同人掉轉，先投資地產後來爆左先至買股。我睇番record，我買股係冇賺過錢，通通都倒蝕曬。基金好些少，但亦唔見賺好多。所以先有買高息股念頭，不是貪心，只為養老，竟然都好似唔work。  

如果我唔沽貨，個四號反應堆爆硬，我係眾所周知黑仔王。

地球病了，個天好灰。 

如果真有世界末日，不如快些，免得人類苟延殘喘。

史哥, 我唔信大鱷會咁好心放過22000牛仔, 有可能係一插穿觸底即刻飆番上黎, 如確認穿大位初步看 21600, 見步行步啦! 去年有個上升裂口 21396 - 21332 未知會否回補, 就要視乎核事故的發展, 我都希望有好消息, 等港股可以彈下.

你既 TA 在頭條網出名好掂, 有一大班 fans, 你係我既啟蒙老師黎咖! 我既股感差你好多, 咪笑我啦! Don't trust me! 信者失救!

長和一向強勢, 長實好少停係 $116 附近, 但係過去四日都在 $116 邊徘徊, 和黃走勢亦轉弱, 重心向下移, 近排股份公布業績後大多見光死, 我都好擔心假如長和系都同一命運, 就會拖累港股表現.

領匯表現一向好硬凈, 屬實力派, 但係呢幾日都俾大鱷掟落黎, 匯控.中移.港交所一一跌穿整數大位, 以往內地股市造好都對國壽有利好作用, 現時上証綜指高企2900點, 但係國壽竟然創收市新低, 大鱷真係要錢唔要貨.

以往見股份的超筍價通常係一瞬即逝, 手腳慢d都入唔到, 但係呢幾日就大平賣俾你慢慢揀, 可想而知沽壓有多麼沉重, 近日中石油.中移出業績後都大幅抽升派貨, 但係尾市就急插, 兩隻權重股同一命運, 誰幹的好事? 好鬼蠱惑, 奸到爆!

阿爺周五傍晚公布上調存款準備金率亦令我感到詫異, 現時亞太區投資者猶如驚弓之鳥, 點解唔過埋日本核災難關鍵48小時, 睇定d至出手呢! 足可證明阿爺打壓的決心, 冇情講.

Evening everybody: ^^

p.s soho:

e.. You 看淡 ar!

I trust you as your stock feeling is better than my TA!

However, what do you expect the adjustment target ar?

舅父仔, 今日歐洲三寶開市已彈升 0.5 ~ 1%, 加上今晚美國四期結算, 由於道指由高位已回落不少, 好友應該會盡量抽高來結算, 道指早段造好是在預期之內, 希望能撐到尾市.

至於走貨方面, 由於你手上的貨大多是收息股, 在恒指250天線附近才止蝕, 我唔贊成, 我覺得應該日日掛股份波動區間的上方, 等運到, 沽唔到就算, 反正已錯失了最佳沽貨良機, 在現水位才賤賣實在於心不忍, 尤其是 A50, 內地股市有阿爺睇場, 上証綜指死守 2850點, #2823 仍有望上番 $13.3 樓上, 如果已清貨, 補貨方面, #2823 在 $12.5 守得好好, 只得一次跌穿過, 過去3個半月的交易日裡, 都只係得 9次 見 $12.6 樓下, 每次跌到落 $12.5 邊就即刻飆番上 黎, 想補回 #2823 的話, 就唔使睇市, 日日掛 $12.5 ~ $12.58 搏執死雞.

今年 #2823 的低位: $12.6  12.54  12.5  12.6  12.54  12.44  12.52  12.5  12.54 

今次小股災, #2828的表現實在太棒了, 跌幅不算多, 假如我有貨在手, 就真係瞓著都笑醒, #2828 係大包圍, 就算大鱷向個別股份洗倉, 拉勻幾十隻國指成份股有升有跌, 就可以抵銷部份跌幅, $119 ~ $132 波動區間, 我一定會補貨.

#54 同 #576 現價沽也太遲了, 反正是長倉貨, 由得佢啦! 一般來說, 我會在除凈前或公布業績前走貨, 因為係呢段期間股價通常會被大鱷炒高, 以 #54 為例, 8/3 股價抽到上 $24.8, 因為 9/3 除凈, 但係除凈 $0.45 之後就一直碌落山, 仲跌穿埋 $23, 收左息都補唔番, 反而除凈前走貨仲著數.

其實呢幾日外圍表現ok, 只是港股獨跌, 相信彈唔起是因為大鱷提款走鬼, 除了核災難利淡外, 亦係因為大鱷怕鬼左阿爺連環出招打壓, 今日港股尾市個浸跌得好急, 成交突然大幅增加, 就係因為阿爺上調存款準備金率同埋日本提升核災難級別.

我睇好中國, 看淡日本, 你既朋友聞日本色變, 我都係, 正正反映左唔少人既心態, 日本今次令好多人對佢失望, 如果情況受控還好一點, 假如爆大鑊就永不超生.

杜指上升中！

11,908.770

134.18 (1.14%)

安仔：仲有公司咁無良，現在還逼員工去日本？祝個主管生仔沒 pet pet！我有朋友 station日本，已經逃返香港，公司亦禁止員工再去日本。他今天遞辭職信了，因為他認為輻射會停留幾十年，一百年，他是不會再去日本的了，私人物品都沒有收拾帶回來呢！

豪仔：我今日沽左剩餘的農行同A50，我斷續已經買左A50兩年，是蝕沽。#576沽唔到，#916特登唔沽。沒想到 #823 都倒蝕了。你說的沒錯，合和 #54 是我犯大錯的股份，但今天沽唔落手。我會繼續沽，聚集資金等以後買返 #2828同 #2823。我唔識睇日本經濟體系倒下對世界的影響，但長遠來說中國都應該看升的罷？

P仔,

咁又係,活在咁的政府下,不要有要求好了,

好以份政改咁hea法.見住有人投訢公司派佢哋去日本公幹,

因政府唔發黑色.

豪丙丙,

呢個週未和星期一真關鍵所在,

日本一觸發動全球(身)

其實我唔認同陸 Sir 對今次核災難對股市影響的樂觀言論, 可能佢係睇中長線, 所以話可以入貨, 網友見陸 Sir 冇睇淡就紛紛入市撈貨, 陸 Sir 係財經超班馬, 當然值得信賴, 不過我好擔心核災難, 我睇普遍股份的表現, 不但跌到破晒位, 而且仍未有止跌跡象, 加上中東局勢不妙, 如果核災難惡化, 我估恒指會跌穿250天線, 繼續向下尋底, 我覺得核災難對日本是致命一擊, 令日本元氣大傷, 無論旅遊.出口......都影響深遠, 災難善後工作亦勞民傷財, 問題會逐步浮現, 現時日本既管治班底好屎, 睇黎好難搞得掂.

經過今次核事故, 我對日本人管治.誠信.處理危機的能力已失去了信心, 大地震已過了一個星期, 仍然是一鑊粥, 未能控制大局, 外國核專家幾日前已經批評日本低估了災難級別, 日本拖到今日才將核災難級別由第四級升為第五級, 但係仍死撐唔肯上調至第六級, 醜婦終須見家翁, 隨時下星期又會再提升, 到時又震散全球金融市場. 

最後十戰： 

兵工廠，努力！

Natalie Portman先天條件很好，又係可以亦正亦邪的演員，演技出色，而且她很漂亮！

soho: 我的確看淡後市，但不知為何我身邊所有人，包括金融界的專業人士，都把事情看得比較輕鬆，認為並沒有沽股逃生的必要。這令我想到，莫非我看錯了？但今日見到大家好 hyper，不斷買貨，不禁令我覺得，我其實是對的。不過海嘯已發生一星期，我現在才去沽貨，亦實在失左先機。

我嘗試過游水，但非常 tiring，我已經夠多白頭髮了，不想再操勞。好似我朋友一個7m的portfolio，真的不易游水。我想買左 utilities股，就放在一旁收息，不知可不可以。就算中移動，我都覺得很好，如果 $60買到，更好！

小安子：你有所不知，昨天有位穿鼻環的年輕人說，我從東京回來咋喎，東京無事喎，測輻射？咪玩啦！你地唔好當我怪物啦！老實講他的確幾怪雞，只是他自己不知道而已。

你想為人好，但人唔領情，仲怪政府將他當怪物看。You just can’t please everybody!

朋友今日終於返到嚟啦,

昨日有機位都唔肯俾佢返,

今日落機全部人都無驗幅射,

係佢自己要求要驗幅射.先帶佢落下一層驗幅射,

呢d就叫香港政府!!!!!!!!!

黑天鵝套戲, 好好睇 , 有沉默的羔羊的味道 ~~

舅父仔, 股民的心情確實非常矛盾, 散戶就算看淡後市, 都唔會捨得沽貨, 結果選擇一動不如一靜, 避險意識極其薄弱, 其實游水只係與愛股暫時分手, 是可以會復合的, 想收息, 也可在除凈前補回, 亦可在除凈後趁股價回軟時補回, #54合和是最佳例子, 沒有在高位沽貨游水的後果就是倒蝕, 其實就算拿不定主意只沽出一半貨也好過不動如山, 散戶的通病是跌市初期不沽貨, 跌到中段也不沽貨, 到最後跌到阿媽都唔認得時才投降, 未能當機立斷, 錯失高位沽貨良機. (後記: 9/3 恒指高見23934, 17/3一度急挫577點見22123, 累計下跌了1811點)

回顧今年港股幾次反彈, 頂部都未能突破早前高位, 港股波動區間正向下移, 重心亦下墜.

恒指高位:  19/1 24434,     7/2  23981,     9/3  23934

假如你認為港股向上空間比向下大, 就不應游水, 假如恒指跌穿22000, 你有足夠資金入貨, 就不用游水, 在我來說, 當我見到港股下跌機會較大時, 我就會游水, 只要係低位補回就可以了, 其實自己手上的貨一定有特定的波動區間, 見後市不明朗, 趁反彈在波動區間的高位沽出, 然後候低補回, 就算唔貼市都好容易做到, #2828 的波動區間是 $119 ~ $132, 我分注一直沽到上 $131.5, 根據過往記錄, #2828 係無法企穩 $130樓上, 所以我的起心肝盡沽, 有人會笑我#2828都炒波幅, 但係呢個方法令我獲利甚豐, 避過今次核股災, 話說回來, 有d股份波幅好窄, 就唔好游水喇!

早前我曾說過匯控主要在 $80 ~ $90 之間上落, 當大鱷要抽升, 匯控就會飆上去, 但跟住就會碌番落黎, 係企唔到 $90 樓上, 我同大家講可以游水, 我係 $90 關口沽出長倉的最後一手匯控, 計畫在低位才補回, 如果我一心等收息堅持唔沽貨, 就收左股息都補唔番跌幅, 要倒蝕.

有說法指日本政府評定今次核輻射洩漏為第四級, 是隱瞞事實, 不斷有機組爆炸/起火消息傳出, 我都唔信日本政府, 大家要小心, 日本情況已失控, 今天日股大幅反彈部份原因是超賣及補倉盤所帶動, 不要盲目樂觀, 一個不利消息足可引起金融市場恐慌性拋售, 有30名從日本返台的旅客受到輻射污染, 可想而知日本國內的情況是多麼惡劣.

(商台)2011年3月15日 星期二  21:22
法國核安全局將日本福島的核電事故，向上修訂為第六級，嚴重性僅次於第七級的八六年切爾諾貝爾核災難，是歷史上最嚴重的核能發電廠意外事故。而美國    三里島的核事故就列為第五級。發言人說，今次明顯屬災難事故，核電廠的第二號機組情況惡化，導致對事故評估變得較悲觀。 

     台灣行政院原子能委員會昨日發現，至少30名從日本返台的旅客受到輻射污染。其中一名留學生被驗出輻射超標4倍，懷疑是在當地經交通工具或接觸受污染人士間接污染，亦有旅客攜帶的行李及衣物，發現輕微超標。

派息公布

代號     名稱                           事項   
00003    香港中華煤氣        末期息２３仙，十送一紅股      
00019    太古股份公司Ａ     末期息２﹒５元
00006    電能實業                 末期息１﹒４９元     
00005    匯豐控股                 末期息１２美仙，可以股代息   
00011    恆生銀行                 末期息１﹒９元    

我手上的五隻股票都有派息！中華煤氣果然有十送一紅股！不過如果連長倉都要游水，就可能收不到息了。我仲打算退休後以收息過活添架！難怪番茄說：

// 這七,八年間, 出現一隻又一隻的黑天鵝......財務自由的彼岸, 果真是長路漫漫. 可望而不可即. //

絕對同意！而家最怕見到/ meltdown聽到這個字。無論是核設施meltdown或是環球股票市場meltdown，都是死路一條！

豪餅：你講啱一半，我係鱷魚頭，老襯底。

我覺得 陸 Sir 是睇中長線的, 陸 Sir 的理念是每次大災難都是儲貨的好時機, 短線大上大落就不放在眼內, 所以好淡定, 不過我地資金不多, EQ 不高, 假如唔減倉, 就沒有足夠彈藥在低位掃貨, 趁大跌市換碼亦係不錯的選擇. 

我對港股有個假設, 今日恒指收報 22678, 就當呢個係中軸, 向上約1000點係 23600 (發下夢先), 向下約1000點就係21600, 如果核危機持續惡化, 當然唔知個底係邊樹, 至於向上就真係阻力重重, 好彩的話就係核洩漏受控, 日股回穩, 不過如果港股有反彈都應減倉, 因為日本今次手尾好長, 問題會逐步浮現, 港股彈完都要再尋底, 因為中東形勢不妙及歐豬四月要還錢, 樣樣都好大鑊.

今日港股急挫後由低位反彈了約400點收市, 跌少好多, 相信是好友死守, 不過市場上人心不穩, 要有好消息才能推動似樣的反彈, 核電出事, 新能源例如風力發電之類的股份今日翻生, 內銀表現優於大市, 天日要留意內銀股表現及國指是否仍比恒指強, 另外中移.中石油.騰訊天日公布業績亦會對大市有影響, 港股延長交易時間卻遇上股災, 每個交易日5小時好難捱, 股民真係度日如年.

日本要輪流供電, 感覺上, 黑漆漆的晚上, 沒有電力供應的區域猶如死城, 好恐怖! 不知日本人是如何熬過漫漫長夜, 希望苦難快點過去, 否極泰來, 災難片睇得多, 今次卻是真人真事, 唉! 死咁多人, 好灰呀! 希望我是在發夢.

~~~~~~~~~~~~~~~~~~~~~~~~

陸 Sir 分析: (16/3)

美股一開始已經唔係咁慌，後來跌幅更大大大收窄，以環球股市大跌，但跌到美股只跌1.2%來看，市場已有反彈苖頭。

我估今年低位頗有機會在今次跌浪出現，因為股市咁1000點跌下來，將調整的時間縮短，會將所有要沽的人震走，剩番都係較頑固的投資者。但呢一浪完未，要睇日本的核危機幾時完。如無驚人核洩漏，似乎唔係咁易見20000點。我原來估今年個市最低可能見21000點，但呢個位唔一定會出現，但在極度急市場恐慌沽售我會買，因為恐慌氣氛已為你試左個底(雖然唔一定唔會再穿)。港交所昨日見的162元都好硬，想買慢慢分段吸納。內銀股招行和建行都唔錯，現價買今年唔計收息可望有20%回報。

豪仔：我都覺得陸sir近來奇奇怪怪！今次好大獲，但陸sir仍然談笑用兵！

番茄：我係好愛日本，東京，北海道，京都，神戶，大阪，太多好地方了！

我有看沙灘小子，不過我老人家，最鍾意始終係前程錦繡。

// 奧賣桔! 原來主席才是大鱷, 一早洗倉走鬼. //

笑死。

Persie,

我同你一樣, 近十年都去左六次日本, 尢其很喜歡日本 仍能保持一種傳統,古樸的景色/文化.

不知你有沒有看過一套日劇 "沙灘小子"?   是我的至愛日劇, 可能在我心底, 一直響往像劇中兩個主角, 從大城市退下來,  過歸隱田園的生活.( 當然, 足球仍是要看的 )

舅父仔, 我沽貨既心態係想游水賺個差價, 就好似我既愛股 #2828,  長短倉都係 $128 ~ $131.5 走清光, 天日我就會掛 $120 買番, 不過會係逐少補回, 仲要睇下核危機是否受控, 若然情況持續惡化, 我就會離場觀望.

我覺得手上有貨的話, 如有利潤應沽出部份, 就算唔捨得都應減下倉, 例如有3000股就沽1000股, 平手也應走, 危機當前應避險, 套現候低補回, 游下水賺差價都好丫, 日本出事, 對全球資金流有好大影響, 股匯債都好大鑊, 但係陸 Sir 好似好淡定.

其實我既長倉從來都唔會滿倉, 因為我怕死, 重倉會有壓力, 而且我成日拎d長倉貨去游水, 搞到長倉唔似長倉, kakaka. 

奧賣桔! 原來主席才是大鱷, 一早洗倉走鬼.

豪餅：因為一些財務安排，過去兩、三個月不斷減持，基本行動已經完成，現在長倉所餘無幾，短倉亦近乎零。 但暫時不會入貨，就算入亦會是短線；加上最近身體有些毛病，心緒不寧，少做少錯。

嘩，豪餅，你剩番好少貨！

番茄：股市如球賽，沒有水晶球可預知未來，將來回看，才知對錯！

舅父仔, 短線倉吉左, 長倉走剩番三分之一貨, 上周五我早說過尋日如見反彈要走鬼.

話時話, 今日內銀股好硬凈, 尋日港股反彈都係內銀股幫手撐市, 我覺得內銀股係低位有買盤承接, 我對阿爺比較有信心, 所以未來幾日港股再插我會補貨, 不過會係逐少買入, 假如核危機惡化, 恒指就好大機會跌穿22000, 大鱷等錢洗不問價沽貨, 已不能用常理來分析股市, 不過如果日本情況受控, 就有望可以守得住今日急挫的底部22253. 

今次 核危機 有點 SARS feel, 已非人力所能控制, 雷曼事件反而可以用錢擺平.

主席, 典算呀! 你有乜野策略呀? 長短倉仍然不動如山? 掃貨?

在漫天飛刀落下之時, 入了一注平保, 是魯莽? 還是心理質素良好? 日後才會知道.

SARS, 雷曼事件, 核危機, 這七,八年間, 出現一隻又一隻的黑天鵝......財務自由的彼岸, 果真是長路漫漫. 可望而不可即.

豪丙丙,

今日朋友都問我老強度有無日本股市,

你問我的話,我會話沽啦!!!

現在呢個問題唔係影響一兩個月咁簡單.

不過,呢家野寶寶大仙熟透,你應問問大仙.

我老世一年都去幾次日本.

佢呢幾日頭痕緊去邊,歐洲話遠,韓國去完好怕..........@@

我好掛念北海道同東京，雖然現在說這些話是好無聊，但這是我的心底話。以前我每一年或兩年一定去日本一次，已習慣那兒的一切。不知何日才可舊地重遊！

小安子：我平日做嘢好乖的，今日一d心機都冇，掛住同 Mr i商量去向！我有個 Asia Pacific Equities Fund，不知要不要全數沽出？

恆指可能剩番18000點//呢個係我目標價.......hehehehe

我已激, 佢咁激,不是想想下都正路的.

花姐：第一天見海嘯，無不為那些無辜的村民洒淚，但現在心情已經變了。一個在地震帶的地方有這麼多核電廠，雖說日本需要大量能源而又不能完全依賴石油，所以一定要用核發電，但其實是非常危險，而且管理又欠完善，今天才出事只是好彩。好啦，而家出事，影響成個世界。我已經不能為他們送上祝福，因為我認為世界其他人更加需要祝福。

豪仔：今朝我朋友 Mr i一早打來商討對策。我話如果洩核輻射，真係死得，恆指可能剩番18000點，點知佢話，點止啊，好就15000，唔好就12000，double dip。嘩，豪餅，咁點算啊？本來我地想散貨，但唔知點樣可以把手上成兜貨散出街，於是沒有散。佢仲離譜過我，手上所有錢都買曬股票 (7m啊，癲佬)。我同佢講如果今鋪走甩，一定要分散投資，將部分買入人民幣同加紙，不能把所有錢都放在股市。 

豪餅，你係全吉倉，定仲有些剩？我地應該何去何從？

豪丙丙,

也要為全球安危祈禱.//

你的意見和我差不多,實太多野和日本有關,

所以我今日都無入貨,

只係心動有少少想入牛牛or大股博即日走.

咁多個核電,顧到呢個又顧唔到呢個,

點好??不如等爆晒先入貨係咪最安全??

阿炳炳我手上沒太多貨,所以天日執埋算數,再睇情況!