3月13日

海嘯屠城，但願日本人冇事，股市上星期五即時急挫，當然反應過敏，但或多或少對部份企業係２０１１年業務有影響。

上星期，小弟決定沽出左２６００，增持現金，現時股票同現金比例為７０／３０，希望好好運用呢３０％有成績，整體黎講，冇咩野可以講。

不過想講一講現時樓價高之云，樓價確係處於高位，但係小弟黎講，似乎傳媒渲染出黎既樓價高太誇張，試想，香港大部份基下階層根本從來都沒能力買樓，點解為一部份中產而產生大量報導樓價高？香港既貧富的確懸殊，正正係差距之大到不能收窄，加大增建公屋，停止居屋；比般建居屋更有效！

試想，外界好多人講興建部份居屋，個部份既居屋即使落成亦要幾年後，再加上個部份既居屋就可以收住人把口？相信社會上部份政黨似乎為反對政府而咁做，政府只要放寬公屋入息上限，就能滿足部份人！

香港人好現實，平既時侯Ｄ人收埋Ｄ錢唔想買，搵藉口，真係貴既時候就後悔。某程度，政府無必要幫呢小一群人。我相信有能力負擔既中層，有大部份已置業。