幸福生活
2011/03/25 08:46:13 網誌分類: 生活
有網友替米米申冤,說牠不算好肥啫,別叫牠肥米吧! 說真的,英短通常骨架較大較重,米米和骰仔的身形確比唐貓仔大。不過只要做一個跑步測試,就知道肥米並非浪得虛名。每天早上打開房門,所有貓都從四方八面向我跑來,只有米米姿勢最妙曼;兩邊「唧」出來的豬腩肉,會隨着步幅節奏左右擺動,搖曳生姿。 醫生說,米米略肥但不算太嚴重,因為從上面俯視牠,腹部並沒有向兩邊鼓出太多,而牠也可以自行彎腰舔到尾巴,就是PatPat較肥美,加上肚仔肉太鬆了。骰仔跟米米一樣重,但肌肉結實得可以去選健美先生。 仔細觀察米米吃飯的狀態,就明白牠比別貓肥的原因,牠可以好快吃完自己的一份,出去玩一陣,走入廚房吃幾粒人家剩下的貓餅,再玩一陣,回頭又吃一轉,直至所有貓兜都清空為止;加上牠睡覺的時間比走路的長,就搞成咁。 如果我都有這種幸福生活,我都會像米米那麼肥。 關慧玲 |
關小姐 , Miu Miu 好似係女仔嚟噃 !
catcat,
佢咁靚仔,一啲都唔似。
cat cat , 大仔就唔會賴尿 , 但會叫得好悽厲囉 , 唔知嘅以為我拐帶添 , 所以除咗打針做體檢 , 係唔會帶佢踏出門口半步 . 出去咁耐叫咁耐架 , 心都痛埋 , 都唔知佢驚咩 ?
小動物可乘車當然方便 , 如果可以俾多 d 住宅可以養小動物 , 特別係公屋 , 好多愛小動物嘅人就唔需要為此被迫放棄佢哋 , 當然 , 亦有人係以此作為藉口 , 如果法例可以放寬 , 希望 d 人唔好再用呢個藉口棄養佢哋喇 .
Sinsinho,
坐的士
cat cat , Miu Miu 係咪要坐 的士呀 ! 坐巴士就賴尿 . miu miu 真係好乖 , 咩 look 都咁靚 !
bluepanda , 我明白 , 所以大仔出街一係坐taxi , 一係行路 , 試過係火車俾職員投訴 , 話要檢控我 , 好彩後來冇事咋 , 嚇得我吖 !
有人話佢似阿笨呀~~
我貓貓唔得0架, 一出街就會驚到鬼殺咁嘈, 車長肯定會知道......
sinsinho & Ms. Kwan,
佢都有好幾次冇癩尿啦, 偏偏就呢次癩尿, 真羞家~
如果隔離冇人, Miu Miu係會周圍望架~
MIUMIU好戒備,左右望,主人你又想帶我去邊?
Miu Miu 定咗鏡咁嘅 ? 今次有冇賴尿 ?
Miu Miu 唔話俾車長知咪得囉, 香港都要爭取小寵物可以上交通公具~
希望天下間的貓貓都"米肥屋潤"
我都想做貓, 日日瞓....
cat cat: 可以帶貓上巴士咩.....?
Miu Miu坐巴士
關小姐:我都想有 "肥米" 咁嘅 "生活", 但唔想有 "肥米" 咁嘅 "身形", 其實 "米米" 最大嘅優點, 就係好有 "衣食", 祝佢呢世都 "豐衣足食"!
肥米個pose好似粵語長片女主角拍沖涼戲,響個浴缸伸條美腿出黎咁 ^o^
有主人照顧的貓, 便是最幸福...
係呀 係呀 所以間唔中我都要我啲主人比隻美味肶肶我咬吓架
蕃薯仔 :
咪就係囉, 我踍呢啲貓天生骨骼大, 品種大, 係基因問題, 並非係"肥", 咁一日瞓廿幾個鐘都係祖先遺留下來的基因, 你們人類基因是天生是貓奴, 所以要工作搵$$給我們吃喝玩樂, 恨不得也~~
也有說法"貓肥屋潤", 沒有我們你們何來屋潤???
嘩你睇吓米米隻肶,好似好好味咁呀!!!好想咬一口呀
米米媽:
我相信如果你好似肥米咁食法同訓法,我肯定你一定會比佢更肥美...haha(唔好嬲), 睇番呢張相, 嘩....大家睇下肥米隻肉脾幾有份量, 真係睇到都流口水...