早晨呀！
2011/04/08 08:46:32 網誌分類: 生活
| 晨早起牀，每隻貓打招呼的方法都不同。 房門打開，真真一定企正門口動也不動，看來是站了好久，見你睡醒了，望一望，就放心走開自顧自玩去。 米米配合牠獨有的嗚喵聲線，一路叫一路飛跑過來，兩團豬腩肉左右搖擺甚為誘人，直至跳上牀，貓頭大力頂向你的手掌，要你搔癢，想要抱着牠，牠又一溜煙蹬走。 小甘一定踩到你肚腩上腳仔印印，自然伸手搔搔牠的頭，突然不知那個吸引了牠，重重一腳跳走，留下慘叫一聲的主人。 神經質阿寶反而最貼心，一躍上來，順勢窩在你手臂內躺下。牠是碩果僅存，早年能跟我一起睡的貓咪之一，果然對人好過對貓。 紅豆最似人仔，用兩隻腳企高扯你的腿，要你抱起牠，又要讓牠舔手舔面，想放牠落地？牠會立即鬧你。 應付完各貓爺的早晨問安，往往已是一小時之後了…… 關慧玲 |
 | |
pak ma
me 2 大家都是幸福的主人
我家貓貓呢.....因為有自己的房, 佢一聽到我間房內有動靜, 就已經喵喵叫...., 一打開門就急不及待衝出來, 我行邊就跟到邊, 跟住就一定要入我間房, 跳來跳去, 食完野後, 就攤响度晒太陽.....跟住呢....我差不多要出門了, 就抱起佢回他的房, 摸一摸他, 他都好乖0架, 知道我要返工搵錢....佢無扭計.....
每朝一早, 屋企人餵飽佢哋之後, (一定要第一時間餵蕃薯仔食, 否則佢會叫到鄰居投訴都唔收口) 我家五貓便會全部跳上我張床, 唔係叫我起身, 而係同我一齊瞓, 仲要係5隻貓圍住我, 使我動彈不得, 不一會, Borgee便會用頭頂醒, 之後佢就一支箭走入洗手間, 跳上馬桶要求摸頭, 後面跟來的會是跟屁貓-Miu Miu, 之後是期望呃到第二餐的蕃薯, 餐餐要食脫水雞粒的Garfield, 最後會是嗡嗡~
每次清完頭一輪"常滿"之後, Miu Miu及嗡嗡一定會再幫襯一次, 似是沒完沒了, 到你做完以上的工作, 你便要以破紀錄時間梳洗出門, 到你出門口一刻, 牠們是一隻二隻大字形的灘在大廳中央曬肚腩, 羨慕不??
old ox,
係丫，我家貓爺都係咁，更核突是一隻貓嘔出來，係另一隻搶上去食番晒.......
一講就想嘔，所以一定要第一時間清理呢。
咁我好幸福呀
我家少爺同小姐因為同我一齊瞓所以一齊起身, 先整嘢比佢哋食, 跟住迫佢哋去尿尿, 然後佢哋陪我去沖涼...好完美的一天開始...不過所有嘢做晒都要一個鐘架!!! 
關小姐:
每朝起床, 我三隻貓貓也在我門口, 為的是等食. 每早, 我未做自己的早餐, 就要先為牠們清理聚寶盆同預備兩輪食物---濕糧同貓餅, 到貓貓進食時, 我才有機會預備早餐. 吃完後, 不只要清理自己的碗碟, 還有貓貓的.
有次, 隻貓B吃得太急, 將吃過的濕糧全部嘔出來, 我打算吃完早餐才處理, 怎料隻大灰熊己急不及待將全部嘔吐物吞下!!
Old-Ox
pak ma,
係丫，我哋每朝早都好忙，不是為自己裝身，而是服侍和陪各貓大爺玩，不過我又諗，我返工時間好長，天黑至回家，佢哋會好掛著我掛???有時間就陪佢哋多啲咯。
早晨！關小姐,
您實在是位幸福的主人呢！我家兩少爺的早晨招呼，是米米&阿寶各一種，好可愛的，我同您一樣，每朝早都要同兩少爺玩一陣架,,,,,,,,所以,,,,,,今朝玩到返工遲到
,,,,,,,不過,,我絕對覺得是值的！ 