正呀正呀好正呀!

聽聞個supervisor係killer, 我唯有好俾心機整我d野。佢叫我改個ｌｅｓｓｏｎ　ｐｌａｎ既方向，我就努力改。

今日佢黎左, 我開頭邊驚邊對佢微笑, 然後開始課堂, 點知原來佢仲nice過以前果d中國人 (今次係印度), 觀課時都會微笑架。

佢話好enjoy我既堂, 又讚好多野, 就連我最覺得難搞既language　ｆｏｒｍ同ｌｅａｒｎｉｎｇ　ｔａｒｇｅｔ都話冇問題呀．．．

不過我都唔知有咩可以同佢講同有咩問，我幾驚冇野講同冇野問會有事呀．．．

佢話我爭ｄ拎到ｄｉｓｔｉｎｃｔｉｏｎ呀！

哇．．．

不過個問題係，（我覺得）ｄ小朋友好似嚮呢一堂學唔到咩喎－事實上。我當然冇咁同ｓｕｐｅｒｖｉｓｏｒ講啦。

但係，除左呢一堂之外，佢地係咪又真係學到野呢？

唔記得問幾時還返堂俾原任．．．

中文剩返下星期一果次，英文再睇多次就ｏｋ（應該會ｏｋ架啦，要俾ｄ信心自己）。

備註：

小朋友上電腦班，我會大開眼界，因為佢地會上ｙｏｕｔｕｂｅ睇野，好似「粗口叮噹」同「自殺不成的狗」，仲有真人版美少女戰士等等。當然都有暴力遊戲既畫面啦。

佢地鐘意睇，如果要阻止，好難。我既方法係陪佢地睇（如果要教既野教晒），再介紹ｄ比較有意義既－我俾面佢，佢咪會俾返面我囉。

唔知係咪因為做到呢樣野，好似同佢地關係幾好咁呢？如果非黑即白，到你自己係嚮灰色地帶既時候會好苦。