執包袱既進度
2011/04/17 15:30:06 網誌分類: 旅遊
依家係爭水樽(到時帶埋水去)、雨傘(唔知去晒邊)、回鄉卡、人仔、手機、爸爸張大陸卡、快乾毛巾、相機、記憶卡、相機電、帽仔、充電器(本來好多架, 拎晒去大哥間屋)、頸枕(背脊太薄唔可以睡d高既枕頭)、牙刷、牙膏、餅乾、頭髮造型用品(可能唔帶)、薄荷膏(睇呢篇就知:防狗攻略)、眼藥水同鬧鐘(可能唔帶)。
但係已經係一個大背包(想下我既身型,正常既旅行背包都變成大背包)同一個旅行袋……唔想推行李箱因為好煩。重就唔算重, 但係好似拎左好多野咁既? 21號再整理下先。22號去交流團去四日。
係咪拎得太多野呢? 拎咁多都可能搵唔返既 =.= 因為d野塞埋晒 >0< 等我再想下點利用個新背包既間格先。真係怕咁落去佢會爆線……
(成日唔去旅行既人就搞成咁啦, 成日去果d應該會笑我。唔緊要啦。)
你地如果去惠州同河源4日,住5星酒店既話, 會帶d咩? 唔會帶d咩? (即是呢,如果唔想用佢地酒店果d傷皮膚傷頭髮既沐浴露同洗頭水... 哈哈)
我要提醒自己！
今次執多左太多野啦……竟然拎左支消毒潔手液、蚊膏(我咁怕曬，成日wear長袖外套，同時防蚊; 而且上次桂林多蚊唔代表今次都有咁多蚊)、喜x妥、大大盒保濟丸(好多時呢, 食得安全就唔會有事)、手部防曬(其實拎左面部防曬同埋可以做防曬既hand cream)同埋潔面濕紙巾。
有d野其實係重複架！
拎左爽膚水就唔使拎潔面濕紙巾，或者拎左潔面濕紙巾就唔使拎爽膚水;
洗頭水同護髮素其實預左5星酒店有，雖然第一間係4星既而且冇呢d用品，我都唔使拎洗頭水護髮素各2包(試用裝)，1包夠啦(雖然唔係佔好多位)。而且有1晚都倦到冇用護髮素。
眼藥水拎左去冇用，因為低估左自己wear隱形眼鏡既能力，亦低估左旅遊地點既水質。
口罩呢，雖然個團話建議我地帶，都冇用到呀，因為氣管唔似以前咁差，4日來都冇因為有冷氣長開而喘氣。
見有d隊友只係背個小小既背包，好羨慕佢地！
以後去旅行要留意上述既野會唔會執多左……保濟丸其實3、4樽仔應該都夠。
最搞笑係拎左大大樽水去，點知日日有水派 >0< 拎左幾百蚊去，但唔使俾小費，最後只買過電芯用黎影相，食物唔放心買，自己帶d餅仔都食唔晒，其他野又因為冇位擺同冇力拎返香港而唔買。