後市

2011/05/08 00:28:52 網誌分類: 未分類
08 May

港股仲會大跌嗎?

可以在23000 22500入市,然後等今年稍後沽出嗎? 

如果稍後期油反彈,我想沽出資源同俄羅斯基金,換碼至首領域中國增長基金。

多謝花姐資料,我到大新銀行問過了,可惜他們仍然是沒有網上買賣。我多年前在他們那兒買 Value Partner中國基金,都是沒有網上買賣的,但我長放,所以也沒所謂。不過現在買基金,我想有時做下switching。大新銀行那位小姐說要放五十萬在銀行才可做 VIP,用電話服務做switching,但之前我要問他們拿基金的書仔才可以,現在買基金好繁複。她好好人,話就算不放五十萬她都可以替我問問可否寬免月費。

我份Hang Seng Life保險終於到期了,本以為可取一百萬但結果都係冇proposal上印的數目永遠做不得準。我又開了兩份新保險,因為如果我放晒d錢入股市,我驚我蝕晒,所以做兩份 target savings當貯備。 

保險部的小姐見我水魚自行投入網中,送了個金財神給我,當然不是真金,她也坦白,說當個好意頭都好吖! 

今日看周刊,見到梁思浩說得到麥玲玲教路擺陣,半年內中了三次六合彩二獎,$4.7M。真有此事嗎?令人難以相信,不過我聽過一個中六合彩的故事,結局令人非常唏噓。我都識玲玲姐同她先生,當然不熟,但曾一起聚會和唱k,她很好,絲毫沒架子,嗓子好甜。

 

回應 (293)
我要發表
Persie
Persie 2011/05/29 00:01:08 回覆

番茄:祝你順利贏錢。

 

LAIN: 我相信你知道如何做是對你父母最好。

 

soho: 所謂係你嘅就係你嘅,唔係你嘅在嘴邊都吃不到。

 

我要小睡一會啦,遲d見。

soho*
soho* 2011/05/28 23:59:46 回覆

LAIN, 就講我的娘親, 佢話膝頭關節痛, 不願多走路, 易疲倦, 我地買輪椅給她代步, 佢話出入見到街坊好尷尬, 會誤以為佢係有殘障, 又話輪椅出入好麻煩, 會影響其他人, 老人家的自尊心好強, 亦好固執, 佢地真係接受唔到, 我娘親的鴕鳥政策是不願外出, 想同佢去飲茶都諸多推搪.

soho*
soho* 2011/05/28 23:51:42 回覆

近日和親友聚餐, 話題都離不開股樓匯市, 可悲的事竟然齊哭股喪, 有手痕派愛短炒熱門股, 有穩陣派愛炒中移.國壽.匯控.港交所.長和...... 兩派都全軍覆沒, 身家大縮水, 手痕派話手上幾隻股起碼有一半洗倉式急挫, 穩陣派話手上幾隻股跌多多彈少少, 大藍籌都靠唔住, 大家不約而同話到上天家之日, 手上的貨都難以浮上水面.

其中有親戚曾持有數個樓宇單位, 我話至叻你喇! 點知佢話97後仍有重貨, 供得好辛苦, 後來又有沙士又俾美國佬打劫, 大圍經濟欠佳, 又睇唔到樓市有乜前景, 幾年前見樓價逐步回升, 有平手走, 有蝕住走, 除自住一間外, 其他都賣晒喇! 我心算一下, 佢賤賣的幾個單位, 現在市值合共逾二千萬, 真係替佢心痛! 幸好佢仍持有自住的一間, 現值一千萬. 

另外有一位朋友亦曾持有數個樓宇單位, 遇上沙士又俾美國佬打劫, 供得好辛苦, 頂唔順, 幾年前見樓價逐步回升, 有平手走, 有蝕住走, 套現資金拎去大手掃入匯控, 現時市值輸左一大截, 佢話如果死頂冇賣樓, 而家可以退休, 眼見樓價愈升愈有, 手上的匯控就愈跌愈有, 只能嘆一聲時也命也!

歐元兌美元反彈, 重上1.43美元水平, 美元指數急挫1%, 為1月中以來最大跌幅。周一美匯收報76.25, 其後幾日在高位徘徊, 今早已經碌左落去74.76, 歐債危機一時話大鑊, 美匯爆上, 一時又話冇事, 美匯急挫, 股市.匯市同樣假到痺, 大上大落, 大鱷正一呃錢怪! 散戶輸到怕, 我班親戚話做左艇戶好耐, 港股反彈但佢地d貨都彈唔起, 冇晒心機睇市, 唔怪之得港股成交日日縮, 佢地就係香港散戶的縮影, 不過頭條網友就精神可嘉, 打不死! 無論升市跌市都奮勇入市.

2011/05/28 12:20:06 回覆

Persie及各位:

 

你們好, 現已開始積極睇樓, 各位有其他關於的意見, 請公佈出來, 以便參考.

 

Persie: 知道給父母心理預備/引導是必須的, 腦退化加上年紀大, 自尊心等原因, 使他們根本接受不到, 又或許駝鳥政策不願面對現實吧

 

祝各位入多D平貨.

 

2011/05/28 02:40:41 回覆

其實我都無乜確實理據,只係印象中無乜見過連續幾日咁高沽空比率

指數又已經跌左好多咁接近250天線,用相反理論估,可能係時候反彈了

不過,正如你所講,近日仍有大量股份逆市下跌,或慘遭洗倉,沽空呢d股份仍有可為.

soho*
soho* 2011/05/28 01:56:04 回覆

為何你有此看法? 請問你是以甚麼理據作出此推斷?      {#icono_85}

當日恒指向下沖向250天線關口, 但沽空竟超過10%, 當時我心想: 係呢個水位大手沽空值搏率唔夠, 恒指已累計下跌約1400點, 向下空間已大大收窄, 250天線係超級大位, 大地震都守得到, 無理由今次毫無反擊之力一插就穿, 第一次下試大位應該有好友攔路.

後來我諗深一層, 這是整體沽空比率, 或者有心人只是大手沽空其他股份而不是沽空權重股, 咁樣就算港股作出反彈, 只要非重磅股唔跟升都有得賺, 港股由低位累計已反彈約600點, 但仍有大量股份逆市下跌, 或慘遭洗倉, 沽空呢類股份仍有可為.

過往全日沽空金額: 27/5 58.48億(9.11%), 26/5 46.4億(8.33%), 25/5 62.84億(10.35%), 24/5 52.99億(10.2%), 23/5 59.86億(9.28%),20/5 38.34億(6.64%), 19/5 51.14億(8.1%), 18/5 43.40億(7.18%), 17/5 45.03億(7.1%), 16/5 41.69億(6.97%)

2011/05/28 01:52:50 回覆

soho,

我講既相反指標意思就係大市升囉

soho*
soho* 2011/05/27 18:19:54 回覆

CJ08/蕃茄, 真係一額汗, 好彩貪字冇變貧, 今日出到貨有糊食, 我冇 CJ08 咁富貴, 每注都好重手, 撈底貨我係分注入, 升得少唔夠水位食糊, 所以我要耐心等恒指上去補裂口才可食糊, 不過隻建行掛得高得滯出唔到, 今日好鬼嬲, 建行竟然跑輸工行, 其實係建行跑輸大市, 唔係我大貪, 不過我唔會減價, 企硬等食糊.

歷史話俾我地知裂口早晚會回補: 23/5 下跌裂口 22943 ~ 23147 (今日全數補回)

呢兩日美匯回軟, 今日仲碌到落去 75邊, 利好股市, 但係上証綜指就罕有地連跌7天, 大鱷就當睇唔到按劇本抽高港股, 疲弱的國指今日突然大發神威, 由開市至收市皆能保持強勢, 一直扯住恒指上沖, 港股已連升4天, 好耐冇見過咁叻仔, 過去8個交易日恒指7升1跌, 慢慢湧緊上黎.

下周一港股期指結算, 下周一晚美股假期休市, 港股自由行, 好淡大鱷開戰, 有戲睇, 除美匯及歐元會影響港股外, 未來一周焦點是周三內地PMI及端午加息的陰霾.

今次恒指由250天線關口反彈, 大鱷係睇住黎做野, 大致符合1500~2000點的調整幅度:

5月高位 23924 , 5月低位 22519, 下跌1405點
4月高位 24468 , 5月低位 22519, 下跌1949點

蕃茄, 逢周二.三.四我就睇明珠台 Chase, Fringe, Medium, 仲要晚晚追韓劇九尾狐傳.

cashin, 我記得以前在跌浪當中見過沽空比率超過10%, 當時真係俾佢嚇親, 但印像中隨後幾日係冇大跌, 點解你話會認為係相反走勢呢? 今次歷史重演, 呢兩日又真係升得好靚仔啵!

小安子吉祥, 以往一個月內總會有超過五次同小強一家大細碰頭, 但自從安裝了驅蟲機後, 我家的小強確實是減少了, 只係見到一隻, 但總的來說我係好失望, 因為如無法將所有強強趕走, 仍留在我家的小強會繼續繁殖, 成為後患.

2011/05/27 18:00:38 回覆

Persie, 各位網友 :

Hello !

我家以前也有小強和書蟲

經朋友介紹在旺角花園街流動小販檔買了一盒 滅必淸殺蟲藥粉

我把少許藥粉放在 雪櫃底 地櫃背 幾天後(家有小孩一定要小心) 

所有蟲蟲唔見曬 {#icono_27}

 

2011/05/27 13:33:03 回覆

主席/SOHO/Persie:今日有冇沽撈底貨/??

今日再沽914第二注,留第三注(最後一注)待定...

 

蕃茄
蕃茄 2011/05/27 00:11:10 回覆

主席: D貨未沽, 我有 d貪心, 想賺多幾個%

Soho: 睇緊咩野劇呀?

Persie: 週六上演今個球季最後一場大戰 - 曼聯對巴塞, 我打算捧吓你隊第二愛隊-->小注買巴塞 , 贏個早餐去結束呢個球季都好啦.

2011/05/26 23:18:31 回覆

主席:开市食糊914,939.。

Persie
Persie 2011/05/26 23:16:12 回覆

Chelsea, Aston Villa and Blackburn Rovers in Hong Kong in July.

 

英超挑戰杯。

 

香港代表傑志。

慳妹
慳妹 2011/05/26 22:46:18 回覆

蕃茄、CJ:兩位今天食糊啦! 我今日都沽咗海油。

慳妹
慳妹 2011/05/26 22:43:52 回覆

LAIN:以你的情況,南濤閣太遠,或許香港仔海旁的居屋逸安居會較好;但看來你應該集中在西環附近搵屋。

2011/05/26 22:19:46 回覆

丙丙,

唔係呀化))))))))))

無見幾日你比個咁鬼震撼的news我.

help!!!!!!! 不過我之前聽聞過成日keep 住用漂白水沬地方可以減少小強出現機會.

但家中有小朋友唔適合用,

而我係懶鬼.

點算好呀??

Persie
Persie 2011/05/26 21:53:48 回覆

豪餅:小強再現!拍姜拍!

Persie
Persie 2011/05/26 21:52:24 回覆

LAIN:政府某些公屋是可以給住戶購買的,不過華富真是好舊,華貴叫新d,不過其實都好舊。如果南濤閣居屋 (講間屋,不講交通) 都唔合眼緣,華富華貴一定唔得。

 

我想你要幫老人家 manage their expectations,讓他們明白是有需要大屋換細屋,但細屋也可住得舒服,安樂。

2011/05/26 14:56:50 回覆

Persie及各位午安:

你們好, 謝謝各位.

香港仔南濤閣居屋己查到有朋友住過, 但除交通問題外, 原來附近因重建拆到難地一樣, 母親眼角很高, 一定不同意. 其實我很實際要求不多, 忍5年等地鐵及重建完成是OK的…

對, 首選是老人家住得高興, 但遷就兩老要變成”大屋換細屋”亦未必開心, 而按理性找屋又要變成”重新調整過”, 所以請勿怪我又煩又挑剔.

至於樓價是否快到頂問題, 我只望回落10-15%幫補下, 買到大少少的屋己很好.

 

慳妹: 有可轉讓公屋的嗎? 從未聽過! 只知有居屋補地價.

 

 

2011/05/26 01:08:06 回覆

近三日沽空金額係9,10,10%,好利害,會唔會係相反指標?

幪面馬仔
幪面馬仔 2011/05/26 00:40:02 回覆

我都是沒有買,我覺939$6.85-6.9x先吸引

 

bobo,1288鬼咁強,等佢$4.3x冇可能了。

soho*
soho* 2011/05/25 23:58:18 回覆

等左咁耐, 今日卒之山泥傾瀉沖向250天線 ~ 恒指低位22519 (五月期指低見22465), 好呀! 齊齊入貨! 第一次殺落去超級大位通常會反彈! 希望今日單日轉向倒升勢頭可持續, 明日再彈多d俾我地出貨, 呢幾日係轉倉高峰期, 如果好友反撲就可以輸少d, 努力呀!

+x哥 又買長和喇! 和黃好弱, 出黎幫下手啦!

恒指向上阻力22900, 破到才有望補回 23/5 下跌裂口 22943 ~ 23147, 不過10天線亦不易突破, 睇下淡友肯唔肯讓步.

今日港股成交金額607億(昨日519億), 一個二個都係等今日進場, 成交多番少少, 係唔係搏反彈呢? 內地資金緊張, 拆息上升, 內地股市成交持續縮減, 上証綜指跌至4個月低位, 反彈乏力.

底部係邊樹冇人知道, 好多時反彈都係失驚無神, 估佢唔到, 分注入貨冇壞, 近排港股沽空高達9%, 過去兩日仲飆上10%樓上, 好得人驚! 港匯疲弱, 今日洗倉情況持續, 資金流走, 後市仍不妙.

小安子吉祥, 報告! 報告! 大事不妙! 今晚係廁所見到一隻小小強, 係自從安裝了驅蟲器後首隻現身的, 非法闖入 soho 領土的小小強, 已被槍斃!

2011/05/25 23:50:32 回覆

昨天,今天買了 914,#1157 & #939,太肥,明天要减磅!!!

2011/05/25 23:39:12 回覆

馬馬, 如已有貨, 在此位我自已不會增持, 因吸引力不夠.

#1288 我的策略是 : 不染藍未落車 + 長短棍.

Persie
Persie 2011/05/25 23:13:46 回覆

番茄做得好

我今日無行動主要想買#1157 & #939但希望它可以恐慌性的再跌一跌

 

真正的原因是我已經用晒渣打銀行的現金@@需要補倉匯豐同恆生的手續費貴,不想經他們買。

蕃茄
蕃茄 2011/05/25 22:21:55 回覆

Hello, 大家好,

見這幾天股市日日陰霾密佈, 狂風驟雨, 今早猶豫左一陣, 終於"的"起心肝按之前定下的計劃入了些貨- #1157 ($18.4), #939 (7.04), #1688 ($12.8). 持有現金比例降至 24%.  

soho*
soho* 2011/05/25 01:04:46 回覆

嘻))) 去左明珠台煲劇, 唔得閒上網! 要深夜至可以貢出黎.

LAIN, 我都認為你選擇港島區較佳, 遷就兩老為首要重點.

我估今年內樓市會見頂, 本地地產股走勢疲弱正是樓市的預警, 幾位港府官員高調提醒市民入市要量力而為, 語調有警惕味道, 另外近排銀行陸續加按息已令樓市降溫, 銀行估價已轉趨保守, 內地資金緊張, 外資亦有流走跡象, 加息周期展開, 港人不欲高追亦轉買為租, 買盤減少, 本港樓宇買賣成交縮減, 4月本港住宅買賣宗數大幅縮減, 為2009年3月以來最少, 意味業主企硬, 買家亦不肯高追, 形成買賣減少, 今年第四季美國討論加息的問題又會成為市場焦點, 種種利淡因素都會影響樓市氣氛, 我住新界區, 過去幾個月追落後樓價又升多一浸, 通常炒到新界樓就係水尾.

舅父仔/馬王爺, 早排陸 Sir 建議在 250天線 $6.81才入建行, 周二改口話 //建行在7元左右支持力唔錯,進取點可在現價入,保守點可等下一浪時在近7元買。//

//商品見左個小底,可以先炒一浸反彈,然後再睇美元去向。而家大方向係賭美國QE2如何退場,若到8月不退,債券到期聯儲局再把錢投入市場,商品會展升浪。若聯儲局慢慢退,8月手上債券到期收左錢唔再投入市場,恐怕美元慢慢會強番d。當然,日本會唔會又QE,亦是一個變數。兩年月供,求穩為主,可選內銀主打,建行、招行,加隻中國海外,可以此為膽。商品有可能在兩年有大回吐,求穩要避商品股。//

建行在周一大插插時跌穿了近期低位 $7.1, 但周二即刻湧番上黎, 不過未企穩,我覺得 $6.9 支持力好強,  進取唔怕艇可在 $7 考慮買入第一注, 其實入建行收息唔使心急, 因為6月中才除凈, 仍有時間等個靚價, 可以等恒指下試250天線才部署, 向上方面, 建行近日在 $7.3 已見阻力, 無法突破.

中行企左係 $4 樓上好鬼耐, 守得好好, 所以我想係 $4.11 入貨財息兼收, 估計除息後穿 $4 都會識得上番黎, 過去兩個月中行最低都係見 $4.17, 看來我要加價俾多少少才入到貨.

中國銀行  末期股息: 人民幣 0.146            6/02
工商銀行  末期股息: 人民幣 0.184            6/07
建設銀行  末期股息: 人民幣 0.2122          6/16

~ 穆迪考慮調低個別英國銀行評, 英國4月份財赤擴大至100億英鎊, 遠高於預期, 英鎊下跌, 要留意匯控股價是以英鎊計算, 匯控下跌會拖累港股

~ 下周一 (30/5) 港股期指結算, 30/5 當晚是美國陣亡戰士紀念日, 美股休市

~ 下周一 港股結算前, 即本周三.四.五會有大量轉倉活動, 會影響市況, 分析指期指未平倉合約仍高企, 淡友會壓住大市來轉倉/平倉

~ 港股成交金額大幅萎縮至519億元, 代表未有資金肯入場掃貨, 即係港股仍未找到底部, 港股成交持續縮減已好一段時間, 大量股份跌破52周低位跌勢仍未止, 洗倉情況持續, 極為反常, 有可能是資金撤離港股, 港股溫水煮蛙式下跌, 反彈乏力, 好友節節敗退, 亦消耗了股民不少購買力.

~ 市場普遍預期內地將會在六月初端午節假期加息, 過去幾次加息是在 4月. 2月. 12月.10月

~ 港府將於6月9日拍賣香港波老道及元朗屏山屏葵路地皮

幪面馬仔
幪面馬仔 2011/05/25 00:42:48 回覆

有呀,月供貨唔郁架。想試吓收息快閃法。未過試。


寶寶,我都有留意神聾,現水位好似唔多,是否?

2011/05/25 00:29:38 回覆

馬仔, 你不是有#939的嗎?

幪面馬仔
幪面馬仔 2011/05/24 23:50:13 回覆

Lain

近西環碼頭,西齡街得唔得?

你可以去東華三院網業,check吓佢地轄下單位(租盤),在打電話去問,據悉現在幾full,租金比一般平少許。

幪面馬仔
幪面馬仔 2011/05/24 23:44:43 回覆

939好高息呀,我昨天沒買到。


豪餅,咩位好呀?

Persie
Persie 2011/05/24 23:40:41 回覆

浪子特步唔贊助阿伯贊助第二隊都一樣啦阿伯攞左Carling仲害左佢,佢以為自己得但反而一路失分如果自己當自己是 underdogs才是阿伯應有的態度Blackpool又係傻如果他們肯改善一下防守不至於做升降機可惜

之前有消息話阿伯負債率太高不符合歐洲足協的規定如果要打歐洲賽要注資才可以

Persie
Persie 2011/05/24 23:40:22 回覆

馬仔:我都有興趣抽。

soho嘩,d息好吸引啊!

Persie
Persie 2011/05/24 23:27:34 回覆

LAIN香港仔南濤閣居屋樓下有個巴士總站我知中環搭75銅鑼灣摩頓台搭72A可去到總站這個地方返工非常不方便香港仔隧道永恆的塞車你要想清楚為了父母在西環找房子最好比如士美菲路你可去那兒的地產鋪看看

沒有人知樓價現在高定低我識好多人兩年前已經沽左摟兩年都買唔返有朋友因為沒置業又將要退休所以好苦惱想緊是否要回國內住因為香港租金貴而且業主年年加租層樓亦不愁租

現在好多兩房單位都要萬幾蚊租我常說如果每月要交租真好難想退休大計我覺得買一個小蝸居好重要自己同家人住室雅何須大只要不漏水穩陣治安好都夠啦

Persie
Persie 2011/05/24 23:25:30 回覆

主席我的俄羅斯同資源基金從高位下跌了10%不知可否再爬上去#2823去到一個吸引的價位不過我現在對它沒有什麼興趣我估 #2828會更好或者我會趁現在買入首域中國基金我對 #1157#939都非常有興趣。

慳妹
慳妹 2011/05/24 22:17:01 回覆

LAIN:如果老人家習慣在某一區生活,真係好難要佢哋搬,唯有後生嘅作出遷就。

你住西環,有沒有在西環或堅尼地城搵樓? 試找不同的地產代理問問,參觀放盤單位。 你話世伯或伯有啲麻雀腳在香港仔,咁你唔問吓佢點樣去香港仔? 我知北街有綠色小巴去華富村、香港仔市中心,你近唔近北街?

不妨考慮華富村或華貴村的可轉讓公屋,無敵海景,都唔錯咖。

樓價是否到頂真係唔識答,我只知人民幣未到頂,國內嘅資金嚟香港購物覺得好抵!

慳妹
慳妹 2011/05/24 21:57:16 回覆

我覺得事前永遠冇人知道邊個是低位,因此只能計算個人風險承受能力之後在相對低位買入,如果買入之後不按預期走勢發展只好此蝕,否則永遠都會買唔到或買錯。

舅父仔:我買咗中海油、農行同中聯重科,還想買些少匯豐,都係短線。

2011/05/24 14:17:02 回覆

p.s. 各位認為樓價是否快到頂了? 應該慢慢找樓嗎?

2011/05/24 14:08:09 回覆

謝謝各位幫手

慳妹:
1. 西灣是首選, 因母親很好動, 1天去幾個老人中心玩, 而他目前的老人中心集中在中/西灣.
2. 香港仔亦ok, 因他的麻雀腳在香港仔, 去香港仔的交通他已懂. 香港仔南濤閣居屋如何去到? 其實我亦是交通盲!
3. 不用平地升降機, 行幾級ok, 但唔好行十幾級才有電梯.
4. 我目前失業但將來希望再找工的, 香港仔經常traffic jam, 但可接受等5年地鐵.
5. 港島東嘅西灣河、筲萁灣、北角嘅居屋太貴, 4月問西灣河、筲萁灣嘅居屋價, 建築面積450-520要335-365萬, 失業者買不起.

BOBO: 因母親很好動, 所以荃灣太遠. 之前帶他看過西灣河、筲萁灣, 以為地鐵/巴士直達可以被pass; 但他1看便”便(打不到字)咀”. 因交通他不屬(打不到字)怕轉環境.

Persie/Soho: 我個人既目標是筲萁灣, 黃大仙及坑口/寶琳(近地鐵, 方便, 易保值, 屋價便宜), 但老人家口中不講, 亦知不太高興啦…

各位說我應該找得到不錯的屋, 但不知是否當局者迷, 總是感到好似區區都ok, 亦區區都有缺點, 很迷茫又擔心…選錯了會被家人怨!!!

2011/05/24 09:18:10 回覆

降班可以踢, 以前 Ipswich 試過

熱刺送Birmingham去死=送我隻1368去死 too.

ai.... Liverpool 輸, 熱刺輸都無所謂啦.

幪面馬仔
幪面馬仔 2011/05/24 00:17:58 回覆

我想做睹后,你們有冇抽呀

soho*
soho* 2011/05/24 00:08:11 回覆

今日係雷暴導致山泥傾瀉, 唔係雨天咁簡單, 所以冇購物, 大鱷走鬼洗倉, 睇定d至入貨, 好息的 soho 蠢蠢欲動, 計劃入內銀股, 中國銀行有股息撐住好鬼硬凈, 未到我既心水價, 激屎人! 恒指靠近250天線具吸引力, 好難忍呢! 除凈前我會出手掃內銀股, 今次港股大插插, 除歐債危機外, 中國經濟增長放緩亦是殺跌元兇之一.

6月份除凈股份 (部份):

中電控股  中期股息: 港元 0.52                  6/01
民生銀行  末期股息: 人民幣 0.1                 6/01
中國銀行  末期股息: 人民幣 0.146               6/02

工商銀行  末期股息: 人民幣 0.184           6/07
中國石油化工股份  末期股息: 人民幣 0.13  6/09
農業銀行  末期股息: 人民幣 0.054            6/09

建設銀行  末期股息: 人民幣 0.2122          6/16
中聯重科  末期紅股: 1股送0.3股              6/20
中聯重科  末期股息: 人民幣 0.26             6/20

2011/05/23 23:57:11 回覆

如果你買公用股係想收息及穩陣, 無需理Q2, 定Q3 .

公用股的用途 : 以前D人成日話係跌市資金避難所, 我都曾經好傻地買了好多年;後來才明白, 只有基金不可100%CASH 而一定要持有股票, 散戶絕對可以渣CASH~

狐以前買了好久 #3, 因為不斷的回購而非派息.   03-05年 佢 由 9.1 一直開始回購一定炒上16-17 , 09年3-4 月市跌而佢不跌,亦由大量回購支持股價. 對我來說, 連小5也是短炒心水耳.  

每一個人不一樣, 如果炒股成積在 30%以上, 那會買收息股呢?

 相反, 如果炒的成積麻麻, 卻買高息又有錢賺, 何必去捨易取難呢?

P仔, 如果有一天我要買澳元, 也會過來問問你先~

Persie
Persie 2011/05/23 22:51:33 回覆

美股跌緊130唔怕機會只怕買得太早

 

喂喂美國好似好唔掂會晤會再有金融海嘯啊

 

主席你買左乜股

幪面馬仔
幪面馬仔 2011/05/23 22:48:10 回覆

我今日買唔到!

Persie
Persie 2011/05/23 22:42:50 回覆

主席上週陰天我已經購物今天忍手看來明天雷暴添啊

慳妹
慳妹 2011/05/23 21:53:03 回覆

今日大家有冇雨天購物?

Persie
Persie 2011/05/23 02:07:07 回覆

cashin:我絕對係神神化化的人,其實我年代的荷蘭隊員,都可以說全都退休了,現在可能只剩下施多夫了。

 

從足球世界回歸現實,明天又要上班了,goodnight

2011/05/23 01:50:04 回覆

Persie,

性情中人!

Persie
Persie 2011/05/23 01:41:07 回覆

Sink !!!!

瀏覽更多回應 正在載入...
user

已關注

最新回應

幪面馬仔
幪面馬仔 2024/02/12

有緣人

{#iconb_282}

李聯廣
李聯廣 2024/02/12

恭喜發財!

有緣人也在此祝各位龍年行好運, 身體健康,萬事如意!

幪面馬仔
幪面馬仔 2024/02/11

{#iconb_210}

有緣看見的,

身體健康

幪面馬仔
幪面馬仔 2023/12/20

又到聖誕,又到聖誕

{#iconb_259}

來年大家,開開心心。