梅子豬扒-超「讚」! (60款懶女生懂做的小菜---52)
2011/05/24 19:04:04 網誌分類: 60款懶女生懂做的小菜
豬扒黎啦!
點解咁多黑斑既?
果d其實係西梅 XD
今日買左好多野, 包括右上角附近既一盒西梅... 好貴囉...15蚊既無核西梅~
我嘗試過搵D普通西梅, 搵D真係仲係生果既西梅, 但超級市場冇, 裕X又冇, 類似裕X既店仔又冇...
講返呢D豬扒:
係肉眼扒, 呀媽買既。原來我識煎咁大塊扒 =口=" 我咁講既原因係呀媽次次都切到D扒好細塊, 所以我唔知咁大塊係點煎, 好在煎到, 而且用秘製醬炆呀!
其實係睇電視節目抄既, 同埋放左D「美男廚神」燒餅餅既獨門秘方, 於是個汁既材料有清水、鎮江醋、茄汁、生粉、生抽、麻油、檸汁、沙糖咁樣... 特別推介: 蒜茸! 我仲加左D去左外層既檸檬皮粒落去。
D西梅放埋落去D汁度浸。
扒用左鹽同生抽仲有蒜茸同檸檬汁醃, 係咪算係「懶女生懂做的小菜」既一項大工程呢? 又可以話, 有鎮江醋既香味, 落少D野都可以好好味!
D扒每邊煎2分鐘, 跟住繼續又煎又反, D火就自己調節, 唔需要大火; 跟住落D汁同西梅去炆, 而我D西梅放嚮扒既上面係怕佢面燶燶... 又其實呢可能佢唔會面燶架喎, 我唔知啦~
好香架, 相信好好味。
呵呵呵~
美男廚神」燒餅餅