我唔會放棄
2011/05/26 09:17:01 網誌分類: 哲學
雖然同屋企人大概以打賭形式要求每日煮兩餐飯以換取「唔使搵暑期工」既優惠, 我就快有d虛脫既感覺, 因為要買餸, 仲要想d餸, 仲要搵點煮, 仲要問二哥食唔食, 因為佢最「嫌尖」~
知道點煮仲要試時間同份量; 我鐘意鎮江醋既味又鐘意食梅子豬扒, 二哥就話酸。好多好味既野佢都唔食, 好在佢話食薯仔, 於是60款懶女生懂做的小菜 第二輯 (2) 會有好多薯仔餸... 我同爸爸鐘意食甜野但甜野要食得有個譜, 唔係唔健康; 呀媽又要食高鈣野...
唔會放棄, 因為我有燒餅餅做顧問呀! 又有呀媽做顧問, 又有youtube學煮餸, 網上面又有咁多食譜同煮後感, 我唔會放棄!
最多早d睡, 休息多d, 聽日上返mytv睇電視劇。
多謝penny~
不過只係中間果樣ok,
(咦? 二哥唔食菜...唔理佢lu)
等我遲d學整。
第一樣唔得既原因係二哥唔鍾意食雲耳果d,
但整俾呀媽ok,
咁我都學埋啦!
第三樣係我唔食西芹,
可以換做西蘭花~
多謝你呀!!!!
介紹三款餸給妳參考~
唔知你們一餐要幾個餸呢? 咁咪一樣整一D囉~
就像你同朋友出外食飯,都是每人叫一個自己喜愛嘅餸,且未必每一個人鍾意食噃。