等

當市民早早就諗定點洗的同時，財爺卻遲遲講不出幾時出，同點出。

我哋、同大家一樣，唯有等。果班嘈嘈閉的議員沒有在這議案投反對，看來他們也心急在等﹍﹍。

哎！財爺呀，財爺，幾時出呀，唔通你要等埋「未未」放返出來先至出咩，唔怪得班八十後一「未」塗鴉，就係話俾你鬍鬚曾知，仲「未」出。

說起等，俄總梅德韋杰夫就終於等到嘞；做咗幾年啊「京」嘅接線生，係時候正面同佢鏈過；佢話過有朝一日有人打電話到佢ｏｆｆｉｃｅ話揾普京，佢一定會答：「佢死鬼咗啦！」得唔得呢？放長双眼等。

等﹍﹍係需要耐性嘅。

就好似查理王儲一樣，由𡃁做到連囝囝都娶埋老婆，都仲係太子，最惨係唔知要等到幾時，有時真係替佢担心，會不會好似康熙個大仔，做咗三十幾年大阿哥，最終俾人廢咗，王位仲俾四弟搶埋。

有時我諗：假若查理同金正恩（北韓太子）偶遇，倆個人可能互相抱頭痛哭，双方心裡有同一心聲：咁多人死唔見佢死！「佢」係指邊個呢？

等﹍﹍最終會有結果嘅！守得雲開嘛。

你睇美國，頂住度氣成十年，終於有回報。正所謂「君子報仇，十年未晚」，拉叔叔最終變成拉柴了。

最近，銀壇鼠幫之鄧光荣先生歸天了，他的年紀和水皮老鼠差不多，可以說是同一輩，看來，我這一輩子的輪到了，我也在等﹍﹍！

請大家聽一首舊歌﹍﹍﹍

陳百强的

等

等　

寂寞到夜深　

夜已漸荒涼　夜已漸昏暗

莫道你在選擇人　人亦能選擇你　

公平原沒半點偏心

苦澀　慢慢向著心裡滲　

何必抱怨　曾令醉心是誰人

自願吻別心上人　糊塗換來一生淚印　

何故明是痛苦傷心

還含著笑裝開心　今宵的你可憐還可憫

目睹她遠去　她的腳印心中會永印

糊塗是你的一顆心　他朝你將無窮的後悔　

這一生你的心裡滿哀困