港股要轉勢, 談何容易?
2011/06/02 09:22:21 網誌分類: 經濟
留意左港股大半年, 自上年11月升穿24500 後,
近呢半年港股都係徘徊係22000~24500呢條軌道,
無他既, 雖然香港經濟持續改善, 樓價升, 出口升, 消售升,
失業率又維持係低水平, 不過港股係由內地資金+外國大戶投行基金主導,
中央唔想經濟過熱, 唔想股巿暴漲, 所以連連加儲準金& 加息,
務求細水長流, 而日本受天災影響, 資金都回流去重建,
所以攪到港股唔上唔落...
--------------------------------------------------------------------
最近港股連升六日, 突破20天平均線, 成交又配合,
達九百多億, 唔知有無股友追左貨呢?
Rainbow 就覺得呢下反彈只係為左殺熊証矣已~
因為所以基本因素無變, 宏觀經濟無變,
只係講完又講既希臘危機係度炒上炒落
當睇到新聞話有廿幾隻熊証打靶了, 就覺得之後大插水都無後顧之憂了~
呢兩日有好多講股佬都話"五不太窮 六不會盡"
rainbow都覺得港股要穿22000呢個支持位唔容易,
所以短期入巿策略係22000附近入第一注, 至於入d咩野股 下次再講啦!
好呀, 投資要多交流至有得著
客氣了!多點交流吧!
哈!謝謝亨記!
歡迎強勢回歸