百變pancake (60款懶女生懂做的小菜 第二輯---8)

其實以前有一排成日整pancake食~ 今朝整左幾塊, 加左d柑桔甘草蜜落去pancake度, 捲住黎食, 好味!

不過比較經典既一款, 我會加煉奶、花生醬同沙糖, 咁就有格仔餅既風味。

健康款既pancake你可以唔加沙糖落去攪, 到加醬料時先隨意去加。

材料:

麵粉、蛋、水, 可以加其他調味料, 好似香油、蔥、芝麻果d, 但我試過加粟米落去, d粟米會嚮煎既時候甩左出黎, 不如煎完先加落去, 加沙律醬, 咁真係好好味!

裏面又可以加煙肉同其他薄餅配料...

又可以放落d格仔餅/雞旦仔/三文治機度整個形狀。

個程序呢, 我鍾意先放d麵粉入個容器, 再嚮中間開個洞, 放d水入去 (呢樣係嚮好耐之前中學家政堂唯一學到既野), 再攪。咁樣d粉好似易溶d。

跟住加個蛋。攪。

跟住唔需要用油, 放嚮燒熱既平底鑊度用細火煎~~

好味又飽肚。