memory~

大概10歲既時候, 好鍾意呢首歌。

10歲既時候, 覺得夠10歲係好大個...

20歲時都覺得自己好大個。

就快26歲, 卻已接受好多人覺得我好細個, 因為baby face& baby voice... 好多工作機會都因此超越唔到。

可能呢個係命運...

昨晚睡得好差, 睡極都睡唔着~ 西斜既房間, 6am就曬到死, 又因為要曬衫而唔可以落簾, 開始思考: 我仲要頹廢到幾時。

幾歲大既時候我成日覺得20歲時會日日着suit返工, 好似當時電視劇d女角色咁~

到20歲時發現d人已經唔興着suit返工。

25歲時覺得d女仔d衫越黎越少布...

就快26歲, 仍然唔慣塗粉底, 更唔想塗胭脂... 眼鏡幫到我個樣大個d, 但暗瘡又會多d。講好聽d我本質算白裏透紅, 但我塊面咁紅一定要塗d野出街遮左d紅色, 否則會好似見到個個都怕醜, 然後就俾好多人笑~

都唔知係咪因為呢d原因, 個人真係比小學時怕醜。對住d大粒既人物, 我真係講野大聲唔到...

好似個細路女。

之前去間社區中心見工, 個姑娘話我個樣好細個, 但原來就快26歲, 覺得我好慘, 因為佢了解我搵工好難。

學歷, 原來幫唔到我d咩~ 畢業袍卻係幾靚既。我會穿第3次: (1)副學士 (2)學位 (3) 教育文憑

我係全家人穿袍次數最多既, 唯有咁去思考, 先會覺得唔會比唔上人。