細說香港歷史「玄案」 李丞責：再唔講就會失傳
2011/06/20 08:48:01 網誌分類: 娛樂
| 已開始播映的無綫節目《香港玄案》得到極佳反應，皆因香港人對發生在香港的種種奇聞逸事顯得甚有興趣，加上由著名風水玄學家李丞責博士、劉倩婷、陳敏之及朱維德主持，節目從科學及玄學的角度，去探索及解構這些流傳的「玄案」，例如會考察古廟、舊樓、奇村和怪石，探討種種傳聞的背後故事。今次就請來李博士及劉倩婷接受《名人會》訪問，兩人會透露一點節目內容去慰解觀眾期待的苦。 主持：黃柏高 統籌：林永匡 協力：彭燕燕、廖思慧、袁東亮 其實講述舊香港故事的節目一直存在，但從科學及玄學角度去包裝，再深入研究及探討的實絕無僅有，因為節目的新鮮感及意義，李博士一接到邀請便二話不說地答應了。 李丞責：「由細到大都聽過好多關於香港的傳聞奇事，但近年發覺好多人原來無聽過，就算知道個名，都唔會知內容，我覺得屬於香港嘅歷史文化要保存之餘亦要流傳落去。你知啦，香港變得好快，莫講話歷史啦，連原本嘅土地同海岸線都唔見咗，若然再唔講，文化就無法傳落去下一代，呢個承上接下嘅動作好重要，希望節目可以吸引更多人去留意將失傳嘅香港文化。」 劉倩婷狂拜姻緣石 在英國讀書多年的劉倩婷自言跟李博士做主持得益不少，每次拍攝也像在上課一樣，寓工作於學習，為免有限的中文知識影響表現，她每次拍攝時會努力背誦兼搜尋有關資料，難怪李博士對這位新拍檔讚不絕口，還忍不住大爆她在拍攝時的趣事，如狂拜姻緣石。 劉倩婷：「邊有狂拜呀？我第一次去咋，聽就聽過好多次嘞，去到個負責人叫我做好多動作，叫我『拜下啦』，我咪照做囉。我只係依足個程序，一步一步咁做，都好複雜㗎，做完嘞，師傅就話我個姻緣出現咗嘞。原來佢講緊一個喺附近跑步嘅外籍小朋友。」 李丞責：「佢拜完一開眼我就同佢講，姻緣到嘞，佢即刻醒晒望到實一實，差啲碌落山，哈哈哈。」 「香港」的由來 所謂活到老學到老，原來香港在明朝時代已經存在，在那時的航海圖上，就有紅香爐（香港）這個地名。 李丞責：「以前啲大官去見皇帝前，都會薰香個身，好似依家啲人噴咗香水咁，覺得是尊重之類，但當時只得香港先有香木，雖然香港好細，但收埋好多神奇嘢，所以由嗰時開始，啲官員不惜用任何代價跟農村嘅人買香木，咁香港嘅商業基礎就慢慢成形，之後啲大官就投資去種呢啲香樹，香港個名就係咁得嚟嘅。但同時又有另一種講法，話有個紅香爐從外海漂入香港一條漁村，當時個島仲未有名，漁民就將個島改為紅香爐港，之後逐步變成香港了。」 玉女拜堂福澤後人 除了用玄學方向談典故外，亦會用科學角度去探索各種「玄案」，這一點最令讀經濟的劉倩婷感興趣。 劉倩婷：「好似起摩天大廈就係1973年之後經濟出現危機嘅一個原因，所以我哋用咗3日時間去一個墓地探索，個墓地係鄧氏家族的祖墳，因為我哋知道鄧氏後人個個好厲害，究竟墓地風水好係咪真係可以福澤後人呢，我覺得好有趣，更有趣係個墳叫做『玉女拜堂』。」 李丞責：「以前有一個讀書人，曾經做過高官，有一次佢經過香港某處，發現好好風水，覺得條龍脈可以福蔭後人，於是佢將袓先三代，即阿爸阿爺同太爺嘅骨掘番出嚟，然後帶嚟香港安葬，佢做完呢個動作之後，的確帶旺咗新界五大家族中嘅鄧氏家族，證明陰宅陽宅嘅風水同樣重要。」 |
 | |
| |
 | |
| |
 | |
| |
 | |
 | |
陳敏之做得好...仲有怒火街頭都係呀..幾時再演鳳姐既角色呀??