上左堂「戶外寫生」

終於開始上啦!

班長同呀sir講野都好有道理……

班長話: 咁多人一齊無聊就唔係無聊架la。

呀sir話: 畫畫唔係要似, 係要畫到種神緒, 唔係鬥幅畫出黎~ 要享受過程。

今日雖然係理論課, 都可以練返d素描既基本功……

但係呢……

有時我理解d野時怪怪地架,

要塗9個格仔, 每格深色一d, 咁我塗完一格再一格, 其實可以先塗晒9格再塗8格再塗7格~

點知有同學同我一樣 =口="

個問題係, 我竟然突然有種感覺係每格要塗滿, 於是慢慢塗;

又有種感覺係我個人冇力, 所以要大力d……

其實我以前唔係用塗多幾層既方法畫漸變,

而係隨住我隻手冇力, 漸漸輕力, 畫出漸變色。

隻手冇力先畫到既漸變色 XD

所以要我塗平色係非常吃力架!

咁, 又冇人叫我塗平色, 我只係誤解左。要多d聽人講野先, 因為我記得中四五時我自己畫, 都好少聽意見……又或者聽到都冇意識入腦啦, 自以為是。中六時好好彩去左間中學, 雖然冇arts可以修, 但個arts呀sir免費教我, 速補素描、design, 等我再考多次arts。

一直覺得自己畫畫好靚, 但咁耐冇正式畫, 生疏總會有。今次既9個格仔練習係大敗筆, 下星期要依照指示, 相信一定可以畫返幅靚畫。 (都係慢慢黎啦, 要畫勁靚既畫唔急得)