bb的手
2011/06/28 21:23:16 網誌分類: 姪女是個2010年bb
bb姪女慣左有人餵佢食野, 今日佢扮餵d手指餅俾我地食~
跟住, 佢d手指餅食晒, 仍然繼續扮餵我地食野~
bb好鍾意爬黎爬去。
今日我去到佢屋企, 除左水鞋想去洗手時,
佢又拎個「門sip」黎玩, 又想玩我對水鞋...
個地下太污糟la (雖然見唔到污糟), 因為個個對鞋都去過好多地方,
出面d地下好污糟架ma! (雖然有d都唔見到污糟,但有雨水,又有菌...)
我即時叫我呀媽抱bb去洗手(因為bb未必俾我抱)~
好在呀嫂「拎走」左bb, 帶左佢去沖涼。
成個bb乾淨晒, 新既一樣 =口="
我就用消毒藥水拖個地板。
但呢個方法可能令地板有殘餘既消毒藥水, 而且地拖同地布可能都好污糟...
我呀媽話: 唔驚得咁多架la, 妳細個時咪又周圍爬!
我同燒餅餅講呢件事, 燒餅餅又話: 細個唔應該怕污糟架, 第日出到去抵抗力唔好架~
我地個個都好錫bb, 大概只有大哥大嫂會罵下佢~
bb都知道大家好鍾意佢, 所以整古怪表情都冇人會罵, 佢放心扮鬼臉、整個怒樣出黎。
我地食野時佢冇野食, 佢chick起d眉, 好似「憤怒的小鳥」咁 XD
有時佢會爬過黎, 或者坐學行車行過黎, 拍下你, 等你俾野佢食。
佢最鍾意玩手機, 所以就算熄左部電話俾佢玩, 佢都好快就識開返部機,
唔好以為會ARC到佢呀!
我呀嫂發現bb拎住部相機玩既時候, 開左相機, 影左地下、玩具、自己 ... 呢個bb太聰明la!