Band 幾

2011/07/07 22:08:22 網誌分類: 未分類
07 Jul

今天,是西曆七月七,舊曆也是初七〔小暑〕。

 

我在這裡無意說歷史,祗不過想起我小學時升中試成績差透,band 6都不如,正一band 7,同學們都笑我band 7老鼠,後來大個了,覺得笨笨聲加個7有點不雅,就索性改為水皮老鼠,笨和水皮差不多,嘻 嘻!

 

早兩天,教局公布中一派位結果,一眾家長都 band band 咁嘅聲,有啲喜極而泣,也有啲悲極而泣;當然,作為父母,總希望小朋友能找到一所「好」中學,起碼 band one 啦。我以前就咁諗,一所學校之被冠為「好」,究竟係點嚟呢?

 

校內環境好?校風好?校規嚴?師資好?抑或男女生好型?

 

以前至今,英皇、皇仁、華仁、聖心等之所以被認為「好」,我覺得同上述因素都無關,主要是所有資高生都被派進或被挑錄到這等學府裡。試想想:面對着一班資高生,根本唔需要點教,程度仲可以稍稍提高,試問,間學府點會唔好𠮩。

 

因此,「好」並不在學府,而是在學生。所以,各位家長,如要入一所 band one 校,請先量量自己兒子係 band 幾。否則,愛和害都是一線咋。

 

如果要水皮老鼠評,英皇、皇仁、華仁、聖心等,都不是band one,或者都不應是band one 校,因為他們衹懂教「好」的學生,而不懂教好啲學生,不知大家明唔明個分別,哈哈!

 

那麼,在水皮老鼠心目中,那所才是 band one呢?相信老鼠寫了出來,所有家長都唔想子女入到這所學校,答案是正生書院。

 

殊!咪嘈,我係band7生嘛,諗啲嘢係笨笨哋!!!!

回應 (2)
我要發表
淺雪
淺雪 2011/07/08 09:31:59 回覆

岩..有道理.

2011/07/07 23:11:04 回覆

都好有道理噃。正生書院可以稱得上" Band 1"。只懂教好學生,而不懂將成績唔好嘅學生,都到好成績,真係不配做 "Band 1 "。 {#icons_panda1}

user