係機會既問題

「大埔焦急城小學雞」其實好細個... 雖然唔知以前有冇見過佢, 畫面又未可以令我確定個小朋友既樣, 但作為一個有教育熱誠既人, 任何小朋友都唔應該放棄去俾機會佢地改過。

有時, 冷靜一陣, 大家就好快忘記d事, 小朋友亦易d落台既。

以前有個表妹把口都唔係咁好- 當時佢6歲。但係佢大個d之後, 把口冇再衰啦, 而且係個好乖既小妹妹。

所以呢, 希望社會唔好「啄」住個小朋友。俾下台階佢la! 我亦相信社會好快會忘記呢件事, 因為每日都有好多爆炸既野。但願個小朋友亦唔好將大家對佢既指責放嚮心上, 卻要反省, 俾機會自己改過, 俾機會自己同父母講返對唔住, 或者做返d令父母開心返既野。

小朋友, 始終都係小朋友。如果佢深感到俾人定左型, 佢條路就返唔到轉頭。所以希望大家同佢自己都俾條生路佢行la!

p.s. 如果我係佢老師而我又認得... 暑假之後會搵佢傾閒計, 睇下佢情緒方面有咩可以改善, 再循佢既興趣想方法令佢每日都可以穩定到佢既情緒。條路好漫長, 所以大家又唔可以怪晒d父母同師長既, 因為香港好多人都有情緒問題, 佢爆出黎既野都未必係個心想講果句~