貓吃魚
2011/07/15 08:46:28 網誌分類: 生活
一直以為貓的食物就是魚,可是長大後卻被不同的人告知,貓會啃魚骨的,吃魚會有危險,貓不是吃魚專家麼?怎麼這一代的貓退化了?
我家的貓爺只吃餅和罐頭,一來是我忙,沒時間搞新鮮食物,二來實在也不知道哪些魚的魚骨才不會啃死貓,那個貓爺如果因為這而弄傷了喉嚨,我便難辭其咎。看着牠們每餐乾啃同一樣的泌尿配方貓餅,有時也很納悶,好彩貓界沒有食評家,再好吃的東西,日日食總會厭呀,放假時唯有多開罐頭讓牠們高興一下。
貓其實對食物有近乎盲目的忠心,像頑固的老頭一樣,隨便轉糧牠們可能會絕食抗議,不過這樣倒好,減省我不少麻煩。不過有時也挺懷念兒時媽媽煎貓魚那一室的香味,今日的米米就沒機會吃到了。
關慧玲
立冬,
以為你煲湯了得,原來貓魚都掂,勁!
我記得細個煎魚是不落油的,是用少少水來煎,煎到收晒水就食得,水可逐少逐少來加的.
關小姐:
唉!我唔記得講,個櫃桶係放零食既,總之就損失慘重喇!
重要唔罵得,畢竟覓食係她們的本性!係我自己唔小心啫!
貓哋同我一樣唔食煎魚, 只食蒸魚, 貪其原汁原味又健康~
但我會試的mtleung煎白飯魚仔乾~
mtleung ,
多謝你的詳細介紹,大家快試吓。
煎新鮮魚是否一樣不落油?
ECHO YEUNG,
哈哈,佢地又搞邊科呢??
我未試過買咸o既白飯魚乾喎, 不過買之前可以問清楚係咪天然生晒至買, 知清楚都好!
做法:(1)先拿十幾條魚乾(吃幾多洗幾多)去清洗, 用抹手紙抹乾. (2)將個鑊整熱, 不用落油 (我用電磁爐, 好快個平底鑊就烘熱). (3)平均咁放哂d魚乾落鑊, 跟住熄爐, 等佢慢慢烘香一面先 (4)大約過分鐘到, 將d魚乾反轉, 再開爐, 今次要睇住, (我用電磁爐)好快就會烘"隆".
通常烘香一面, d貓小姐少爺已經出現等食, 所以烘另一面自然會快手快腳咁攪掂俾佢地吃, 如果再耐d, 佢地會嘈到拆天...
antydorothy:
我兩隻都是囡囡,細佬是笨笨的,妹豬是挺聰明,昨天又爆左我格!
(我祇不過關漏少少櫃桶門 ),損失慘重!
ECHO YEUNG
I have 2 cat ,I forgot told u my small cat name is 細佬 but different colour (tabby & white)
關小姐:
一張相,一 video(無說明)我們都ok happy
ECHO YEUNG
your picture so cute
一三五版?
好呀,關小姐不用太大壓力,有時一張相,一小段說明,我們都會滿足了。
好喇!細佬又唔俾我上網喇!
各位貓奴
我放假就蒸魚/雞/豬加毛球膏給我2個少爺食.少爺都ok like 大家試試
關小姐
變成一三五版,好好好
old ox
嘩~~好得人驚丫,好德州殺人事件feel~~~
關小姐:
十幾年前某個炎夏下午, 家父將魚缸的氣泵關掉, 魚缸裡大部分魚(魚店幾塊錢一袋餵大魚的小魚)都缺氧死, 我晚上發現時, 除了即時啟動氣泵外, 更撈出一尾最肥美的死魚, 搬到砧板上扮魚販刮鱗, 切去魚腮同洗乾淨魚魚, 然後開鑊將魚煎香煎熟, 怎料貓貓聞兩聞, 咬甩魚頭便走人.
Old-Ox
mtleung,
咁整就鍾意食?等我又試吓先。另誠徵煎貓魚方法,大家有無介紹?
肥雞藍藍Lucy飯飯,
我一直想變成一三五版,但日常份工好忙,我諗吓先,又驚無人睇嘛!!
小事一則:曾經經過一間生果店,店主養咗隻"單眼貓貓", 而旁邊報紙檔就有個婆婆,煮咗條魚,正在拆緊骨,俾貓貓食,真係好溫馨,隻貓貓唔係婆婆嘅,佢都咁錫,婆婆真係心地好.
關小姐,投訴:一個星期好辛苦先等到星期五呀,可唔可以每次都有張"貓爺生活照" 解下渴呀?
十幾年前第一次開始養Garfield, 小時候(二, 三個月)佢係食魚大架, 我係成條蒸好俾佢食, 佢真係連骨食, 食到條骨"格格"聲, 佢一直都冇事, 大大條魚餐餐清, 有時釣完魚嘅魚獲都蒸俾佢食, 佢淡水魚唔食要食海魚, 我一直以為咁係啱架, 後嚟睇書先知唔可以連骨餵, 之後先幫佢拆骨撈飯食, 又得喎, 食到大大隻, 之後又話唔可以只俾飯佢食, 又買咗貓糧輪流餵, 到而家少咗響屋企食飯就冇再俾魚飯佢食, 而佢已經唔多鍾意食新鮮魚, 有時蒸好都係得Miu Miu一個食~
係超市都有一些叫鯰魚柳的魚柳,無骨的,不過我那些皇帝女嫌無味道,暫時未想到點整!
mtleung:
你唔驚係咸魚來的?太咸唔掂噃!
我有時都會整d野俾班貓少爺小姐吃, 好過成日食d有防腐劑o既食物, 例如白飯魚乾