新片掀起「換妻」 熱話Jeana:小方演得好投入！
2011/07/18 08:47:49 網誌分類: 娛樂
新片掀起「換妻」熱話 導演讚佘詩曼夠霸氣
Jeana:小方演得好投入！
| 葉念琛擅長炮製話題性電影，當年的愛情三部曲輕易贏得觀眾共鳴，去年索性把「偷食」禁忌放在《婚前試愛》中，結果票房口碑皆贏。今年再下一城，在《人約離婚後》玩「換妻」遊戲，題材大膽得讓人咋舌，還找來身材惹火的o靚模Jeana與方力申翻演網上熱爆情慾短片作電影序幕，誓要掀起火辣熱話。 主持：黃柏高 統籌：林永匡 協力：彭燕燕、袁東亮 觀眾喜歡葉念琛的寫實愛情觀，不再是單一的浪漫，關係其實是充滿欺詐殘酷的，新作《人約離婚後》再次打破禁忌，把「換妻」等話題擺上枱分享。 葉念琛：「《婚前試愛》成功算是強心針，結婚前偷食，那結婚後又會點呢？《人約離婚後》就再大膽地去講『換妻』交換伴侶，觀眾鍾意我這種態度，夠膽講，將以往大家唔敢公開討論的禁忌話題擺上枱講，貫徹我以往風格，好真實，好有共鳴和話題性，如我翻拍網上熱爆的真人真事短片為電影揭序，是一對新人在婚宴上播出新郎的情慾短片，然後當眾宣佈離婚，短片成為一時佳話，Jeana就係情慾短片的主角，方力申就係新郎哥。」 Jeana：「我覺得這個角色有很大發揮空間，情人唔易做，仲要係壞情人，多謝導演給我機會。其實我都想睇下那條短片，睇下佢哋激啲定我同小方激啲。」 Jeana有個性 演員要成功，必先要懂得「豁出去」演繹角色，葉念琛說Jeana絕對做得到，「小情人」角色演得極投入。 葉念琛：「我好鍾意Jeana的個性和工作態度，作為一個新人，她對我絕對信任，這點很重要，我知有很多人會覺得唔需要咁大膽去演這場放在片頭十分鐘的戲，Jeana那種豁出去的態度很好。處理這類激情戲，必須令演員覺得安心，舒服無壓力，為求該段情慾短片更像真，我租了間酒店套房，只有小方、Jeana、攝影師和我，四個人閂埋門用手提DV拍攝，沒有刻意打燈，一take過無NG。」 方力申好突破 方力申孭飛演愛情三部曲，跟葉念琛拍住上，彼此建立默契和信任，葉念琛激讚小方演技進步。 葉念琛：「同小方有幾年無合作，今次再會覺得佢真係進步好多，傾劇本時已表明要佢做一個賤男，要大膽突破。那場牀戲安排在第一天拍攝，我知小方都好緊張，流咗好多汗。」 Jeana：「係呀，佢真係好濕！其實自己都好緊張，埋位前同小方握握手，感覺同小方好match，大家一嚟就嚟，好容易投入角色，佢直頭當我係佢『小情人』咁錫，好sweet。拍攝過程都幾有難度，雖然自己有打底，但都擔心，要我對住部DV除Bra，然後攬實小方，胸貼胸咁，又要hold住個bra唔可以跌，又要喺張牀上碌嚟碌去，好多動作。」 佘詩曼好演技 葉念琛說，佘詩曼的演技絕對頂班，劇本是度身訂造，她能夠完全放下包袱，跟方力申、羅仲謙上演激烈情慾戲，讓他明白何謂尊業演員。 葉念琛：「跟阿佘合作是一件好享受的事，角色好啱佢做，一個新娘子在婚禮當晚播老公條情慾片再企上台宣佈離婚，試問香港邊有演員做到？又要令人信服，有霸氣能壓場，講真，如果阿佘唔演我唔會拍。阿佘演技好，工作態度一流，是一個好榜樣，每次阿佘埋位，我都會叫齊所有年輕新演員到場，埋位睇mon，睇阿佘點演戲，睇阿佘點準備角色，大家會見到阿佘那種勢利，如何要求自己，每次我有要求，阿佘只需要三take就達標，佢絕對係一個頂尖演員，自己都好enjoy這次合作。」 |
 | |
| |
 | |
| |
 | |
 | |
 | |
| |
 | |
| |
 | |
| |
回應 (0)
我要發表
