淡倉底中既升市

2011/07/20 03:19:50 網誌分類: 經濟
20 Jul

執筆於深夜, 美股依家因為房屋數據好升緊125點, 歐洲股市都向好, 英德法都升緊大約1%或者多d

香港方面, 星期二開市本來較弱, 中午趺接近200點, 3點上証收市後大市回升, 竟然升返97點, 收報21902, 不過21600牛証應該死晒了, 同日上証相當唔惦, 跌成20點, 出現港股比大陸強既情形, 睇大陸既論壇, 似乎大陸股民人心仍弱, 起碼短線應該唔似會爆升, 7月內應該仲係上落市格局, 個市仲係未有勢住

匯市方面, 夜晚美元走弱, 報75.05, 帶動歐羅上升, 報1.4173, 商品貨幣澳元都走強, 升多過1%, 現報1.0729,  港元依然係咁弱, 報7.7950, 資金冇回流跡象

鬼佬中國基金FXI同巴西基金EWZ升幅明顯細過美股, CAF直頭倒趺, 似乎鬼佬暫時唔太睇好中國同新興市場

後市方面, 一直認為大戶今個月依然係淡倉低, 由22800殺落嚟, 雖然今日惦過21600, 不過收市又升返上21900, 唔似係大戶食糊, 上星期二大趺完之後五個交易日都仲走唔出12號支大陰祝, 估計大戶係鬆手比個市彈下, 彈到咁上下等d牛軍搬返上嚟22000樓上先又一棍插返去21500左右等結算食過千點, 始終大戶做市要成本, 冇過千點水位佢地應該唔會收貨, 再者過去幾星期d評級報告等壞消費者實成配合得太完美, 令人相信大戶既劇本會係陸續有嚟, 所以睇法係先少升等大插, 好多時跌市要完都要插返野勁, 最少四百點以上, 之後就呆, 或者彈少少等結算

有此劇本, 以依家50%現金, 50%內銀/銀香既狀況, 依家既部署係等待大插然後買入大股既即月同下月long call博反彈, 問題係買call要買得夠準......上次就係22000開始博, 結果唔中, 21800又博, 又唔中, 到21500再博先中............吸取上次教訓, 今次一於早少少分段買, 買完唔中(即係再跌)就"向下搬", 如指數趺到21600先入一次, 再趺, 止蝕21600再買21400....搬到佢彈為止, 當然要加上注碼既考慮, 如最齊預算五千, 第一次入視乎信心只用二千, 另外, 今次會試下買即月call之餘同時買個下月call, 因為月底博反彈, 大戶可能禁住係低位到月尾, 過去兩個月既反彈大部份升浪都集中係月頭第一個星期.....所以今次一於試下買下月call睇下點

檢討一下7月到依家為止既諗法同行動, 本來月頭想long put 330的, 可惜一直等個市彈到23000先出手, 其實股票期權報價唔係咁貼市, 捕捉最高最低點意義唔大, 反而係捕捉一個general的市況恐懼心理更重要, 所以今次博反彈, 寧願買早少少, 開頭買細少少, 唔中搬倉, 重要既係捕捉到中既一刻, 然後咬實唔放

 

回應 (0)
我要發表
user