心理壓力

周未小休, 本來諗住星期日寫個BLOG準備定呢個星期既策略, 點知偷懶, 星期日諗左陣呢個星期點玩, 寫係張紙上面就訓左

本來個計劃係咁的

1/ 炒一轉和黃8月CALL,星期五收~$87, 仲有水位

2/ 沽一轉9月330PUT, 星期連先三日, 仲唔PUT死你

3/ 等8月低位買9月939, 388, 2328CALL或者3968,883,941CALL視乎大市同油價走勢而定

結果?

本來上個星期四仲等緊一個三四百數既趺市, 結果上星期五本地好友夾上450點!!! 上星期外圍趁歐洲出既終極方案回穩, 之後道指連升兩日, 不過鬼佬大戶仲係睇淡中國, 港匯冇資金流入, 星期五港股個人表演爆升450點, 之後係美市已經無以為繼, 美市趺返40點, 跟住周未出左單大野, 大陸高鐵撞車, 不過事發係周未, 都冇咩可以做, 歐洲危機暫時過去, 問題焦點依家變左美債上限講數

星期一睇陸SIR同金曹SIR BLOG, 其實個市都幾危機四伏, 主要係外圍極度唔穩陣, 先睇外匯, 因為美債危機, 資金避險, 星期一朝早美元裂口趺落74.05, 歐元就相對抽左上1.4397, 澳元趺落1.0815, 港匯就維持7.791左右, 咁既風頭火勢之下, 今日恆指低開, 本來諗住炒返轉和黃, 點知和仔升都快過火箭, 當下猶豫.......我都底係怕畏高症定係真係博唔過先..........冷靜.....

計一計EDGE, 買8月和仔CALL既話, 如果和仔睇$92, 8月$85CALL要$4.6左右, 打和價$89.6, 即係如果和仔升到$92可以賺$92-89.6=$2.4, 計埋引申波幅可能有$3

即係放低$4.6, 博$3..............好似一般咋喎........更驚嚇係美期跌緊百幾點, 阿爺趺緊~2%............本來上午仲猶豫緊.......下晏睇多陣個市......阿爺跌3%, 美期都仲係趺過百點......大勢不利....而且和仔已經升左好多, 太急太快, 萬一明天美國佬作個藉口又禁香港提款機.....班資回潮買美債, 順便嚇下共和黨, 咁就立刻輸到訓係度......三心兩意之後, 都係決定唔博了

和仔呢次教訓係依家香港金融界, 就算冇外資, 冇中資 (港匯唔升, 鬼佬睇淡緊港股, 阿爺爆趺, 更加冇咩中資買港股), 只係香港土炮都超級多錢, 而且一有機會就要鬥快買, 鬥快沽,和仔咁大隻股可以三日升>5%, D錢真係唔知擺返, 搵野炒......不過都好, 起碼本地已經有足夠彈藥谷牛三, 依家係睇中美兩個老闆而已.........仲有好重要係....想炒業績股, 一定要自己做功課CHECK定佢幾時出業績, 係業績前一兩個星期開始升既第一日就要入市, 以依家個市炒股之快.......入遲一日, 值博率已經大降......呢個真係好重要

另一樣想做既野係PUT 330, 本來想PUT即月, 得返3個交易日, 如果PUT即月微價內, 咁330一定要係3日之內趺$0.7先有錢賺, 信心有幾大呢? 當下問一問自己, 330要趺穿$22.7機會高唔高, 其實係高的, 如果唔係得三日時間一定冇問題, 得三日就好難講了.......諗多兩諗, 330再趺, PUT價又升, 又唔使玩了......

如是者今日浪費左兩個心水機會.....

事後諗返, 最失敗係做功課必須勤力, 想炒業績, 一定要金晴火眼留意, 依法市場真係太快, 另外, 想PUT人, 要一早諗定咩位CALL/PUT, 唔好到時又心大心細....等等下, 睇中都冇得食....今次我係輸心理多....

寫寫下, 參唔多又十點, 道指開市趺百二點, 美元指數74.2, 歐元1.4346, 注意VIX突然由17.14抽上19.11, 新興市場基金巴西EWZ升0.45%, 新華25FXI升0.62%, 其實冇咩方向, 鬼佬A50大摩CAF繼續軟, 趺0.15%, 都話鬼佬唔睇好大陸住呢

港股7月仲有三日結算, 要嚴重留意結算日點玩, 依家估就應該搵個底位禁住22000樓下嚟收, 鬼佬大戶唔贏都唔會輸比你, 問題係O巴馬單美債點攪, 希望佢攪唔惦, 咁插下就買內銀9月CALL, 同埋相信A股離底不遠, 等買2823CALL同388CALL, 如果美債冇令股市大插就應該回覆上落市, 等高PUT330低CALL內銀/388, 941, 不過今次上落市應該比之前高一格, 唔好等到最高最低先出手, 參唔多就好買定少少啦