逆境就是你的教練

教練會時不時鞭幾下,避都避唔到﹣

對於一個行得走得既我，永遠堅持唔用柺杖，唔想比人可憐要幫助既人，真係似足一個好難同人相處既老太婆。

有時覺得可以好快好番，但有時又覺得冇晒希望咁，即係時常處於前後矛盾既思想，自己都唔知想點，人生冇晒目標，就算有目標都有心冇力。

不過，而家日子都可以，因為我先生冇因為我有病離棄我，我都覺自己都幾麻煩，時不時發痺氣，唔係個個頂得順，好驚最終會得番自己一個咁...

日子係難，好在有些朋友都好好，有時間會搵下我，就算係無聊野都好，乜都講下傾下都開心，聽到佢地報喜就最開心，希望朋友幸福快樂^^

而我覺得最痛苦係好想幫人但愛莫能助果種辛酸，又令朋友誤解，真係有苦自己知。

最後，相信每個人面對逆境如何大,人雖渺小又各有不足,只要你​還活著,乜事都可平安過渡。