等待的跌巿終於來了

之前搏完反彈rainbow就靜左一排無上黎,

因為無乜野值得日日講, 都係維持大巿係21000~24000呢個軌道徘徊

直至前日美國通過左提高國債上限,

巿場終於恍然大悟, 覺得美國既經濟一步一步走向雙底

從而大手沽貨~ 到底呢個跌巿只係大戶既大龍鳳, 質低個價再谷上去

還是個巿又要回復去07~08 既低位呢?

=================================

老實講rainbow 都覺得美國個巿有排差,

但應該唔會倒退到07~08年海嘯時咁差,

現在真係要睇睇當權者有乜野刺激到經濟既方案,

唔係單單印銀紙, 拖跨別國經濟一鑊熟,就可以解決,

遠既唔好講, 一聽到匯豐話要全球削減25000 個職位,

有乜辦法唔擔心? 無法~鬼佬做野以前可以好悠閒,

兩個人做一個人既工作, 準工收工, 人工高我地成倍,

放工當然懂得享受生活, 自然高消費, 捨得使錢,

但依家話要cut人, 都唔知下年仲有無工開,

自然會使少d錢, 所以呢個惡性循環, 最終會影響經濟...

==========================

所以rainbow 既策略會轉為低撈高息股, 派息要穩定,

我首選恒生(11), 因為業務都係本地為主, 一年起碼有4%息, 唔怕長渣~~~

次選就係之前提到既卓悅(653), 因為佢始終係賣平野,

係呢個通脹期, 佢既生意應該長做長有,

不過要留意租金支出既壓力有無增加喇!