係佢有病定我有病

點解有D人可以不定問同一個問題, 不管你每次多用心, 平心靜氣, 重覆又重覆咁回覆, 佢問你十次, 你回十次, 佢仲可以問你第十一次. 仲要話你有問題.

事情已決定好了, 當初明明阿媽都支持, 但點解次次反口既又係佢, 用多種方法哄你依佢意思來做, 男既唔夾, 佢都認為無問題, 支持我, 都知佢不是對女人好既. 但叫我唔好做得咁小氣, 咁小家. 大家都可以當朋友, 因為佢家人大家都認識.  OK. 你有POINT,我亦不是咁小氣既人, 佢日後找我咪當朋友吃個飯羅. 但大家都已經事先明白唔夾啦. 但真正情況是:  最終又會問我點解唔夾. 大佬, 我已講過20幾次. 每次你都明白, 每次你都支持. 點解你仲要問我, 幾日後又話我, 我知, 我年紀大. 只要有人要, 佢唔酒唔嫖仲想點. 但我已講了很多次, 同佢一齊好像一個人咁, 什麼都要自己照顧自己. 仲要照顧佢. 唔係因為佢有病, 係佢比父母寵壞, 什麼都要人去做, 去找地方吃飯, 次次都假民主, 叫我決定. 最後就批評這批評那, 然後又要依佢. 排隊等票又要我做, 自己兩手插袋等你做, 叫飯食又待我叫. 問路又等我問. 自己在後面又多多意見. 我對你面對面不加批評, 你就在我面前成日叫我陪你做什麼做什麼. 我想做什麼你又說你沒興趣. 你可能覺得無問題. 根本不必計較這誰去做. 我當然知, 我又唔係公主病. 但你唔好令我覺得你所有野都指意我去做. 我係女人, 都想人照顧. 唔係只有我依你, 而你又不會細心對我好.

既然唔夾就算, 就係咁, 你作為介紹人你問原因, OK, 我答你, 但點解你可以問我20幾次又隔次支持我, 然後三兩天又半年又來問同一問題. 好似我以前什麼都沒說. 你知唔知你一直精神虐待我. 你已令我很討厭你. 點解你成日都用D方式去令我依你思想去走. 你口口聲聲為我. 係你一廂情願. 以前係咁, 現在又重覆. 你一直在想我死. 我每次好想對你說, 你根本就唔好生我出來. 你話有個伴最好, 我知! 我什麼都知. 但不夾又如何. 你自己又不是因為選個唔好既老公, 幾十年來, 由我懂性開始就不定在我面前要生要死, 又有抑鬱症. 你知唔知我對住你我都好辛苦, 我都有底線. 你知唔知我而家都有抑鬱症, 有大半都是因為你. 我開始明白, 點解阿哥佢地都要走. 點解會話你唔懂做人老母. 我人大了. 很明白. 真係好明白. 你只係要人依你意思, 從來都不覺得自己有問題. 你串我話我咁叻, 點會依你意思, 係! 我就係一直太依你. 你說過唔會因為別人肯要我你就逼我接受. 你都想我好, 會是好的人才要. 到現在明知你叫我要大方同人做朋友, 即使做唔成夫妻都OK.免你們家長平日見面都不好意思.  我明知你別有用心, 以前如此, 現在都如此, 但唔去到最後一步我都唔想揭穿你. 我聽你, 但最後你仍一如以往. 你根本就是死性不改.