血的教訓

嗯.......我想講.....我輸左大約三萬蚊, 估總資本約5%, 當中做左好多trade, 有贏有輸, 有好多不可接受既錯誤, 我要血淋淋咁寫係度比大家睇, 因為我必須要銘記呢段經驗

8月4日, 入左330put同2823call, 同日晚上, 美股趺4百, 8月5日早上, 我仲寫blog, 話有三個部署, 1/ put食糊, 2/玩細期即日鮮, 3/ 馬鞍撈底

好, 330put食糊, 升三倍, 好開心, cover晒2823call既cost, 咁2823call變左免費坐, 冇問題, 呢個部署都ok, 只係當初估升多, 所以重call輕put, 所以贏少左,

教訓 : 市況不明時入馬鞍, 盡量1:1, 唔好懶醒輕一邊重一邊

玩即市細期, 呢度有d出事, 事緣我第一次學人玩, 跟trend做, 結果係贏少少唔坎, 輸少少止蝕, 好彩我都叫做識得止蝕, 不過斬完又買, 買完又斬, 越輸越多, 輸得越多又越想追, 結果就係再輸多d, 最後輸到$2800停手

教訓 : 炒即市期買入前一定要有目標, 咩位入, 咩入出, 到位一定要出, 絕對唔可以貪心, 因為食緊既只係一個好細既trend, 以為"等佢回先斬" 係超難的, 因為trend太短, 回時唔明顯, 仲有就係連trade三下, 三下都唔中就要time out, 唔好再博, 輸開有條路

馬鞍撈底 : 呢招其實ok的, 當市況出現一千點以上大波動, 預期後市都仲係大波動, 可買入馬鞍call put一對, call強put弱, 等佢第二日是但爆一邊, 8月5日買左330put同1088/358call, 等星期一派彩, 同日夜晚, 美股收市後美債被降級, 出左隻黑天鵝......因為又係call重put輕, 所以有少少擔心

8月8日, 星期一, 港股又裂口插千點, 330put發威爆升3倍, 又cover晒1088/358call既lost, 於是又平晒兩邊, 我開始發現一個爆趺市既撈底方法 : 不繼買入馬鞍, 如果又跌, put可以幫你打和, 如果買中反彈, 就可以考慮加注(其實應該係坐"免費call"嚟博反彈, 咁就穩陣), 可惜當日未能領悟, 買完中一邊就平晒兩邊, 浪費晒d免費call, 唔緊要, 星期一收市前再入馬鞍, 388 call, 358call + 388put........星期一晚......美股插左600幾點...........

8月9日, 星期二, 港股裂口插1500點, 奇事發生!!! 期權趺到直到開唔到價, 等左好耐, 388put 又係升三倍, 又cover晒388同358call既cost, 最神奇係, 388同358 call, 竟然可以賺錢離場!!!!! 買完call之後正股趺8% call價反而有升冇趺!!!!! 原因係引申波幅超級抽升!!!!!! 就係因為咁, 加深左我" 無敵馬鞍" 既諗法, 心開始雄, 輸錢就由此起.................

平完晒d倉後, 當時期權金有兩個現像, 1/ 引申波幅極高, 2/ 買賣差價超大, 但因為我當時以為, "車, 爆邊邊我都唔會有事", 咁我就係朝早買入388-130put同388-140call......更大獲係我加大左注碼..................

同日下午, 指數無里頭急彈, 彈成千點, 388PUT果邊急蝕7000, 388CALL買贏2000, 唔惦, 不過當時既判斷係 "大市似乎見底回升啦", 所以平388PUT, 等388CUT升多D, 點知........一平388CALL個市就回........一直回.............最後收市趺1100點, 收市前買返388-$135PUT同358/1088-CALL過夜, 不過SPREAD太大, 358/1088 CALL一買即蝕四成SPREAD!!!! 心諗星期二既伯南克開完會, 唔係急升就係急跌, 仲唔食硬? 驚咩??

教訓 : 買入馬鞍, 無論佢行邊邊, 請平"贏果邊" , 咁可以拉底輸果邊既COST想追都易D, 我自己判斷大市, 平輸果邊以為自己控制損失, 咁就左一巴右一巴!!! 仲有, 當大市裂口1500點, 波幅大到期權開唔到價, 買賣SPREAD閒閒地>40%時, 唔好走去買!!!! 追SPREAD都追死人!!!! 等市場穩定返D先盡量買大股流通性高, SPREAD細D既OPTION!!!!! 血的教訓!!!!!

8月10日, 星期三, 更大獲, 星期二晚伯伯開完會, 美股抽返400點, 黑期升800, 今次就算唔嬴都平手啦下話? 點知.......港股一開市升700點, 初時以為仲有得上, 咁又平左PUT先 (死得), 點知下午港交所, 匯豐停牌, 大市即插返300, 升得400點, 我PUT就平左, CALL就蝕緊SPREAD (40%), 心諗 "個市都冷靜返啦, 睇埋嚟緊呢兩日升返先平CALL啦", 咁.......就揸到依家了..........依家德法股市趺左>5%..........聽日D CALL死梗了, 而且下星期開始進入期權第二勢, 開始輸時間值, 真係極度大獲...............

教訓 : 咁既市唔買PUT就過夜?? 未死過?? 最大問題係, 早一日太高價, 太大SPREAD入左1088/358CALL, 係致命傷, 輸錢影響心理, 做錯決定, 心存幸運, 必死無疑!!!!!!! 一定要用方法去控制所有可能性!!! 心諗"希望明天升返" 就200%會急插!!!!!! 唔買PUT護身.........抵死!!!!! 以後記住記住記住, 玩期權要:

1/ 唔好買太多隻唔同既CALL/PUT, 最多兩CALL一PUT, 最好一CALL一PUT, 清楚D, 易玩D, 要平倉都易D

2/ 買完馬鞍, 第二日派左彩, 可以只食中果邊, 唔中既唔使平, 如果中果邊COVER晒輸果邊, 就可以免費睇到月尾, 不必急於收返果3-4成本

3/ 大波動趺市, 唔知可以趺到去邊, 好似依家絕對有能力挑戰雷曼一個月趺五千點, 唔講得笑, 所以買CALL一定一定一定要有PUT護身, 唔好買單邊, 死梗

4/ 大市裂口急插千五點, 期權都開唔到價, 就算開到, 期權金貴到無鋪, 買賣SPREAD 40-60%果時 千其唔好買!!!!!!!!!!!!!! 一買輸四五成? 點追??? 除非中到開巷, 但都回報大減!!! 要等到個市定返少少先買!!!! 發達唔會限時的!!!!

依家既處理, 手上仲有三CALL, 388/1088/358, 聽朝一定仆直, 不過反而易睇, 如果大市聽朝一開就裂夠一千點, 引申波幅又會拉高成日, 裂得夠底, 反而容易見左全日底位, 依家美市跌234點, 都唔係太差(?), 有機會明天大裂口低開後拉返高少少先平倉, 如果全日一直禁住底位, 或者裂得唔夠底, 全日急插就買返個價內PUT睇多日......目標係蝕少過50%平手............

血的教訓......交左學費, 不過真係學左好多好多野..............祝好運