從新上路
上個星期, 除左股市急趺之外, 自己感情生活上都遇上大銼拆
幾經辛苦, 從失去信心既絕境中冷靜落嚟, 自己既組合輸15%, 算做係"同大市同步".....首要任務, 係重整組合
依家市勢真係相當淡, 副總理送大禮都頂唔到個市上去, 人心之弱, 可見一斑
趁李克強推高個市, 清晒組合大部份貨包括內銀, 原因係內銀除左業績之外相信都冇咩動力, 博升有更好選擇, 最重要係要買返, 唔好沽左就唔理
今日入左9月388put一pair, $130同$135, 今日本來諗過買返d8月put, 放係倉度睇下8月仲有冇大趺, 結果買左9月put就鬆懈左, 本來前日仲買左2628put, 琴日李克強之升就蝕20%斬左, 依家美股大跌..........好後悔........
自己都係太騰雞, 一蝕就斬, 除非即買即中坐上去, 買唔中成日蝕少少就斬, 咁樣唔惦
玩衍生工具, 如期指/期權, 因為有時限同槓桿大, 一定要有清楚既睇法, 入市, 止蝕同止賺位, 買完中左咩位加注, 咩位食精, 唔中咩位斬, 一定要超級清楚, 諗返轉頭呢個都係當初玩細期點解輸既原因
琴日最錯係平左2628put, 今日最錯係冇買330或494或2628put, 依家大市向熊, 除非有QE3, 否則大市易跌難升, 買PUT易贏過買CALL好多, 而且買CALL/PUT要等引申波幅回落時先買, 呢個係今次大風浪學返嚟既野
有D 弱股PUT可以留意, 2628/330/494/1919/388, 一升到咁上下就可以開PUT, 一個月希望PUT到一兩次, 都應該係趁市升緊, 或好一段時間冇趺過就開, 希望咁樣可以對沖一下正股長倉風險
依家期權倉縮到只有全組合5%, 一次只有0.5-1%去博, 除非積疽相當盈利, 否則唔可以輕易用2%去博.......記住記住
依家控股,fyi.
借二按攻澳洲細單位
悉尼樓市炒過龍 可轉吼布里斯班
陸羽仁覆網友
依家控股: 大圍經濟環境都差唔多好似你講咁,高通脹,高樓價,經濟反彈週期快完,同09年大跌後唔同,當時係經濟衰退後反彈,如今係經濟彈咗兩年無力再上。我仍然估 9月後大市會好番少少,但係唔好期望太出色。明年更要小心,美國大選,在野共和黨唔係咁易俾你奧巴馬順風順水連任,風險重重。
你話有50幾萬頭痛緊做乜,當然較保險係如你所謂換哂人民幣等樓市跌。但係如你講另一個方法買啲防守性較強的股票如領匯收吓息,都係另一個方法。我始終覺得買入大型有盈利能力又有息收的股票,好過單存人民幣,衰咗就長揸吓。
依家兄你好,你可以考慮將50萬全部轉成人民幣做定期,假設人民幣升值3%,一年後可以拿超過6%(3% + 3.5%),是完全沒有風險的。我現在有超過50萬人仔是做定期的。