「一首好音樂能讓電影昇華！」是的，這正是我的理念，每次監製電影讓我最在意的，一定是音樂部份，本周四正式上映的青春喜劇《戀夏．戀夏．戀戀下》便用了三首作品來道出愛情真諦，導演錢國偉的處女作大玩「陽光、海灘、美女」有人問這次葫蘆要賣什麼藥，跑來問我何不聽錢導親自剖析？
主持：黃柏高
統籌：林永匡
協力：彭燕燕、袁東亮、黎寶倫
擺脫無綫的束縛，愛玩橋識食腦的錢國偉可以去得更盡，首部為我執導的青春喜劇《戀夏．戀夏．戀戀下》率先為廣大宅男出口氣，抱得美人歸。
錢國偉：「我係電影新丁，對整個製作班底都好新鮮，有好多編劇朋友幫手度劇本，有好多念頭都係火火幫我開發，好似佢提我『人哋想睇你拍乜？』咁梗係bikini，所以要度多啲泳衣場口。今次部戲講一個時裝表演賽，希望有唔同性質的佳麗出現，增加畫面養眼度，所以找了台灣、巴西、日本、上海和香港的女孩演出。」
女生爭寵戰
有人就有是非，何況是集合一大班女生？錢國偉說他應付得來，超過二十位美媚，爭妍鬥艷，人人都有一夥鬥心。
錢國偉：「我都唔知點解條命咁好彩，我覺得一定係前世積好多福，所以今世成日有好多靚女在身邊。今次我斗膽地要江若琳演男人婆，還要她當保母照顧性感惹火的Carol，表面上阿琳好惡死實情好溫柔，Carol就表面好溫柔實情好粗魯，總之一閂埋門就露出真面目，好好笑。張馨予的角色比較冷艷，幾啱佢演。Sita（陳僖儀）客串演志偉Honey，平時我叫志偉做爸爸，所以要叫Sita做媽媽。劉羽琦就要問小肥，佢兩個在荒島朝夕相對得最耐。」
小肥：「在荒島上，羽琦剩係着住bikini，瞓又打側瞓，你知道有時某些角度會特別突出，因為第一場Solo就要我同佢獨處，自己都有啲緊張，好難集中注意力去做場好戲，但又唔衰得，唯有頂硬上，忍住！」
帥哥扮宅男
宅男追女神，錢導決定要圓宅男美夢，誰說宅男就是追不到女生的可憐蟲？最精采的莫過於錢導要反傳統，找帥哥演宅男。
錢國偉：「敖犬讓我好Surprise，佢一向係偶像、帥哥，估唔到佢又肯丟低個靚仔樣扮醜，戴上冬菇頭變成一個見到女仔就會緊張漏口的宅男！小方力申真係好得，演繹暗戀美媚的宅男非常傳神。小肥的角色最似我，平時最鍾意搞搞震又多口，係靚女都撩又好似好花心咁，但其實只會鍾意一個就一個，當初都有顧慮，覺得小肥外形跟角色不合，太瘦，Paco知道後，下令要小肥增肥，至於演繹方面，我要畀100分，佢真係完完全全做到我要的！」
音樂打動人
要打動觀眾，選曲很重要，我提意找靚聲新人王陳僖儀Sita唱主題曲，這首《記念悲》把愛情真實一面送上。
Sita：「真係好開心，第一次唱主題曲和客串演電影，感覺很緊張，國偉真係好好人，好肯教我。」
錢國偉：「其實還有兩首插曲，一首是方力申的《只愛一個人》，另一首是小肥的《日落時讓戀愛終結》，幾好聽，我特意拍了些畫面配合。」
小肥：「首歌由火火填詞，因為佢有份寫劇本，會好了解成個意境，真係好入肉，我拍完部戲先去錄音，有份拍便知道畫面構圖，感覺如有神助。」
| 
