飲早茶

今朝，晨咁早爬起床，當然就是去揾位飲茶啦！

滿以為一定是人海人山；殊不知，當我去到那一間酒家，七點多鐘，只得小貓三幾隻，唔使等，昂然闊步走進去，任揀任坐。太意外！

由於，不用排隊，比原訂時早了很多，我坐了大約一小時，才打電話給老伴，告訴她差不多到我了，叫她起身準備，也差不多一小時，終於團聚了，一家人坐埋一齊喝茶了。哈哈，不錯。

坐在我隔鄰的一張大枱，一對老夫婦比我還早到場，兒孫們鹿逐到來，到我差不多埋單要走時，一對年輕夫婦帶著一個小朋友才跚跚到來；一坐下來便把點心咀裡送，然後催促著要趕時間，走先。車！車！車！不如唔好嚟。

我有一個幾唔好的習慣，每次飲茶，到了中段時間，例必走到大堂，拿一張輪位的籌。然後，差不要埋單時再走到大堂，再把籌轉送給一個陌生人。今天，我把這票投給一個後生仔和他坐著輪椅的媽媽（我估係佢媽媽）。哈哈，我看過他手上的號碼，比起我給他那張大約遲五十幾，佢地都唔知幾開心。

飲完茶，讓Ｄ細嘅和老伴去PK買餸（我哋唔鍾意出街食），我就回家同周兄捉埋盤棋。