PACO名人會
PACO名人會
PACO名人會

11月紅館集體回憶騷 蘇永康:唔想生命有遺憾!

2011/09/12 08:51:58 網誌分類: 娛樂
12 Sep

        蘇永康說要在紅館舉行兩場《給那誰的演唱會》,圈中好友林海峰、容祖兒、陳潔靈等個個舉手支持,是的,主題金曲《那誰》唱到街知巷聞,還有《來夜方長》、《燈火欄柵處》等伴着你我成長的金曲,這場騷你又怎能錯過?得錢國偉導演度橋,蘇永康拍心口說要每15分鐘給觀眾一個驚喜,加上靚人靚衫靚台景,實話實說,我真的很期待,11月8日約定你。

        主持:黃柏高
        統籌:林永匡
        協力:彭燕燕、袁東亮、黎寶倫

        闊別紅館三年,蘇永康一落實開騷,好友紛紛主動獻身力撐,演唱會海報更由潮人林海峰、夏永康操刀,山水畫作背景,一句講晒,正!

        「近兩年開始鍾意中國山水畫,是一個comingtrend,同阿Jan傾海報設計時決定嘗試crossover,用山水畫背景配個好前衞的造型,夏永康都話未玩過,件紅色AlexanderMcQueen拿破崙褸是在時裝展上一見鍾情的,中古18世紀設計,想加添超世代感,所以戴上RomainKremer出品的Mykita黑超,好有武士感,成件事好Match,真係要多謝溥儀老闆Jeffrey贊助,加埋那些毛筆字,真係好正!」

        好友個個撐

        我敢說,蘇永康的金曲伴你成長,這場集體回憶騷讓人期待,嘉賓好友全屬有份量之人。

        「幸運地圈中人緣算唔錯,一嗌開騷就好多朋友舉手問『一齊玩得唔得?』暫定分四part,每part尾聲會有嘉賓出場,阿Kit(陳潔靈)會特登飛回港幫我唱《來夜方長》,祖兒、何韻詩就分別上台跟我合唱《從不喜歡孤單一個》,會跟樂迷來一趟集體回憶,唱下經典金曲等,最尾一part是跟前輩歌手合唱,請了兩位殿堂級歌手合唱我偶像陳百強的作品,現正苦惱揀《深愛着你》定《疾風》,講真,人大了,自己唔想生命有遺憾,記得當年好仰慕陳百強,卻一直沒膽跟他私下交心做朋友,所以今次鼓起勇氣,主動跟想合作的前輩交心。」

        劉培基出手相助

        說到前輩,蘇永康得殿堂級設計師劉培基出手相助,設計出場戰衣,也有潮人朱祖兒、黃偉文聯手設計,誓要以「靚」行先。

        「今次玩到好大,我親自致電劉培基(Eddie)先生,請他為我造件衫,你知嘛,現時除了白雪仙姐姐,沒有人能請得到他,Eddie哥哥第一句回我不是拒絕,是懊惱,因為所有幫他造衫的裁縫都已過身,幾經考慮,他開出條件『不收費,要回收!』原來他將會展出所有個人作品,為我造的這件也會被收回展出,自己對這件衫沒有概念,顏色、款式全部交給劉培基主理,最有趣是他問我起步是左腳先還是右腳先,我諗是跟褲襠有關的,跟朱祖兒一樣,他只要我的Rundown便可,加埋Wyman,我一次擁有三個最強高手幫我,Eddie哥哥一定係classic永遠襟睇,潮就交畀Wyman,型就交畀祖兒,家下我唔使煩。」

        重本樂隊演繹

        這場演唱會不容有失,蘇永康找錢國偉度Rundown,加上頂班樂隊現場演繹,誓要讓觀眾拍案叫絕,需知道orchestration(管弦樂編制法)好重要,還有Hornsection,絕非人人carry到。

        「今次開三面台,坐旁邊的觀眾有福,左右兩邊會有場catwalkshow睇,同Wilson夾定,要每15分鐘來一個驚喜,可能係一首歌、一個人,又或係一件事。我冇Dancers,主要將啲錢放在隊Band上,請了Rubberband幾位成員幫手,玩Jazz吉他的阿正、彈琴的Ronny,年輕樂手有他們獨特的passion,要畀多啲機會他們嘗試。記得98年第一次開演唱會,Paco你大力支持,讓我用十隻violin現場演繹,自己看重樂隊現場演繹,因為有些某作品加入Hornsection能有新input,有新火花。」

 
■蘇永康人緣好,一句「開騷」人人力撐,是夜更獲寰亞老闆林建岳先生送上靚酒祝賀。
■蘇永康人緣好,一句「開騷」人人力撐,是夜更獲寰亞老闆林建岳先生送上靚酒祝賀。
■蘇永康的演唱會海報玩crossover,山水畫、毛筆字配潮爆造型,正!
■蘇永康的演唱會海報玩crossover,山水畫、毛筆字配潮爆造型,正!
■繼三年前紅館開騷後,蘇永康於11月再踏台板。
■繼三年前紅館開騷後,蘇永康於11月再踏台板。
 
■容祖兒舉手撐蘇永康,將於第二晚上台合唱《從不喜歡孤單一個》。
■容祖兒舉手撐蘇永康,將於第二晚上台合唱《從不喜歡孤單一個》。
■睇演唱會,除了靚人靚歌之外,當然還有華美服飾;今次蘇永康請來劉培基設計出場戰衣,連潮人朱祖兒也有份聯手設計。
■睇演唱會,除了靚人靚歌之外,當然還有華美服飾;今次蘇永康請來劉培基設計出場戰衣,連潮人朱祖兒也有份聯手設計。
 
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.