「貓」住出鏡評股市 孫柏文無得留低
2011/09/28 08:41:43
網誌分類:
生活
| 醉貓Kelly見得多，「貓」住上鏡做節目就聞所未聞，孫柏文（見圖）前天令觀眾大開眼界！話說他擔任有線《華爾街速遞》嘉賓，未開口便滿面紅紅，似係唔多舒服，主持問他：「孫柏文ready吓話」，到主持與另一位嘉賓討論歐美股市，問孫是否覺得是個可投資的「水泡」，他就「露底」，語無倫次，醉態畢現。有線決定暫停與「醉評論員」合作，發言人表示：「他身體不適，所以叫他回家休息。」 「wowowowoowow，純粹係，如果係攬住個水泡，如果係鍾意……（鍾意咩呢？）如果係鍾意個水泡，一定要係攬住個水泡……」憑他這句，Kelly相信孫柏文當時最需要係攬住個枕頭瞓覺！ 語無倫次扮唔知 Kelly收到風，節目出街後，有線昨日已經發出內部通知，要停止與孫柏文合作，其實早前胡孟青同有線「割席」時，已有傳有線想與孫柏文解約，想不到咁快成真。Kelly就有關傳聞向肥仔求證，他就先大笑幾聲，無承認又無否認飲酒論股，只是話：「唔知住，要傾下」，問佢傾甚麼、係咪飲醉酒，又支吾以對，但就話有線無人搵佢傾過偈喎。 其實Kelly諗番，以前曾在宴會上與孫柏文有一面之緣，只見他兩杯落肚，聲大、笑聲更大，都感受到佢係豪飲之人，不過如果真係飲到份工都無埋，就真係high大咗喇！ KellyChu |
 | |
回應
(0)
我要發表