酒店的故事 << 2 & 3>>

2011/09/30 23:25:17 網誌分類: 靈異
30 Sep

第一隻故仔無咁驚。話說我呢位朋友女士,是位工程師,無宗教信仰,出慣差。

 

有次在內地出差,睡到就黎天光聽到馬蹄聲,她自然想這是一個夢。她一向會開了窗簾以免過龍,就當她睜開眼時,她見到一隊軍隊在眼前,不止是像幻燈片般的人影,而是有聲,她甚至聽到軍隊盔甲的聲音。跟住成班人行左入幅牆入面消失左。以她工程師的身份,她都找不到合理解釋,唯有說是自己發夢,但那種聲音,那種真實,令她不能相信是個夢。

 

跟住呢隻鬼故是我堂妹,即小B四姨媽的經歷。因工作關係,她又係習慣左四圍飛。

 

四姨媽從來都不是個普通人,經歷都奇怪過人。那晚在台北的酒店房她好快就睡著了,但過不多時覺得有人練住她條頸,她馬上紮醒,但見眼前有個清裝女人頭,無身,無手,但仍然可以練住她。四姨媽不斷掙扎,終於碌左落床,但掙脫左。她馬上打電話落樓下叫人上來,而她就跑左出房。Bell boy 一上來,四姨媽說要轉房,Bell boy 問都吾洗問就話好,似乎都已經知道發生左咩事。

 

四姨媽話隻鬼面目猙獰,仿佛背負左好多痛恨,她估計是個被斬頭的囚犯。

 

我問四姨媽,咁個女鬼個身會唔會又行來行去練人,咁一個人咪變左兩隻鬼?四姨媽覺得我玩,拒絕作答。

 

四姨媽仲可以靈魂出竅,她一生試過三次。她經常點香薰打坐,曾不知不覺間靈魂飄左出來,自己見到了自己,過一會又突然發現自己已經開了眼睛,回到現實。第一次覺得是夢,但其後兩次就非常清晰,看清楚自己的衣服,知道那真是當天當時的自己,就再沒有懷疑眼前的景像。

 

她亦經常有一個夢,見到一個女子被水淹,在掙扎。後來有一次打坐再見返相同景像,而且心裏感到好驚慌。終於她遇到一位法師,法師向她解說,那影像是她的前生。她前生是被淹死的,所以可能有些未圓的心願,導致她今生都會仍見到那個景像

 

其後在四姨媽的生命中再發生了一件事,令她對於自己見到的異像感到困擾。終於她向法師求助,而法師就幫她做了一個法事,令她的一隻天眼稍加遮掩,不會那麼容易見到靈界的事物。

 

究竟是件怎樣的事情?就要留待下回分解了。 

最後,四姨媽更加選擇左信主,佢話令佢個心比較平和。我認為她的行為並不似傳統信主的教徒,不過她覺得這樣會令她開心抒懷一點,那也無可厚非。

回應 (233)
我要發表
2011/10/15 18:09:05 回覆

hahahah yes ar, I like 773, 823, 886 and 880 very much ga!!!!

ai... 最後 put 388 輸少少走左, 早上見個市跌唔落, lunch 後咪 sell put, buy some 52, 773, 886 lor. 點知就馬上 d rop 400點俾我睇. 我繼續不知幾明燈!!!!

蕃茄
蕃茄 2011/10/15 12:42:01 回覆

嘩, 見 Persie 同 Soho 一人一句講入市策略咁精彩,忍唔住都想搭吓嘴,希望可以集思廣益.

-> 我同意永不要狠狠的一大注 (例如總資金的25-30%?)買入, 因為只有神(或騙子)才會知道底在那裡, 只有相對便宜的股票, 沒有絕對便宜的股票, P.E 7,8倍好抵買? 跟住大行掟個報告話預計間公司盈利大倒退, P.E.可以"澎"一聲插到落 3,4倍都重得, 望住資產小左50%的壓力, 不是正常人可承受得起的.

我在2004年中睇左阿 Tony Measor 個收費日誌兩個月, 當時深信買 HSBC, 有買貴,無買錯, 於是就分兩次, 將當時資金的60%買入005, (平均價$115), 好彩係之後都分多注賣晒, 平均都重有10%賺,而家諗番轉頭,都為當年的魯莽入市抹一把汗呢. 而今天--"有買貴, 無買錯" 呢六個字巳在我的投資字典內删除.

--趕住出街, 夜d再講.

Persie
Persie 2011/10/15 01:12:34 回覆

唔緊要啦,股海各師各法。我成五十歲人,唔可以玩得咁顛架啦,求其叫做參與下就算啦。我話狠狠的買,學大S,誇張左一二百萬唔會真的太狠。 

就算我成日去睇車,你估我真係會買咩,五十幾萬一舊心頭好,就算trade左現在果架都要補30+萬。 

 

買股票買消費物都有年齡限制的。

Good night!

Persie
Persie 2011/10/15 00:54:10 回覆

// 諗下當日10676 ~ 14000 你點解冇入貨? 當年你的心態是怎樣的? //

 

心態簡單不過,唔想連食飯錢都冇埋! 

亦都已經盡左力盡地一煲,用6萬蚊買入20k #347

// 今年恒指高位大約在24500, 跌到16170, 累計下跌8330, 你好似冇嚇破膽啵! // 

245008330,等於跌34%,已經好驚嚇。如果16500跌落8000,即係51%,就會嚇破膽

soho*
soho* 2011/10/15 00:50:42 回覆

// 要跌8500才到底,實在嚇破膽,可能中間又會止蝕左。//

今年恒指高位大約在24500, 跌到16170, 累計下跌8330點, 你好似冇嚇破膽啵!

經濟前景亮麗才能接受較高市盈率, 恒指在20000樓上市盈率高, 當經濟逆轉, 跌起上黎幅度會好大, 如今經濟放緩, 17000樓上市盈率仍然偏高, 但當恒指插穿左16000左右, 市盈率就會低好多, 插穿左都會好容易上番黎, 較易收復失地.

我認為恐慌性拋售導致股市跳崖式急挫, 股市跌至不合理水平, 呢個位通常不會停留太久, 當恐慌過後回復理性, 就會作出反彈

就係有左上次輸大錢的經驗, 就知道上次衰左係邊度, 今次就要作出修正 

 

Persie
Persie 2011/10/15 00:46:07 回覆

哈哈,你知道我當年在2200016000買左幾多錢嗎? 

Persie
Persie 2011/10/15 00:43:08 回覆

股市,本就是靠眼光的遊戲。

 

如果不相信自己的眼光,是好難繼續執行自己定下的計劃。

 

比如我自己,這幾天也在買兩電一煤。可能其他人覺得好蠢,但不要緊,自己相信便可以。

 

我眼光不準,技不如人的話,也只好認命。

 

畢竟不是人人都是炒股天才。

soho*
soho* 2011/10/15 00:37:17 回覆

// 16500做長線開始位可能太高  // 頭注試水溫注碼不大, 如一直向下買就可拉低成本, 況且我習慣在第三注起加大注碼, 頭注影響不大

你點知底部在8000? 或者底部在12000, 又或者在10000

你條數係假定底部在8000, 不一定是對的

// 16500做長線開始位可能太高 // 太貪心奢望低位狠狠地買可能會乜都買唔到.

諗下當日10676 ~ 14000 你點解冇入貨? 當年你的心態是怎樣的? 

在我來說, 其實當年我好少炒股, 印象亦好模糊, 凈係記得一味等恒指插穿10000點, 見10676拗腰回升仍沒有追貨, 因為全世界都看淡後市, 我就眼光光一味等, 結果得個桔, 今次股災希望買賣策略能有改善

Persie
Persie 2011/10/15 00:35:26 回覆

soho16500做長線開始位可能太高。 

如果個底在8000,要跌8500才到底,實在嚇破膽,可能中間又會止蝕左。

soho*
soho* 2011/10/15 00:24:13 回覆

恒指跌穿16500, 股價會相當吸引, 就好似我話過以前一萬蚊可買兩手中行, 但16500樓下, 一萬蚊就可買五手中行, 假以時日, 要賺一倍不難

十月初恒指低見16170, 冇乜人入貨, 因為個個都估會見15000甚至更低, 所以大家都觀望, 冇人知今次股災的底部在哪, 但如果餐餐都係等見底才出手, 結果一定係兩手空空.

我覺得股民經歷金融海嘯是一個寶貴的經驗, 要汲取教訓, 不可再犯同樣的錯誤, 底部在哪裡要事後才知道, 當年錯失入貨良機, 今次如果用相同的策略肯定會衰多一次.

內地股市有阿爺睇場, 我堅信無形之手在適當時候就會出招, 利淡消息頻傳, 跌市是避不了, 但一定不會跌死, 因為阿爺寧願股市冇厘火氣都唔想股市死直, 驚引起暴亂, 花點錢護盤托市就可避免出亂子

Persie
Persie 2011/10/15 00:16:47 回覆

soho:理論上可以,實際上不易。 

買得不夠大注,無法賺大錢。

soho*
soho* 2011/10/14 23:58:00 回覆

// 如何在一個連自己都不確認的低點去狠狠的買?//

冇人知道股市底部係邊樹, 由恒指 16500, 15500, 14500...... 每跌1000點入一注如何?

我認為任何時候都不應狠狠的買股票.

還記得當年股災恒指碌落15000樓下, 好多分析都唱會跌穿10000, 結果恒指一路下瀉, 跌到10676就急煞停, 掉頭回升, 但由於市場氣氛差, 恒指上升都冇人信亦冇人肯追貨, 以為好快會回落並插穿10000, 結果就升左上天, 一去冇回頭

回想起來, 由15000開始合埋眼每跌1000點就入一注反而有勝算.

Persie
Persie 2011/10/14 23:06:09 回覆

浪子:你都幾鍾意#773,呢隻好波動下。

 

黃金有沒有機會chok下呢?我等緊買入#2840

2011/10/14 06:07:52 回覆

輸緊 near 10% now la, 有幾掂??? hahhahah

hmmmm I will buy 1手1手 when it d rop to my 心水價 after each 10%. Collecting 52, 773 and 886 now.

Persie
Persie 2011/10/13 23:49:48 回覆

多謝主席詳細解釋。

chanreborn
chanreborn 2011/10/13 23:28:21 回覆

thanks Chairman , fully understood..!

慳妹
慳妹 2011/10/13 22:58:40 回覆

舅父仔、chanreborn:關於匯賢信託我只能說一句,+ X 哥拿捏時間的精準令人佩服。 回看歷史,每次分拆定價都在高位,上市之後慢慢陰乾,嘉宏國際 (由港燈分拆,大家可能沒有印象)、和記電訊到匯賢,散戶想跟佢搵食都唔係咁易,揸到冇心機,佢就私有化,大家又輸少當贏,雙手奉上俾返佢。 俾人賣咗豬仔仲要好開心咁幫佢手數銀紙!

Persie
Persie 2011/10/13 22:33:38 回覆

浪子:掂啊!

 

短短幾日隻中建材由 $5.5直上$9,真可愛,不過我冇買。

 

它就是我所說彈跳力強的資源類股份。我看了良久都是捉不著。究竟如何去捉呢?

 

看到一個護皮膚廣告,大S說選用護膚品,不要聽別人怎麼說 ,要狠狠的試 (她用手掩住耳朵的樣子挺可愛,雖然她年紀不細)

 

如何可在一個連自己都不確認的低點去狠狠的買?不知道。

 

怎樣在一個見底會回升的點狠狠的買入?我都不知道!  

不過我好想知道!!

2011/10/13 22:13:11 回覆

Put jor 388 today~~~

soho*
soho* 2011/10/13 22:07:26 回覆

cashin, 唔好以為基金經理炒股好醒, 其實同老散差不多, 都係無法刻服貪婪與恐懼, 不同之處係基金經理用 other people's money 去亂炒一通, 而我地就係用自己的血汗錢黎炒, 呵)))) 我今日將支火棒交左俾基金經理, 恒指已經係6連升喇! 我唔敢搏7連升, 拿拿臨食糊好過喇! 原來呢幾日好多股份單日暴漲一.兩成就係基金經理的所為, 連散戶都衝入市有乜啟示呢?

有基金經理無奈指出,原計畫逢反彈便減持,惟怕最終落後大市,近日亦只好開始追貨,不過他稱,仍會維持部分現金防大市逆轉。不但基金要追貨,散戶投資者亦開始忍耐不住入市,信誠證券聯席董事張智威稱,散戶今天入市較為明顯,他們多吸納大藍籌、內銀、保險、資源類股份。

~~~~~~~~~~~~~~~~~~~~~~~

恒指罕有6連升, 以今日恒指高位18758與10月4日低位16170點計, 累計上升2588點, 反彈16%, 再向上阻力重重, 回吐壓力漸現, 留意國指強弱會有啟示

順我者生, 逆我者亡, 今日又有36隻熊證遭「打靶」, 被強制收回, 呢幾日屎左好多熊仔, 市場分析估計今次反彈浪有機會上沖殺19000~19500熊仔

國指連續三日比恒指強, 多得阿爺出手相助, 留意國指強弱就知港股走勢

原來近日牛熊證每日成交有 $130 ~ 160億元, 佔大市成交約15 ~ 20%, 怪不得大鱷鍾意好淡通殺

10月期指大低水146點, 10月國指期貨大低水86點, 淡友出動?

恒指已經係6連升, 有幾多人敢搏7連升呢? 今日尾市飆升至全日高位收, 大鱷好鬼興尾市同埋競價時段做野, 小心連升多日三扒兩撥沖高就係見頂之兆

明天內地公布上月宏觀經濟數據 PPI, CPI, 好淡雙方齊齊吼實呢個數據

阿爺知衰喇! 消息指中國考慮成立專門機構幫助中小企業解決資金困難

當恒指呢兩日重上20天線後, 沽空明顯增加, 過去幾天港股全日沽空金額及比率  (13/10 92.71(10.49%), 12/10 74.16(9.66%), 11/10 71.29(8.53%), 10/10 50.19(8.32%) , 7/10 81.63(9.88%)

基金經理都追貨, 怪不得港股近日成交急增, 在6連升當中有四日超過820億元

中國9月進出口增幅均低預期, 出入口增速放緩

油價未能突破86美元, 連跌兩天, 唔多唔少係受左中國進入口數據拖累

內地拆息由高位回落, 港匯亦轉強

波羅的海乾散貨指數 (BDI) 愈升愈有, 升至接近一年高位, 與恒指同步6連升

「恐慌指數」VIX 連跌8天, 跌至30關口, 未見過8連跌呢噢! 乜唔驚喇咩? 大關口前可能會反彈

10月中美股焦點是企業業績, 禍幅難料, 今晚摩根大通銀行公布第三季業績, 下周就有
周一: 花旗.富國銀行
周二: 美國銀行.高盛.IBM.可口可樂.強生
周三: 摩根士丹利.蘋果.英特爾.聯合科技
周四: 美國運通.AT&T
周五: 微軟.通用電氣.麥當勞.Verizon

雖然匯金高調為內銀護盤, 但大行近日紛紛下調內銀股的目標價, 今日建行表現就遜於大市, 顯示內銀股仍有壓力, 港股後向就要睇阿爺會否推出寬鬆政策救市, 例如下調存款準備金率

幪面馬仔
幪面馬仔 2011/10/13 00:21:49 回覆

soho    你指明道姓搵我,咩事呢。我最驚累花姐贏少咗就唔好啦。

soho*
soho* 2011/10/13 00:10:26 回覆

花姐, 我咁水皮點指教你呀!!!  kakaka, 你吼既股份我全部都唔識既, 兩隻俾我揀, 我要 1157

PE 4 諗唔諗 #1205 中信資源?

睇圖新星馬王爺唔該幫手答花姐啦! 我睇圖係低B班咖!

我炒股係睇股市趨勢, 幅圖係次要, 就好似長和系自己出報告唱好和黃, 而+x哥時間一向拿捏得非常好, 我就合埋眼中入去捧場掃貨, 我係亂炒一通, 真係冇呃你地咖!

近日港股扭轉劣勢, 日日挾住上, 唔係裂口高開就係尾市飆升, 升勢好急, 對一眾壞消息冇乜反應, 顯示好友主導大市, 港股仍在尋頂階段, 恒指已連升5天, 今年恒指只係在五月試過一次6連升, 係好高難度咖! 不過短炒就要做快閃黨, 以免被火棒燙傷.

大鱷真係好搞鬼, 港股今日五連升, 大漲187點, 但係匯控.中移.港交所三隻野竟然逆市下跌, 冇佢地幫手都可以大升, 真係神乎其技, 如果佢地都起動就不得了.

今次恒指觸底反彈, 我原先估計最多彈2000至2200點, 頂部會係18200~18600, 陸 Sir 早排就估 19000, 但我地早前既估算係未計近期的好消息  1) 德法兩國拍心口承諾救豬仔, 仲寫包單定下期限  2) 阿爺高調護盤  3) 施政報告完全冇打壓樓市措施

今晚美股續升, 金兄話恒指重要戰區在18530至18582。收市升穿18582再看19132。金兄提醒大家要小心明天 (周四) 下午出現單日轉向

溫總巡視溫州後, 國務院即表示將加大對中小企的信貸支持和稅收扶持力度, 顯示內地有跡象放鬆收緊政策, 以圖紓緩民企爆煲及倒閉潮等問題

佛山放鬆住房限購令急煞停, 雖然係食詐糊, 但已釋出維穩訊息, 加上市傳內地放鬆銀根, 近日內房股紛紛作出反彈

花姐
花姐 2011/10/12 23:55:42 回覆

soho,2233pe才只有4值得入嗎?1157比上市價低且業績唔錯,

是否兩者皆值搏!請指教,飲完咖啡怪唔得咁精神!

Persie
Persie 2011/10/12 23:52:39 回覆

Hi chanreborn: yes I read about this too. Just thought if I hold this stock like medium term (few years) it is still OK? But maybe this is a risk too. I’ll think about it. Thanks!

soho*
soho* 2011/10/12 23:49:20 回覆

cashin, 以前我走貨後見股份大插就會沾沾自喜, 好彩走得快, 我辦對了! 跟住就好似撞邪一樣, 眼光光睇住股份下跌, 乜都冇做, 後來股份觸底反彈, 愈升愈有, 我跟住就突然如夢初醒, 望住股份企係高位, 悔恨自己做乜傻左冇補貨.

所以我一再留言提醒大家愛股走鬼後要補貨, 唔好一味等股市見底, 否則就會錯失反彈浪, 見股份低過止蝕/止賺價夠水位轉身就可入貨, 我就係衰過好多次, 而家學精左, 所以同大家分享我既經驗.

chanreborn
chanreborn 2011/10/12 23:46:29 回覆

persie , the main issue of 87001 is they only have the right to receive the rent of Orient plaza in Beijing until 24 jan 2049 , after that date then the ownership / management of orient plaza BJ will return to their partner in china which 87001 won't receive any compensation.

i.e. 87001 have the right to receive the rent of abv property but without the ownership of the property.. of course there are many other risk factors but abv risk is the main one.. in ohter words , if they won' buy in other property in china or Li ka Sheng won't inject other chinese property to 87001 then 87001 looks like a very long term negative mortage till 2049.

wong yuen shan has commented this problem before 87001 was listed..so that's why i held back..

2011/10/12 23:16:26 回覆

soho,

响股市真係無得認叻,每日都有新野學,不斷改進

soho*
soho* 2011/10/12 23:10:17 回覆

 // 死唔信唔回,就係唔回,結果今日死死氣13.5入番//

cashin, 你講得好傳神, 感同身受, 我地要從錯誤中學習, 下次就會學精左, 會有進步.

花姐, 日中大上大落, 隻隻股份表現都唔同, 可不可以買貨? 點答你呀! 股市最緊要有上有落, 咁就有得炒, 單邊向下就食穀種冇得玩, 近排我都炒密左, 屎就屎啦!

Persie
Persie 2011/10/12 23:03:14 回覆

cashin:肯死死氣入返都好吖!恭喜有錢贏!

花姐
花姐 2011/10/12 23:01:02 回覆

嘩!今日各路英雄齊集仲唔講返夠本

快告知我天日買貨可不可以

多謝馬仔 persie問候

Persie
Persie 2011/10/12 22:53:09 回覆

我想買匯賢,好似好平。定只係我主觀意見?隻嘢究竟有咩暗病?朋友話我知#87001上市時匯豐sell好多大客買,話好好,實賺,好多客落疊。當然而家媽媽聲。

2011/10/12 22:50:42 回覆

soho,

另外沽貨後補貨亦係做得未夠好, 有時見到心水價會眼光光, 係受左市場氣氛影響, 就有點猶豫, 明明對股份有十足信心, 見洗倉急挫就縮沙, 其實有d股份大插係受基金贖回拖累, 應按計劃入貨, 減細注碼就可以了, 又要檢討.

我都係,27我18走,心諗13補回,見大市係咁插,梗係唔接住,大插日9蚊都無補,大彈日10蚊又唔入,死唔信唔回,就係唔回,結果今日死死氣13.5入番.

 

Persie
Persie 2011/10/12 22:45:01 回覆

係喎,唔該主席。

 

#405上市日期

21/12/2005

,上市價

3.075

 

幪面馬仔
幪面馬仔 2011/10/12 22:43:14 回覆

主席    講真的,纏腳布咁長,我自己都分咗三次先睇完。我原來可以咁懶。

慳妹
慳妹 2011/10/12 22:42:30 回覆

舅父仔:越秀房地產信托基金是 2005 年 11 月上市,你列出的派息紀錄已經是全部,沒有遺漏。

Persie
Persie 2011/10/12 22:39:59 回覆

花姐:我會啦。我今晚都係飲湯同食兩塊白麵包咋。好齋架!你都要保重身體。

soho*
soho* 2011/10/12 22:38:53 回覆

花姐, 到今日才說 // 我開始有意欲入貨 // 都唔似你一貫風格既! 我信你真係病左喇! 恒指企穩10天線就要飛撲入市短炒啦! 今朝守得住17840又係短炒入貨好時機, 美匯碌落山股市就有得炒

今日恒指5連升, 係自五月以來最長升市, 今早一插就俾好友快速掃番上黎, 手腳慢d都入唔到貨, 現時外圍仍有不少利淡消息, 五連升殊非易事, 真係有料到咖!

舅父仔, // 止賺過早,止蝕過遲 // 呢個問題我時常警惕自己, 係超級難刻服.

慳妹
慳妹 2011/10/12 22:36:37 回覆

馬王爺: 咁長篇大論嘅文章我原本懶睇,不過見係你頭一次貼就點都要俾少少面啃晒佢,睇完之後想補充一下。

 

你貼文講嘅係行為經濟學大師,2002 年諾貝爾經濟學獎得主卡恩曼教授 (Daniel Kalmeman) 的研究,他認為成功投資必須違反常性而行,結論是要投資成功先要控制自己。

人性對投資過程的第一個干擾是討厭損失而樂見穫利,這種性格令投資者止賺過早,止蝕過遲,結果令到投資劣質化,揸住大批垃圾股,這是投資者最終輸錢收場的原因。

要反其道而行,最好的做法是只著眼於整個組合的成績而不是個別股份的表現,汰弱留強,減少入市次數,將時間用在決策的研究上以增加勝算。

個人理財不必追求完美,只追求贏面大於輸面就可以了;在完美主義者心中,往往被「最低價買,最高價賣」的心魔困擾,結果反而一無所得。

成功就可以,沒有必要做到完美才算成功。

幪面馬仔
幪面馬仔 2011/10/12 22:32:39 回覆

花姐      保重呀,天氣開始轉涼了.

花姐
花姐 2011/10/12 22:30:23 回覆

persie,我去完星島領獎病到依家,

幸好星期日找到好醫生終於有喜色,

你唔好貪食,有健康就食乜都得,忍下口啦~~~

Persie
Persie 2011/10/12 22:29:51 回覆

soho,馬仔:每晚看 Now sir 的節目,都會覺得歐洲債務問題越攪越大,我覺得個市無理由唔狠狠的爆一大煲。

 

不過跌勢不是直落,如果可捕捉波幅,係可以賺錢 

今日公用股捱沽,我想入,但又想等佢再低d,真係矛盾。

花姐
花姐 2011/10/12 22:26:30 回覆

SOHO日日係咁升,唔通只係齌睇咩?

我開始有意欲入貨,會否我正是典型老散,

一入市就又被大鱷狂插,

柄柄你話點好??????????????

soho教我兼救我~~~~~~

Persie
Persie 2011/10/12 22:25:07 回覆

拿斯利噚晚勇態逼人,眼中有火,終於勇救法國,成功出線,可喜可賀!

 

噚晚我見到的拿斯利,好有火,有一種一定要贏的決心。在阿仙奴時,你會見到一個盤扭俱佳的球員,但不是每場都有種determination,有種要必勝的決心。但噚晚佢絕對有。他有個罰球已經處理得很好,但撞柱不入。12碼那球係佢夾硬扭入禁區博返黎的,又難得個後衛蠢到出腳勾佢。到球證吹12碼,佢二話不說,拿起球就放在12碼點,咬緊牙根出力勁射。嘩,我未見過他眼中有這樣的火。我好似重新認識左拿斯利。

 

這種求勝的鬥心,是在曼城學的嗎? 

我估唔係,唔係,而係因為國家隊的責任,他大個仔喇!

Persie
Persie 2011/10/12 22:23:20 回覆

蕃茄:今日偷食左一串魚肉燒賣,美味!不過之後個胃頂頂地,可能連食六粒太多。

 

今次病左,了解到 don't eat more than you need.

 

在香港,一切不缺乏,就只怕營養太好,我們都要感恩!

幪面馬仔
幪面馬仔 2011/10/12 22:19:28 回覆

舅父仔            我做唔到高手的其一原因是,我無記性,唔留心。

soho*
soho* 2011/10/12 22:09:29 回覆

上周見#405急挫, 跌穿 $3.5, 勢頭直指 $3, 已到心水價本來想入貨, 但係阿 Sir 話佢有可能穿 $3, 我就忍忍手, 點知佢低見 $3.1 就掉頭回升, 結果我冇入到貨, 呢個就係我要檢討的地方.

另外沽貨後補貨亦係做得未夠好, 有時見到心水價會眼光光, 係受左市場氣氛影響, 就有點猶豫, 明明對股份有十足信心, 見洗倉急挫就縮沙, 其實有d股份大插係受基金贖回拖累, 應按計劃入貨, 減細注碼就可以了, 又要檢討.

上周我曾經講過:

~ 股災到來, 沽貨止蝕不難, 最難是捕捉適當時機補貨, 如果一直等股市見底才補回, 就會錯失反彈浪, 進取的投資者見低過止蝕價夠水位轉身就可搏反彈

~ 全球經濟前景不妙, 股市冇運行, 但係明年係大選年, 連中國都要更換領導班子, 我相信各國領導人會盡力挽救疲弱的經濟, 因為股市死, 經濟會更差, 所以唔好過份悲觀睇死股市, 無形之手始終存在.

早前市場氣氛極差, 好多人見勢色唔對止蝕/止賺走貨, 後來恒指果然大插落16170, 本來在高位走鬼是辦對了, 但如果冇在低位補貨, 就會眼光光睇住恒指反彈重上18000, 睇番現時股價仲高過當日走鬼價, 豈不是唔走好過走? 所以我成日話唔好大貪, 夠水位就要補下貨, 等恒指插落12000就真係唔知等到幾時 

Persie
Persie 2011/10/12 22:00:37 回覆

馬仔:見你講起#1881,不要忘記它會減派息所以引發大跌。中期息$0.057係上年的66%,假設末期息一樣打66折,末期息會係$0.06864,派息率只有 ($0.057 + $0.06864) = $0.12564/$1.74 = 7.22%。就算 month low $1.43,派息率也都是8.8%,未有10%

 

順便計埋#40516/9/2011中期息 $0.1319,假設末期息同往年一樣 $0.1165,以今天收市價$3.52計,派息率係 ($0.1319+$0.1165) = $0.2484 / $3.52 = 7%。以 month low $3.1,派息率有8%。以2008年金融海嘯#405低見$1.2,派息率會有20.7%5年回本 (間公司沒執笠的話),係咪諗起都開心呢。

 

在金融海嘯期間,#405的派息也維持。不過2005之前是如何,我就不知道了。

 

2011/12

中期息人民幣11﹒09分或13﹒39港仙

16/09/2011

20/09/2011

23/09/2011

26/10/2011

2010/12

末期息人民幣9﹒83分或11﹒65港仙

28/04/2011

03/05/2011

06/05/2011

19/05/2011

2010/12

中期息人民幣10﹒87分或12﹒46港仙

13/09/2010

15/09/2010

20/09/2010

28/10/2010

2009/12

末期息13﹒43仙

29/04/2010

03/05/2010

07/05/2010

19/05/2010

2009/12

中期息11﹒75仙

15/10/2009

19/10/2009

23/10/2009

30/10/2009

2008/12

末期息12﹒26仙

07/05/2009

11/05/2009

15/05/2009

20/05/2009

2008/12

中期息12﹒34仙

20/10/2008

22/10/2008

28/10/2008

30/10/2008

2007/12

末期息11﹒51仙

11/04/2008

15/04/2008

21/04/2008

20/05/2008

2007/12

中期息11﹒07仙

18/10/2007

23/10/2007

29/10/2007

--

2006/12

末期息10﹒34仙

04/05/2007

08/05/2007

15/05/2007

25/05/2007

2006/12

中期息14﹒38仙

27/10/2006

01/11/2006

07/11/2006

08/11/2006

2005/12

不派末期息

--

--

--

--

soho*
soho* 2011/10/12 17:44:10 回覆

做乜近排成日落雨? 濕立立點放工呀 ! {#2008060801470179.gif}

今次老曾既新居屋計畫好溫和, 亦冇出招調控樓市, 感覺上好似係明益班80後, 想派錢幫佢地置業以平息民怨, 新居屋計畫只係推出面積介乎400~500呎細單位, 首年只推2500伙, 新計畫對樓市應屬正面, 老曾仲話每年新建和推出的單位數目會視乎當時市況而定, 咁即係話隨時可停止呢個新居屋計畫, 老曾學精左, 留定條後路, 我覺得老曾見全球經濟唔掂, 所以冇落重藥, 我認為消息利好地產股, 呵)))) 連老曾都托市, 有得炒!

今次股災係由地產股及內銀股拉住港股落山, 早前地產股大幅回落, 除了因為按揭息率上升外, 亦是預期施政報告有打壓樓市措施, 如今陰霾抹去, 將有助地產股作出反彈, 而家兩大權重板塊都有正面消息支持, 加上內地股市見底回升, 淡友想再插散港股既難度就會增加, 10月期指大高水116點, 10月國指期貨高水43點, 國指連續兩日比恒指強, 只要國指保持強勢, 港股升勢未完

今日有40隻熊證遭「打靶」, 被強制收回, 其中33隻為恒指熊證, 7隻為個股熊證, 恒指5連升, 為自5月以來最長升市, 絕地反彈果然有料到

今日人民幣匯價先急插, 一度觸及跌停板, 其後大幅反彈, 走勢好似港股一樣.

美國參議院通過人民幣議案, 但否決總統奧巴馬的4470億美元就業方案

蕃茄
蕃茄 2011/10/12 00:17:23 回覆

Persie,

唔好為食咯, 調理好身體先啦---->我呢個星期日都係計劃食大閘蟹, ( hehe , 講出黎引吓你先 {#icons_dog10}) 不過怕瞻固醇超標, 所以小嚐兩隻就好夠了.

呢幾日升番成 2000點, 不過我就無買亦無賣, 齋 睇.

幪面馬仔
幪面馬仔 2011/10/12 00:10:42 回覆

如何成為投資高手

到底有沒有一些方法,可以增加對市場的預測能力,從而提高投資的贏面?

要提高投資的贏面,預測能力可能只是第二,最重要反而是怎麼運用你的預測。

世界上最厲害的投資高手,也沒可能每次都能預測準確,若有人能夠在十次內七次估中,已經是很不錯的了。當然有些人是十次有九次估錯的,這些人屬於世界上的極少數,若讀者身邊有這樣的人,請你好好地珍惜這位朋友,作為你股壇上的「明燈」:即是他買升,你就買跌。

高手與低手的分別

投資高手與低手的分別,就是大家都能夠十次內七次估中,但投資高手的結果是賺上大錢,但投資低手卻可能輸到破產。

在投資心理學的世界中,有一個曾經得到2002年諾貝爾經濟學獎的「展望理論」,指出人們在得益的時候會趨避風險,但損失之時卻接受更多風險。例如某人利用每股10元的價格,分別購入甲和乙兩隻股票,並已經持有一段日子;如果股票甲升至12元,而股票乙卻跌至8元,大部份「正常的人」都會「趨避風險」地沽出賺錢的股票甲,因為除了金錢上的回報外,更會覺得心情愉快;至於賠本的股票就寧可「博一博」溝淡再買,希望可以博到反彈不用輸錢,但結果卻是愈輸愈多。

一個投資界的低手,可能在十次的預測中有七次準確,但七次賺的都是蠅頭小利,輸的三次卻弄得頃家蕩產;投資高手也是七次賺三次蝕,但賺蝕的金額控制得好,平均十次投資就得到四份盈利。至於最叻的絕頂高手,就是每次作出預測的時候,會同時估計預測成功的機會率,機會率較大時投資金額就較高,沒信心時投資金額就較低,並且輸的時候盡快止蝕,結果成功地做到「嬴間廠、輸粒糖」,雖然在預測中偶有出錯,但總回報卻是非常驚人。當然這是違反正常人性的心理行為,能夠做到的人只是少數。

取勝重點不在預測能力

對於股票低買高賣的道理,相信每位投資者都會明白,但真正能於股場成功的人,卻只能佔極少部份,就是因為大家都被這種「投資情緒」影響了自己的決策。很多人以為在股壇上賺最多錢的人,都是擁有百分百準確的預測能力;但根據筆者的經驗,這種人根本是不存在的。所以投資取勝的重點,並不單是預測的能力,而是怎樣把資金分配在不同的預測上

瀏覽更多回應 正在載入...
user

已關注

最新回應

幪面馬仔
幪面馬仔 2024/02/12

有緣人

{#iconb_282}

李聯廣
李聯廣 2024/02/12

恭喜發財!

有緣人也在此祝各位龍年行好運, 身體健康,萬事如意!

幪面馬仔
幪面馬仔 2024/02/11

{#iconb_210}

有緣看見的,

身體健康

幪面馬仔
幪面馬仔 2023/12/20

又到聖誕,又到聖誕

{#iconb_259}

來年大家,開開心心。