十月風

唐唐辭職了，

天文台隨即掛起八号波，

一些官員乘風勢被吹起了，

久違了的烈風訊号，

在特區街上吊吊 fing 了十句鐘，

仍然(掃)不走那些 totally rubblish，

卻素(描)出了一個剛辟自用的唐袍加身，

看來，ＣＹ，慳番啖氣吧！

唐官提醒過你，

小心車毀人亡。

本來，老鼠我幾睇好范太歲，

起碼，佢响垃圾会期間，

治得住班社民狼。

衹可惜佢表現有點扭扭捏捏，

仲擺明車馬唔妥梁山大兄，

就太女人了。

其實，佢咪同四萬一樣，

想搬入禮賓府，

奈何，北大人 say no。

老鼠預言：

將來唐官陞冠，

副手一定是女人。

曾特首唔經唔覺打牌打到北圈了，

佢話六年來的「拖」政報告，

在這「７ｔｈ」𥚃，

要徹徹實實將這份拖了六年的報告，

改為真真正正的「施」政報告。

到今天，我才明白果「陸仟圓」要十月尾才派，

原來等曾 sir (唔係死了那位)宣佈，

已經有措施紓解民困。

講真，對於今年份這「施」政報告，

我不太期望，唔拖就得嘞。

如果佢能夠解釋一下，

點解今年才有這等措施，

我会感覺開心啲。