河馬仔河馬仔
河馬仔河馬仔
河馬仔河馬仔

(河馬仔專欄)深水埗嘉頓烘焙中心會所餐廳午餐評論

2011/10/02 17:15:28 網誌分類: 飲食
02 Oct



『馬場樂子(妹)』: 性格開朗,有點大頭蝦,除主力賽馬專欄外仍會介紹飲飲食食

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

『Mary CHAN』: 馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.

『司馬蓮華』 : 馬場彩珠的好朋友及飲食同好,來自潮州,語尾有時會帶一點尾音.性格溫柔但思想天馬行空,喜歡可愛得意事,在假日偶然會開私房形式的女僕Cafe,名為『潮州メイドCafe』...

(前言)

(在街外)

MARY : 咦!樂子呢!

彩珠 : 佢講昨晚太累了,如果佢未醒的話,今天的飲食資料搜集她就不來呢...

蓮華 : 噢~~今次的地方有夠特別呢...在一個有歷史故事的地方吃個午飯,還是影一些相片在節目中給她看看吧.





MARY : 相信好多香港朋友住在深水埗多年,都會認得這個大鐘樓呢,大家有知唔知佢大約幾多歲!

蓮華 : 呀~~這個鐘原來有歷史嘛!自己來港幾年,去過這兒這麼多年都不知道呢...

彩珠 : 不過這個鐘樓MARY講到這麼強大,莫非......

MARY : 這個叫做嘉頓鐘樓呢,原來係1935年起架,當時有深水埗碼頭,而乘客可以用佢來對時呢.不過現在深水埗碼頭已經係90年代關閉,之前亦有因填海而搬過呢...

彩珠 : 嘩......大過我們三位加起的歲數呢...不過今天街外三十幾度高溫,在街中看歷史文物都好熱,今天MARY的介紹莫非是...

MARY : 係嘉頓烘焙中心...

蓮華 : MARY要買麵包餅乾嗎?

彩珠 : 我們未吃午餐呢...麵包可以吃完再買嘛...就算買都可以在超級市場找到他的產品呢...

MARY : 唔係啦!!!入面有間會所餐廳架...

蓮華+彩珠 : 嗄!!!真的嗎????????

MARY : 入去睇下就知架啦!



蓮華 : 好涼爽呢...這個就是法國人用來製血鴨的機器,好像在電視見過哩...

MARY : 入面仲燈火通明又乾淨,好有會所感覺呢!





MARY : 今次睇睇餐牌先..........



蓮華 : 不過想了又想,如果不是MARY說過,如果只在中心外路過的話,相信沒有太多人知道這兒有餐廳嚕.

MARY : 所以來食飯的大多數都係一啲係度居住或返工嘅人呢.

彩珠 : 但係一講嘉頓就會諗起麵包餅食...是不是這兒主力都是麵包呢,而且見到MENU上的寫上新鮮烘焗的,未試過在麵包廠食午餐.......咁樣係唔係叫春江水暖鴨先知?

MARY : 春江水暖鴨先知好似唔係咁解..........您係唔係想講近水樓臺先得月?

蓮華 : .........應該是食包包食飽???

MARY  :  都係唔好纏繞呢個問題啦.........

彩珠 : 但係一講嘉頓就會諗起麵包餅食...當然一定會想起生命麵包,而且聽香港的朋友所說,以住亦有不少人在拜年時會送什餅呢!

MARY : 佢地嘅產品都陪伴住香港人成長呢....湯嚟啦.




MARY : 有時佢地唔止得西湯呢,如有時都會見到中湯供應.冬瓜清補涼就啱哂好多少湯水嘅朋友.至於椰菜花湯就煲得好綿滑之餘,入面落重椰菜花,好豐富呢...

蓮華 : 這個麵包...



蓮華 : 新鮮烘焙的麵包就是和平時吃到的不同呢.就算是豬仔包也好,平常都會外皮較硬蹦蹦的.但這個就不會了,皮脆而內軟及多氣孔唷...而且熱烘烘的,就是用手抓出來吃最有味道呢...

MARY : 而且仲有好大陣的香味...話時話,八十幾年嘅麵包製造歷史之中,他們喺香港佔過一個幾重要的歷史地位呢.如三十年代佢地曾經為香港製造過防空洞及軍用餅 乾作抗戰之用,而五十年代亦有為本地海陸空三軍供應麵包餅乾之類,所以他們嘅麵包可以話係見證香港變遷呢!

彩珠 : 唔........今次的午餐真的可以聽到不少本土歷史故事...電話響.............樂子........?

(電話中)
樂子 : 家姐.............

彩珠 : 今日不送外賣.............

樂子 : 咁您地係邊呀..........

彩珠 : ..........等埋您啦,爛訓豬.



MARY : 主菜終於到呢.......樂子.........遲到........

樂子 : 對唔住............嗚............

MARY : 今日就由我打頭陣!




MARY : 法式香草羊架配甜黑醋汁---雖然量係有啲少,但係肉就真係好鬼嫩又JUICY,最緊要就係個外面金黃色又夠香,細細滴嘅香醋甜汁係好好嘅點綴呢

MARY CHAN---對法式香草羊架配甜黑醋汁之評分:




彩珠 : 到我的香草燒羊扒配天使麵呢......試過了MARY的MAINDISH之後,都會覺得法式香草羊架較為惹味.這個燒羊扒都有啖啖肉的感覺,香草汁有點近燒汁,雖然不可以說這個很特別,但食味仍是配合亦不會過搶,水準之作呢!

馬場彩珠---香草燒羊扒配天使麵之評分:



蓮華 : 到到我這道香草牛肋骨配紅酒燒汁吶,在香港吃牛肋骨,通常都會像茶樓的地方之黑椒牛仔骨這樣橫切呢.這兒真的極有心思,把牛肉弄成大大骰子狀不過仍會附在 牛骨上.吃下時稍稍切開就可以吃哩.入口後牛肉汁非常多,肉質既滑也嫩及厚,再加上意外地味道濃厚的紅酒燒汁襯托之下,我的心都被牽動咧!

司馬蓮華---對香草牛肋骨配紅酒燒汁之評分:




樂子 : 最後就是這個香草紅酒繪雞,味道略淡,雞肉如較嫩滑會更加好.不過勝在量都唔少,加上有點似家庭煮西餐的味道...

馬場樂子---對香草紅酒繪雞之評分:




蓮華 : 最後還有一些特色甜品及咖啡或茶呢...如椰汁慕司蛋榚就能夠吃到一些較為上一代的甜品味道,不會過甜亦較實在的,反而給我們這群九十後一種新鮮感呢...



彩珠 : 這些金屬甜品擺設已經在香港少見呢,甜品及擺設亦可能會令人想起老香港的情懷呢.

MARY : 順帶一題,如果大家有興趣的話,其實這兒的餡餅亦相當好味道的.如這個外型有點像英式的CornishPasty(康瓦爾肉餡餅),入面都是有免治牛肉及 薯仔洋蔥之類的食材.現在歐盟亦有為CornishPasty定為Protected Geographical Indication,為此食物之製作定下規範...

MARY : 以往的Cornish Pasty係可以話由中世紀之英國開始,幾百年前Cornwall係錫礦重鎮,此餅大多由由礦工的家人造.成"D"字型烤焗,較脆口而個邊好厚...

彩珠 : 個餅邊好厚不會好食呢...但是......

MARY : 其實有原因架.由於當時礦工係開採時雙手充滿礦物,呢個厚邊就當係HANDLE,食完就唔要...




MARY : 我都係講番今次個餅先,個皮焗得非常香,肉味一切開個皮就湧出來.個皮脆而帶少少硬,唔係我地係餅舖食嘅雞批之類嘅質地.而入面肉真係唔少,加入軟糯嘅薯仔,絕對夠特色!


是次食物人均相對消費 : (越多$越高)


(後記)




原名此畫布名為《Sing Along With Your Claps》,相信有去過CW32的朋友都覺得有點似曾相識,因為此圖曾在今屆CW32展出過的。

今年的馬季已經密鑼緊鼓,即將在9月11日開始新一季的賽事。今次四位看板娘(馬場樂子,馬場彩珠,Mary Chan及司馬蓮華)首次穿起相同的賽馬娘服飾,載歌載舞,為各位打打氣。

祝願大家馬到功成,歡欣滿載,馬運亨通!




今次由河馬仔出品、由同人組織緻妍軒之畫師---飛鷹妍---繪製而成。以發放。
*(圖中及文中所述之看板娘人名純屬虛構、如有雷同、實屬巧合。)
回應 (0)
我要發表
user

最新回應

河馬仔河馬仔
河馬仔河馬仔 2022/01/01



2022/01/01「河馬仔賽馬專欄」,又有年頭開始輸。

是日 : + $1000 - $15000 = - $14000

累績 : - $14000 - $355115 = - $369115
河馬仔河馬仔
河馬仔河馬仔 2022/01/01

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

河馬仔河馬仔
河馬仔河馬仔 2021/09/19


2021/09/19「河馬仔賽馬專欄」,我諗我九月要收工了。

是日 : + $1944 - $19500 = - $17556

累績 : - $17556 - $337559  = - $355115
河馬仔河馬仔
河馬仔河馬仔 2021/07/11



2021/07/11「河馬仔賽馬專欄」,全季以今日中都冇用,埋單輸$126224結束今季。

是日 : + $13992 - $18900 = - $4978

累績 : - $4978 - $315025 = - $320003