鯉魚門再寫生
2011/10/02 18:04:56 網誌分類: 戶外寫生及練習
好似同鯉魚門唔係好夾,次次去都落大雨~
本來好好天,曬到要wear太陽帽,突然天陰又落雨,吹起大風,畫簿拍落我塊面度,幾驚塊面有粉彩呀……
左手拎住雨傘,右手畫畫;有風吹時,又要固住雨傘,又要固住幅畫~雨傘唔係用黎遮自己,係用黎遮幅畫!
粉彩咪算好囉,唔知d同學點畫水彩la……原來佢地拎左d一格格d水彩盒,裏面係d乾既水彩,好似細個時爸爸買過俾我同d哥哥既水彩色盤咁,又好似以前媽媽果d一盒多色既用黎掃上去既唇膏盒。嚮家品屋我見到d類似既,大概30蚊。
呢幅畫我進步既地方係大概了解第一層要塗咩色啦,而需要改善既地方仍然係要更仔細咁塗,先唔會有咁多白色孔~其實個建築物係個爛左既石礦場(好似話係),本來係灰灰地既,但我唔鐘意灰色,所以佢咁既色。今次畫左d草,係我希望可以畫到既野,不過畫得唔係咁好。個石礦場呢,因為天雨又大風既關係,畫唔切就要走人,憑記憶補筆,老師都幫我用把刀仔刮過幅畫,所以我都唔簽名lu。
原來上次見到狗唔算恐怖啦!今次除左行左去好遠畫畫之外(經過好多草呀!怕有蛇;又有d高低不平既石~發現左有個同學怕狗既程度勁過我),仲有大概七隻狗嚮我地畫畫既地方開大會,而且本來係冇狗但突然間佢地衝晒上黎,仲係我收緊野既時候;d狗好大隻,又吠,好在冇攻擊我地。
同d新同學一齊畫畫,仲未開到口去認識佢地。點解我咁唔鐘意講野既?選擇的不語症……
回應 (0)
我要發表