靈感
2011/10/10 21:30:00 網誌分類: 藝術
參加左戶外寫生之後, 冇成日覺得腳痛?
原來只會腳倦, 跟住習慣左, 冇咁覺腳倦, 只覺成身疲倦、眼睏, 睡眠質素好左~
雖然下一期未必報到,
但昨日去左個畫展, 我覺得我要做畫家真係有可能架!
開始想一d題材, 想畫大大幅既畫~
想畫我既童年~ 因為當時已經係彩色相, 80後有80後既優勢~
80後仲有自己既年代背景, 童年時d相亦有年代風味~~
最重要係我係新界人嘛~ 出面d人邊搵到咁多花草樹木一齊影相丫~~
鄉下妹有鄉下妹開心既地方, 原來世界真係公平。
但d假期要12月先有囉... 又要讀公開大學... 睇黎12月唔會外遊, 但境內遊ok架~
話唔定約返個戶外寫生識既女仔一齊去畫畫 XD
P.S. 可以執本相簿, 放晒我相畫既相, 要畫時就可以慢慢畫或者一次過畫幾張~ 咁有返d效率嘛。
廣告彩方面, 以前畫國畫我買過個調色盒裝水彩, 可以放d廣告彩入去, 望住d書, 學下點畫人像~ 始終廣告彩比油粉彩灑脫, 我想做到呢個境界。而最重要呢, 係... 要執好間房, 唔要既野丟左佢, 搵個位真係用d櫃裝晒d畫畫野, 書枱要有位放printer同手提電腦 (呢樣同畫畫冇關, 不過「它們」有講咩事), 就會有充滿靈感既個人空間, 得閒仲可以寫下詩 (其實嚮火車可以寫, 點解我停左寫?)...
回應 (0)
我要發表