寫字樓的故事 << 1 and 2>>

2011/10/13 22:43:55 網誌分類: 靈異
13 Oct

 

第一個故事年代久遠。當事人是我舊同事,她亦已於數年前退休了。話說幾十年前,當她還是好年輕,蹦蹦跳跳的時代,她有一位女同事,為人沉默寡言,不易了解,但人品是很好的,大家合作也開心。有一天,女同事沒回公司上班。當年沒有流動電話,大家溝通方式較慢。到聯絡上她家人,家人亦以為她在上班,不知她去向。原來這位女士因為感情問題覺得難以解決,租住了一間酒店房,當天跳樓死了。那間酒店在銅鑼灣某醫院對面,現在已經拆卸。聽驗屍官說,那位女士死意甚決,用俯衝式跳下,頭破面爛,死後面目全非。

 

當年自殺沒有現在普遍,況且當事人還是位年輕女士。公司裡發生這件事,大家都人心徨徨。大概一個星期後的一天,就快放工的時候,我朋友打算去完洗手間就離開寫字樓。一班年輕女孩,都還是心中害怕的,於是便兩人相約一起同去洗手間。正當兩人行入走廊,未到洗手間之際,洗手間的門打開了。令人難以置信地,死去的女同事緩緩的行出來,臉容一如往昔,沒有半點損爛,不過她低垂著眼睛,並沒有跟我朋友有目光接觸。我朋友感到自己的心突突亂跳,但她終於都是默默的扮作若無其事的繼續行入洗手間。

 

入到洗手間,兩個女孩癱瘓在地,原來兩人都看見相同影像,又不知是不是自己眼花,總之就被嚇過半死。自此之後,沒有人敢自己一人走進女洗手間,但我的朋友自此也沒有再見到那位女同事。

 

第二個故事,又係發生在女廁!我的一位同事之前在灣仔返工,從事廣告於公關行業,經常在周末日都回公司加班。話說某星期六下午,她在寫字樓加班,還有其他同事一齊。臨走時她上廁所,旁邊的一隔傳來聲音說,Susan,我呢邊紙,唔該ㄚ!我朋友順手整左一疊,從廁所下邊的空位遞過去。那個寫字樓是舊式裝修,有三格廁格,每格的下邊都是通的。我朋友遞了紙,另一邊亦有人接了,但兩隻手沒有碰到。其實朋友一邊遞紙,一邊在想隔鄰的究竟是誰,因為行入洗手間時好似唔見有人,而把聲音又好陌生。那個廁所的門是百頁式設計,她可以看到出面沒有人,也沒聽到隔離有抽水聲。她當時已經用完廁所,便好快的出去看看,但見廁所空無一人,其他兩格都冇人。朋友當場心中一涼,出到寫字樓,她問其他人,你地頭先邊個喺廁所問我攞廁紙用啊?點知同事個個都話沒有。我朋友說出事情,大家都嚇呆了。她亦相信不是有人整蠱,而就算想整蠱也不易,因為在廁格內好容易看到洗手的地方,跟本沒其他通道可以走。

 

事件傳出後,女士又係唔敢自己上廁所,當然亦有其他的鬼話連篇。管理層知道後,好搞笑的下令封左廁格下方的空位,等人不能遞紙過隔離。我朋友亦沒有再次遇到類似事件,但這事之後她好怕自己一人上廁所,每次入廁所如果見沒有同事在內而在可以的情形下她都會她都會掉頭走,亦不敢自己一人加班。我覺得件事對她影響都幾深遠。

 

大家在公司每天都會上洗手間,又有沒有類似的經歷呢?

回應 (42)
我要發表
Persie
Persie 2011/10/17 23:40:19 回覆

三姨媽唔係架,佢不過安慰小B。條走廊好幽暗,開左燈就開揚晒。

幪面馬仔
幪面馬仔 2011/10/17 23:32:54 回覆

三姨媽都是異能人士?
這的確是一個好辦法,原來在什麼國度,包裝再張事情美化都是必要的。

就正如我細個成日見到天花扳有個影,我覺得個pat野(黑影)個形似我亞爺,我同亞媽講,佢話喺家中家具的黑影投射。到大個咗佢話我聽亞爺時常回來看我們。 咁我即是冇認錯亞爺啦。。。hee

Persie
Persie 2011/10/17 23:18:29 回覆

馬仔:日三姨媽都在婆婆家。原來小B去問三姨媽,個叔叔係邊個黎架?三姨媽答他,哦,叔叔係婆婆鄰居,坐一陣就走架喇。跟住三姨媽開左走廊盞燈,小B就沒再問了。

Persie
Persie 2011/10/17 00:54:02 回覆

馬仔:阿妹係見慣不怪,而且我沒告訴她小B話見到叔叔。我估家族中沒有人可超越小B四姨媽。

幪面馬仔
幪面馬仔 2011/10/17 00:36:12 回覆

亞妹點睇成件事?小B第時會否是成家感應力最強個個

Persie
Persie 2011/10/16 23:55:12 回覆

ka ka:因為HSBCHS同中銀都要keeprelationship balance,所以不能隨便調動d錢。 

除非我將HSBC Premier轉做HSBC China Premier,在香港都可以繼續用Premier服務,不過我懶,未轉。

Persie
Persie 2011/10/16 23:50:02 回覆

今日小B去婆婆家玩,我見他眼定定望住大門又話唔使驚。我問他,你見到什麼?B答我,我見到叔叔。 

 

嘩,都得?  

跟住我聽到小B唱歌,他唱馮日希,生日快樂;馮日希,唱唱歌。我問阿妹,呢首咩歌?阿妹話,首歌學校教,但歌詞唔係樣。這兩句係小B自己填詞的。雖然好似好恐怖,不過我都仍係處變不驚的。起碼小B沒要求馬上離開間屋,他仍然周圍走,玩,食,大致上沒問題。

Persie
Persie 2011/10/16 23:48:11 回覆

ka ka:一時眼花啫,唔使驚。 

主席:謝謝,我好返晒啦。

慳妹
慳妹 2011/10/16 23:08:50 回覆

Hi chanreborn: Back to Hong Kong la?

點都係主場 5 連勝,叫做有交代。

舅父仔:你腸胃好返晒啦,暫時唔好亂食嘢啊,知冇!

Persie
Persie 2011/10/16 22:54:09 回覆

係就係贏左,但真係搖頭嘆息。其實係差些又在最後時刻失波。雲佩斯辛苦自導自演射入罰球的努力差點又遭抹殺。

雲佩斯向觀眾席揮手同飛吻,我覺得他在跟我們說再見。

唉! 

chanreborn
chanreborn 2011/10/16 22:42:37 回覆
chairman, Arsenal 2 - 1 Sunderland ..

hard fight..!!

 

慳妹
慳妹 2011/10/16 21:53:07 回覆

外星人? ET phone home?

舅父仔: 賽果如何?

2011/10/16 21:45:54 回覆

persie,我腳痛唔跑得馬拉松,只好帶啲港仔去渣打 bank 做「高息馬拉松」活期存款。 50 k 或以上之全新資金活期存款三個月平均年息有 1•76 哩,好過放係度冇嘜息啊!賺番幾仟蚊飲吓茶都好吖!

2011/10/16 21:44:58 回覆

嘩!14、15 號入過嚟幾次都睇唔到依編鬼故咖!點解今日先睇到?好驚!

2011/10/16 19:55:09 回覆

因為我覺得星期五會跌, 所以 put 388. 下星期一會升, 咪調轉買升囉. 看中方向, 只是在當日買賣的 timing 不對.

Persie
Persie 2011/10/16 13:31:48 回覆

hi,李聯廣:我都喜愛外星人的想法。 

不過我個人傾向相信時間不是一條直線的說法。

李聯廣
李聯廣 2011/10/16 09:50:03 回覆

Persie,

我並非不接受,我亦相信世上有很多不能解釋的事情,只是奇怪一向這些奇遇多是感覺方面如被壓、被捏、被抬起等等,很少涉及實物的傳遞而已。

PS 相對「兩個宇宙的接觸」,我較相信外星人的說法。

Persie
Persie 2011/10/16 03:56:36 回覆

巴塞勝桑坦德3-0成籮機會都只把握到三球,有些可惜。恩尼斯達復出,技術更加精進,令人嘆為觀止。沙維頭槌入波,好得意,我都好似未見過。美斯禁區被勾跌不獲12碼,深心不忿,不過不要緊,機會在幾分鐘後來臨,美斯就有咁勁射咁勁射成3-0巴塞前線從不是問題,但后防總會見到鬆散的地方。加上Pique又再次拉親受傷了,綿密不斷的傷患,怎辦呢?幸好應該不是上次的舊患,希望他快些好返。艾比度入替Pique。艾比度又是我喜愛的球員,就只怕他病後太累,不過他仍有上佳演出,很好!

 

法比受傷,文裝一度睇波,又留左滿臉鬍子。

 

巴塞今屆主場保持強勢,不過作客弱少少,應作改善。 

拜仁繼續強勢贏波,不過國米就 。。。又輸左。史耐達,你看來要找去處。

Persie
Persie 2011/10/16 02:01:20 回覆

cashin:咁就要等曼聯會一會曼城了。咦,下個禮拜有得 

皇馬贏4-1,其實貝迪思今屆亦有上佳演出,但對手太強。希古恩又帽子戲法,但最後一秒鐘都仲博命想大四喜。皇馬陣內希古恩同賓斯馬都鬥過你死我活,不過也屬良性競爭。

2011/10/16 00:46:07 回覆

Persie,

賽果完全係我預期之中,曼聯之所以成功,就係佢地經常作客對強隊都可以不敗,然後返主埸就攪掂你,一個對碰,你得1分,我就4分,積小成多

soho,

所以阿爺同老美明年既經濟數據同政策好大影響股市

見佢地出手,可以跟炒

皇馬2-0

睇吓巴塞贏幾多

Persie
Persie 2011/10/16 00:15:49 回覆

Real Madrid vs Real Betis 

開波分12分鐘,good game

Persie
Persie 2011/10/15 23:55:53 回覆

浪子:何不暫停一下,看清楚再來!

soho*
soho* 2011/10/15 23:46:43 回覆

恒指由25000反覆跌落16000, 跌幅驚人, 但我認為不能以呢段跌幅來估算恒指再向下的幅度, 不要忘了低位會有無形之手干預跌勢, 淡友一向忌畏政策托市, 有乜風吹草動大舉平淡倉亦會減慢跌勢, 甚至作出大反彈, 另外長線投資者亦會候低吸納

就睇道指, 跌到落10600~10800就陸續見到唱好的聲音, 股神高調掃貨, 內地股市亦是一樣, 上証綜指 2400 就傳出中投入市掃內銀, 2300 匯金就真金白銀高調入貨, 我認為應計算人為干預的因素

現時普遍分析認為恒指單腳 16170 係企唔穩, 即係話會再插多一隻腳, 但有可能係一閃即逝, 急插急彈

歐盟正在制定一份債務危機的援救方案, 各國領導人將會在10月23日召開的峰會上完成該方案, 並會在11月3日至4日的20國集團會議上提交, 市場普遍對歐盟的救市方案感到樂觀, 過去一周全球股市作出大反彈, 扭轉早前的悲觀情緒

~~~~~~~~~~~~~~~~~~~~~

「佔領華爾街」示威活動全球響應, 暴徒趁機搞事, 似有惡化跡象, 意大利及英國情況特別嚴重, 我覺得全球經濟情況有可能差過上幾次, 不過明年是大選年, 各國領導人不敢怠慢, 必定會嚴陣以待, 絕不能讓情況惡化, 我覺得恒指的跌勢可以用個股黎舉例

中行由 $5 跌落 $2.5 不難, 經濟前景不妙當然無法接受高市盈率,
但中行由 $2.5 跌落 $1.5 就會舉步為艱, 因為已跌至合理水平,
再跌下去承接力就會湧現, 令跌勢放緩

同樣道理, 經濟前景佳才能接受較高市盈率, 恒指在20000樓上市盈率高, 當經濟逆轉, 跌起上黎幅度會好大, 加上市場資金緊絀, 大鱷要錢唔要貨, 恒指好輕易就插左落去16000

如今全球經濟放緩, 當然不能接受高市盈率, 但假如恒指插穿16000, 市盈率就會下降, 再跌下去承接力就會湧現, 令跌勢放緩, 而且恐慌性拋售導致股市跳崖式急挫, 股市跌至不合理水平, 呢個位通常不會停留太久, 當恐慌過後回復理性, 就會作出反彈

假如德.法推出可行的救市方案, 就會令全球股市喘定, 回顧過去幾日評級機構陸續將十多間銀行評級下調, 周五標普將西班牙評級調低, 如此利空消息市場都當冇到, 顯示好友仍主導大市, 周五跌市成交縮減屬好現象, 港股沽空佔成交總金額亦大幅縮減至 7.96%, 好耐未見過沽空跌穿8%, 見外圍股市全面造好, 好友當道, 連淡友偷食都係一日就閃, 不敢輕舉妄動

Persie
Persie 2011/10/15 23:41:40 回覆

--删除"有買貴, 無買錯"  

蕃茄,絕對同意!

曾幾何時我跟一班好友都是東尼信徒,2003年開始買匯控​​同宏利。我匯豐均價$116,到$150都沒有沽出,總之就一殼眼淚。家中許多長輩都是buy and hold的人,好可惜在我們這年代這招已不管用。如果有天我再無力股海浮沉,我都會轉身離去,在股海輸身家,會令人精神錯亂!

幪面馬仔
幪面馬仔 2011/10/15 23:41:37 回覆

cashin       好有前瞻性,讚.

Persie
Persie 2011/10/15 23:40:32 回覆

李聯廣 :如果用 Fringe 兩個宇宙的接觸去解釋,會否變得易接受得多?大家都不是鬼怪,只不過是兩個不同的世界。

Persie
Persie 2011/10/15 23:37:15 回覆

經濟周期轉差,會令股市的低位在明年上半年出現( 我估)  

歐豬連環被降級,雪球效應底下,問題會變得救無可救,終至歐豬連環爆煲,銀行倒閉,金融體系全面崩潰 (只是最壞打算)

大家覺得匯豐銀行這間銀行是否穩健?有沒有需要把在匯豐的錢存到阿爺的銀行?定係金融體系倒下之日,所有銀行都遭殃,錢放在哪兒都一樣灰飛煙滅?

Persie
Persie 2011/10/15 23:36:31 回覆

Batman有錢少爺仔,但少時父母雙亡,典型悲劇英雄。觀眾會相信,無論英雄如何成功,心內都不會得到真正的快樂,感覺上同英雄的距離拉近左。

賭神高俊每個愛人都慘死,都是用同一藍本。

Persie
Persie 2011/10/15 23:35:50 回覆

cashin以為利記或可擒曼聯,但結果都不可以。小豆證明自己完全值得簽新約加人工。  

曼城半力出戰,依然毫無難度的蹂躪維拉。

想起我的愛隊,滴汗 ….

2011/10/15 18:49:57 回覆

The Dark Knight係我最鍾意既batman 電影,官能刺激十足

soho,

我估計今次跌市,穿12,000既機會唔高,用PB計,HSI B宜家(最新)大約13,700,近20年熊市,港股最差係98年既1倍,03年1.2倍,09年1.1倍,咁大家估計今次會唔會仲差過上幾次?

又今次大跌市係响好超賣情況下反彈,咁就要睇下次大市再跌時,會唔會穿16,170,同埋時間性,09年3月見底係08年11月之後大約4個月,估計大市會係明年出多一隻腳,但係幾時就要大家留意阿爺同老美既經濟數據同政策

樂觀啲睇,隨時可能已經16,170係底,所以你話有時個底真係一閃即逝,係大量悲觀人士同止蝕盤做出黎

 

李聯廣
李聯廣 2011/10/15 11:05:03 回覆

這兩個故事有趣的地方是:原來「o個o的o野」都要去廁所o既,第二個故事更說明佢o地仲要用廁紙(係真正o既廁紙,唔係下面用果o的)!

Persie
Persie 2011/10/15 00:04:51 回覆

蕃茄:好恐怖的嗎?我竟然忘記左,等日光日白先重溫下先。

蕃茄
蕃茄 2011/10/14 23:30:50 回覆

廁所 + 廁所內洗手盆上面的那一塊鏡, 呢兩樣嘢都是恆久以來經常會出現在鬼故事的項目, 還記得" 異度凶間" 呢一套電影嗎? (哥哥張國榮最後主演的一套電影), 入面的廁所+鏡的情節, 真係諗番都有d打冷震.....講吓講吓, 睇怕今晚要飲多幾杯定驚酒至瞓得著..... {#icons_panda25}

Persie
Persie 2011/10/14 23:09:38 回覆

主席:我已經沽出所有基金,包括俄羅斯基金。都唔好玩,得個吉。

 

今個星期六有The Dark Knight,一部我深愛的電影,縱然只是一部commercial movie,但人物性格些得相當好,比如Two-Face,而小丑做得非常好。

 

Heath Ledger在斷背山亦有精彩演出。我希望所有父母都看一次斷背山,如果子女是同性戀要抱包容心態。 

Heath Ledger離世後我重看斷背山,份外覺得部電影好看,也份外覺得傷感。

慳妹
慳妹 2011/10/14 22:50:24 回覆

舅父仔:你供緊俄羅斯基金,幾時會去巡視業務? 我嘅領導剛去完旅行,呢隻餅乾好正、好香脆,見到買多啲返嚟做手信。

慳妹
慳妹 2011/10/14 22:43:50 回覆

明珠台正在重播驚慄片的其中一部經典作品《兇兆》。

Persie
Persie 2011/10/13 23:44:14 回覆

豪仔:哎呀,sorlisorli,你留返聽日先睇吖嘛!

soho*
soho* 2011/10/13 23:43:28 回覆

女廁係陰氣最重的地方, 個d野屬陰, 所以最鍾意係個度出沒咯! {#icono_30}

我都係覺得識叫佢個名最得人驚! 個d野識自己個名, 真係諗起都心寒!

Persie
Persie 2011/10/13 23:42:03 回覆

chanreborn:係啊,就是不知道她為何留在寫字樓,而不回家? 

馬仔:我覺得最匪夷所思係那「人」懂得叫我朋友的名字,好古怪!

soho*
soho* 2011/10/13 23:39:28 回覆

{#paopaobing_135.gif}  

阿媽! 又黎喇! 叔叔半夜三更講鬼故, 好得人驚呀! 豪豪唔敢去廁所! 要包尿片瞓覺呀!

chanreborn
chanreborn 2011/10/13 23:26:26 回覆

WOW Persie {#icono_8}..死後一個星期 , seventh day ?

幪面馬仔
幪面馬仔 2011/10/13 23:21:16 回覆

舅父仔

好可怕呀。我最怕一個人去寫字樓廁所的.

user

已關注

最新回應

幪面馬仔
幪面馬仔 2024/02/12

有緣人

{#iconb_282}

李聯廣
李聯廣 2024/02/12

恭喜發財!

有緣人也在此祝各位龍年行好運, 身體健康,萬事如意!

幪面馬仔
幪面馬仔 2024/02/11

{#iconb_210}

有緣看見的,

身體健康

幪面馬仔
幪面馬仔 2023/12/20

又到聖誕,又到聖誕

{#iconb_259}

來年大家,開開心心。