唐唐夫妻歎奶茶 落區順手拍拖買餸
2011/10/19 10:43:30
網誌分類:
生活
疑似特首參選人唐英年辭去政務司司長官職後,多了時間四圍同人傾偈。前天,唐唐與太太玩盡灣仔,一同往出名奶茶香滑的金鳳茶餐廳吃雞批、歎多士、飲奶茶,仲同伙記傾吓偈,了解一下民情。 唐唐嗜飲紅酒,公子形象深入民心,Kelly都估唔到原來佢亦有平民一面,私底下會到平民食肆「醫肚」。Kelly一名好朋友,周一下午就見到唐唐同太太現身灣仔金鳳茶餐廳食下午茶。Kelly朋友話見到唐唐同太太都好Nice,仲同侍應叔叔傾得好開心,又應市民要求拍照留念,大家笑逐顏開,閒話家常。 伙記讚無架子 之後Kelly問返老闆娘,原來當日唐唐同太太點了餐廳出名的雞批、多士同奶茶,老闆娘就話自己當時唔在場,唔知唐唐同伙記傾咗啲咩,但聽返伙記講,都話佢無乜架子,仲話支持佢做特首,祝佢成功咁話。 唐唐與太太歎完茶,又去買餸,包括買了咖哩香料和滷味回家,回家整幾味最開心。 KellyChu |
| |
|
回應
(0)
我要發表