名媛年花14萬養狗 夠食最靚安格斯扒
2011/10/20 08:43:41
網誌分類:
生活
| 恒豐太子爺與律師前妻對簿公堂，前妻曾昭穎要求五十五億天價贍養費，以維持離婚前的奢華生活，例如要求六億置業、每年五百萬「置裝費」、二百四十萬度假「旅費」、一百八十萬「飯錢」，衣食住行通通豪到盡，不過最令人難忘的，要數每年要求十四萬元的「養狗」錢，Kelly聽見都覺得羨慕，做狗好過做人。 Kelly八卦，問本地動物組織「貓朋狗友」的幹事陳慧敏，養狗如何要十四萬元一年呢？佢就話其實一般狗糧，最平的一百至二百元有三十磅，夠一隻中型大小的狗食一個月；較貴的就約五百元，再上要醫生配方的，就可能要過千，Kelly當食最貴那隻狗糧，要花千五元一個月，一年下來都只是萬八元，都只係食左曾昭穎要求金額的七分之一。 不過陳慧敏話，十四萬一年養狗，並非無可能，坦言「有錢唔會洗唔晒」，她亦聽過有人用幾千元一塊安格斯牛扒餵狗，Kelly真係無言以對。曾女早兩日又透露，個十四萬原來包括了倫敦聘請「看狗專員」開支，果然同狗唔同命！ KellyChu |
 | |
|
回應
(0)
我要發表