壹傳媒無息派 私人入不敷支 黎智英獻金錢從何來？
2011/10/24 08:43:57
網誌分類:
生活
| 壹傳媒集團主席黎智英政治獻金數簿曝光，令人驚訝之餘，咁啱遇着壹傳媒又發盈警，究竟肥佬黎大手筆曝光，錢又從何來呢？肥佬黎做嘢一向大手大腳，不惜工本，近年喺台灣搞電視同互聯網，不斷燒錢，最近壹傳媒就發盈警，話中期業績會見紅。證券界估計，兩個燒錢項目之餘，佢上個月又開始喺香港搞免費報紙，估計三個火頭今年隨時燒四、五億元，數字非常驚人。 肥佬黎上市公司係咁燒錢，平日使費又唔少，早前佢本私人數簿曝光，除了披露咗近年大手捐錢畀陳日君樞機同公民黨等政治組織外，仲有一份個人財務紀錄，顯示佢今年連捐款要使成億元，但預計收入只有七千幾萬，即係入不敷支二千幾萬元。 涉款2000幾萬 講到錢，Kelly班姊妹就最心水清，佢哋有人喺二千年科網股狂潮買咗壹傳媒股票，而家蝕到入肉之餘，派息仲少到唔恨，姊妹見到大股東咁派錢，又羡又妒之餘，仲奇怪點解佢咁疊水，可以不斷有錢畀政治獻金。 上市公司經常不派息，肥佬黎的私人數簿又顯示，佢手頭可以提供流動資金的財產好少，數來數去都係得外國的酒店仔，一年收入幾千萬，究竟點解佢家上市公司不斷有錢燒，私人又有捐不盡的政治獻金？Kelly姊妹都好想知道，仲話既然佢咁有辦法，點解又唔盡一個大股東責任，派吓息畀小股東使吓呢？ KellyChu |
 | |
|
回應
(0)
我要發表