奪命金 - 貪婪香港人的寫照
2011/10/24 11:32:24 網誌分類: 影視
尋日去睇奪命金, 又係杜其峰拿手好戲; 用佢最擅長既手法反映社會現實既一面,
每個角色都獨當一面 - 主角分別係:
一個包受壓力 ,被迫推銷好風險基金既銀行小職員,
佢既道德底線一步一步咁後退...最後得到一個意外横財,
道德底線完全崩潰了 、另一個搵幾皮野既好警察,
其實內心係好怕承擔經濟責任, 面對另一半要求買樓&收養既壓力,
內心只有無奈、最後係一個忠肝義膽既窮古惑仔,空有一份傻勁,
為大佬為兄弟奔波撲水, 唯一一個唔貪既人, 最後諷刺地得到最多錢...
但其他配角亦引人入勝: 其中一個看破世事既貪心放數阿叔,
雖然賺得最多, 但最後亦一命鳴乎~戲中最正就係佢0個句
"仲話D基金你地銀行會睇實, 咪又係睇住佢跌~~"
股友網友們, 誠意推介大家去睇喇!!
若果供的成本唔係太高,其實都係一個選項
但租金都一點也不平,而且貴。
咁要成家立室, 都要有個地方落腳架嘛, 唔通成世幫人供樓?
真係可悲...
最精彩的地方,明知成房奴,仍然很多人爭先恐後入場。
快D去睇啦~~正正! 係呀, 買完要供廿幾三十年…好慘/.\
呢套戲我都想睇。
買樓,對香港人,係很沉重的壓力。