煲粥
2011/11/02 17:13:26 網誌分類: 飲食
很久之前曾介紹過嚮水米，說它黏性重，口感好，且營養比一般白米高。可惜小妹不是經常在家造飯的人，所以一包米經過長時間放置，米的黏性減少了，口感便變得鬆散。要處理這些陳年舊米，可以考慮用來煲粥。
煲一鍋靚粥其實不容易，粥底一定要夠「綿」。個人覺得銅鑼灣「何洪記」的粥底做得最好！而上環或鯽魚涌的「生記」，粥品雖然聞名，但只勝在用料夠新鮮夠多而已，論粥底略嫌稀了一點。
到底煲靚粥有甚麼方法？小妹不是要教大家，而是想拋磚引玉，希望各位有心得的網友能互相分享一下。
飲食界朋友說，煲粥一定要溝米：３份油粘米、３份絲苗米和４份日本珍珠米。水滾之後落米，並下一茶匙生油，會令粥底更滑。先大火，後轉細火。煲至糊狀便完成。另外，煲粥最好用瓦鍋，因為火力夠均勻，不易起焦。但小妹要補充一句，瓦鍋一定要夠大，否則火猛時很容易會溢出來。
以前聽朋友說，煲粥放皮蛋會令粥底變得軟綿，又有人說可以放腐竹。但小妹兩種方法都試過，感覺一般。如要學專業人士煲粥，家裡又很難常備這三種米的。早前有位老人家教我，煲粥想煲得夠綿，可以在煲得差不多時候便熄火，讓它在鍋裡「焗」半個小時，然後再開大火，效果不但綿，還可節省燃料。似乎老人家的方法最簡易。
廣東人吃粥很講究，材料一定要夠新鮮，例如：肉類、內臟、海鮮等，但北方人吃粥，會喜歡用紅豆、綠豆或玉米之類的，健康指數較高。小妹以前看過一篇報導，說一個八十多歲的老婆婆的長壽秘訣，原來是每朝早用一片陳皮來煲粥，日日如是，結果幾十年來從沒病過。
吃粥其實是很不錯的選擇，特別是當你有病的時候，有人能煲粥給你，那該是最窩心的粥了。所以學懂煲住家靚粥同樣重要！
不知各位有沒有煲靚粥的心得？
多謝Jampig！
立冬啊，俗話說“白米養人，小米養胃”，所以消化力不強的人是可以吃小米的^^
P.S. 預祝你明天生日快樂
這是一部可以令觀眾在戲院里坐3小時都不覺得長的電影, 絕對是好戲！
今晚看了＜作死不離三兄弟＞，當中有笑有淚，真的非常精彩！
本年最佳電影，誠意推介！如果要打分，我給它一百分！
給星星！
煲粥是我碰不到的一個世界@@;
中環蛇王芬的蛇羹要八十五蚊一碗，個碗是茶樓裝白飯的碗，真係細得好緊要！因為太貴，唔捨得食。銅鑼灣蛇王二好似無咁貴，個碗好似大隻好多。下星期去食蛇王二算了。
大家知唔知邊處的蛇羹好味？
真係唔知道了。所以都係自己煲最好！
立冬: 不知道那間舖是否用米煲粥, 就算米水都應該冇咁差.
before 114，那些粥好多添加，食完好口乾架。
大臣哥，那是日本甚麼火山泥之類造的，非常堅硬，煲湯煲粥都好好！
扇子，靚陳皮好香架，吃落口帶甘的。早前有朋友以為買左些靚陳皮，送左一包俾我，結果俾我發覺包陳皮是俾煙薰過，顏色深左就用來扮陳年。你可以搣少少放落口，如果一食落去又苦又澀的，那就是不靚了。用來煲湯就浪費左鍋靚湯了。
念住系同我煲电话粥，原来煲靓粥。个煲唔错啵，紫砂啊？通风透气保温传热，嗯，识货！
我發現有一間賣粥的連鎖店很難食
Wongi，多謝！這是皮蛋瘦肉粥啊！
淺雪姐，用靚陳皮來煲粥真係好好架．平日我煲湯都一定放塊靚陳皮架．
Jampig，如你消化力弱，吃小米粥會否加重胃部負擔呢？要查清楚啊！
扇子，我聽過朋友說煲白粥會加些雞粉落去調味，真係千祈唔好學！
我都喜歡吃粥，但通常會煲小米粥，粗糧健康D。^^
食粥我都鍾意..
不過好難像那婆婆天天用陳皮煲粥.
都市人節奏緊張..
除非像Pancylam用真空煲.
照片,正啊!100分呢!
蛋哥可以考慮在上海開粥店啊！可能有得做喎。
Pancy用真空煲都係好方法啊！
在上海居住的一大憾事，就是未能尝到好吃的粥。
粘米和丝苗米不容易买到，外面的所谓港式茶餐厅的粥品也不够水准。
倒是今天在一家叫“烧鹅仔”的茶餐厅，吃的猪什粥水准奇高，都可以比得上香港的了，难得的是没有放味精，吃了以后几小时都不觉得口干。
我喜歡用真空煲.巧
方便·
平哥，我很久沒去過羅富記了，有機會都要去懷舊一下．
Cashin，我今個星期六去佐敦，可以去試下新興棧啊！
Winkjet，你太誇獎了，我其實是出得廳堂多過入得廚房架．
May姐，一言驚醒！可以用智能煲幫手！不過智能煲煲出來的粥不夠綿，如果再放入明火加工，效果會更加好呢．
fung key早晨！我病果陣都好想有人煲粥俾我食，可惜無呢！
心之，雖然工程大，但勝在無添加，吃了不會口乾呢．
如果得一個人食，煲粥就好大工程。＋１
立冬晚安
係㗎,有時生病冇胃口,食粥最好!
我也很喜愛喝粥，尤其是自家粥——乾淨好味；加上有“智能煲”幫手，放入所需的材料，不用看火，就能輕而易舉地喝到一碗好粥。+9
立冬果然入得廚房, 出得廳堂, 妳有否翻閱過往所寫有關 [食] 的網誌, 將來可編輯成圖文並茂的 [立冬食經] 呢!
+8
家母都是用平日煲飯的白米煲，加上佢既愛心，好正
佐敦白加士街間新興棧,佢都好出名,獨沽一味食魚,如果鍾意食魚既話,應該可以好滿足,仲有魚皮,都幾正 +7
何洪記我只食過佢雲吞麵,價格同味道不相符
中環羅富記的及第粥和炸鯪魚球也很有名。+*
Wongi真係好幸福！好羨慕你啊！
EE，你呢個方法真係第一次聽，我要試下至得啊！多謝分享！
送上美食星星！提到煲粥，家父最有本领呢！
家父只是用平日煲饭的白米来煮，火控制的很好，然后加上他的爱心和细心，美味的粥，就是这样弄好呢！
立冬：
我的「一家之煮」大人煲粥臨好時，會把大半碗原粒大燕片麥皮倒入去同煲，
我覺得效果都好好味