南生圍戶外寫生畢業作
2011/11/13 17:58:36 網誌分類: 戶外寫生及練習
由西鐵元朗站行過去, 搭部5蚊船仔(其實就咁過一條河仔之嘛, 航程極短...), 再行入d~ 再行入d~ 去到間食店, 老師決定包左個場黎畫畫, 訂金就係之後全部人大概15個都嚮果間食店食野~
呢幅畫我係有意令到遠景矇d既。不過遠景又真係求其左d囉... 隻船呢, 畫既時候我想起鯉魚門既石礦場同樣有個咁既形狀, 今次畫得好過上次。d貓貓狗狗係間食店既寵物, 隻狗成日周圍走, 同某d同學玩得好開心~ 但隻狗就嚇到我成日逃走啦。
我坐既位係好曬既。想拎支棕色油粉彩既時候... 咦? 溶左?? 溶到朱古力咁 =.=
總體上, 唔滿意d屋~ 就好似老師咁講, 塗左底色先會冇咁多「沙洞」, 但我個人又係急進, 畫錯左既中途又係好難改返, 係咪心態要改變呢?
今日好多同學畫油粉彩畫。佢地偏向畫d樹呀, 水呀, 山呀... 明知我自己唔想被比下去, 所以選左d「大人唔多畫既好多色彩既野」, 以童心作賣點。咁arm果兩隻貓狗成日走黎走去, 就放埋佢地落幅畫度... 個問題係隻狗變成透明狗lu。
我只係昨日先去過咋, 之前未去過
呵..南生圍..
好耐冇去過囉..
在你畫中可看到一二..