機會與把握
早幾天大廳有人說起貝沙灣與華富村。它們一天一地，有甚麼關係？
有的，大家去現場看看，貝沙灣的第六期，就在華富村比鄰，隔一條路。
有老外朋友認識盈大高層，2003年盈大高層向他推介貝沙灣。當年，地產業一片蕭條，新樓都乏人問津。當時當然沒有實樓看，但代理說這期的大單位戶戶向海，景色美得不得了。我駕車去看看個地盤，發現就在華富村不遠處，但當年推介的那一期就沒有那麼近華富村，而環境是相當清幽的。但我覺得條路好吾方便，會有塞車的麻煩。後來，盈大在域多利道開了一個示範單位，我就跟住老外朋友去看樓。
老外朋友一見就喜歡，扑鎚買了個高層相連尺單位。老外朋友的太太冰雪聰明，她同我講，連盈科同盈大的高層都買，可見他們是銳意發展這個盤的，看中不怕入返一間。我話，我邊有咁富貴買大單位，代理小姐馬上推介一個825尺單位，作價好像是$4.3m，還有折扣。她說這個單位設計好好，所以一樣有海景，間隔正方，會所設施完善。當年我的銀根頗為緊拙，雖然可以找人合夥，但亦覺得樓盤無雷公咁遠，如果入錯貨點算？老外朋友是富有人家，入錯了，只當是他其中一個投資，但我入錯了就是輸掉全副身家，所以最後我都是沒有買入單位。
世事總是如此，富者越富，貧者越貧。
老外朋友後來真的搬進去住。由於是相連單位，大廳非常闊大，但房間就不夠大，但他的主人套房就由兩間房打通而成，很是寬敞。另一個飯廳，他就裝修了一個酒吧，非常骨子。他家有個紅酒櫃，但由於有太多酒，所以會用會所的紅酒寄存服務，以保障紅酒會存放於最適合的溫度。老外朋友就最愛個大露台，可以看到日落。有次他請我去他家看日落，飲紅酒，但當日濕度好高，去到坐在露台，變了騰雲駕霧般，笑死。但夜景是乏善足陳，因為是漆黑一片，沒有任何燈光。
我也常聽到人說，嘩，同居屋/公屋咁近，個觀景一樣，不如住居屋/公屋啦。非也非也，豪宅的設施，電梯大堂和保安服務，又豈是居屋/公屋可比？
在樓市高峰期，同老外朋友相若的單位叫價$20k一尺，不過不知有否成交。我假設是$18k罷，他買入價$5k，賬面足足賺了 ($18k-$5k)X 3000 = $39M！那個的825尺的單位，假設買入價是$5000，假設在一$12k尺賣出 (其實不止，這估價偏向保守)，可賺 $5.7M。
就是如此，我錯過了翻身的良機。
筆者兩袖清風，就是認識了一些好朋友，往往得到他們帶挈，但能否把握，卻真是時也命也。
年輕時看大時代，見到方展博借運，心想，這怎麼可能，真是大話西遊。但年紀漸長，卻見到運氣真的會跟住某一些人。比如之前同cashin在此說過如何在賭場贏錢之說，我好同意他講，是要找一張連開幾舖大或細的檯去跟風。這亦意味莊家好弱，沒運氣，所以我們要去跟他對賭，打落水狗。過了一會而情況又持續的話，這張檯多數會轉莊。我有時都會選一個好黑，舖舖都輸的人，偷偷地同他對賭。我還會找一張旋大輪盤的檯，它只開幾個公仔，比如是麻雀牌中的一隻一索 (1-1)，東 (1-3)，花 (1-5)，八索 (1-8)，發財 (1-20)，一錠金 (1-45)，一塊玉 (1-45)。1-1賠率的麻雀牌開出的百份率是50%。以往當我見它開出一隻非1-1賠率的牌，下一鋪大都開返隻1-1賠率的牌，成功率非常高。不過上次去澳們，竟然連此檯都不停開非1-1賠率的牌。連在這張檯都贏不到錢，亦即係我當天運氣極差，可以打道回府了。老外朋友神高神大，肥肥躉躉，經常臉帶笑容，活像個笑佛。跟他，就真係跟著財神借到運了。
究竟運氣是否會跟住有準備的人，或強勢的人？如何可以令自己有運氣，或如何可找有運氣的人跟風而不搭沉船？我還在思考。
現在就要好好儲錢，靜候另一個買入心水樓盤的機會。大家有沒有dream house?想退休之後住哪裡呢？我跟配偶的心水是海怡半島或天后柏景台。要努力搵錢呢！
Tips: 退休間屋，可以跟配偶雙方一齊儲錢買，可加快達到目的！
主席：我每年去工展會都會買好多嘢的。
chanreborn： also the rice bird 禾花雀！
舅父仔：我朋友喺工展會買咗有機西梅，100 蚊三包，佢話好好食；唔該幫我買一百幾十包，放喺出口左邊第三條燈柱，我半夜會去攞。
chairman : yes..
I plan to go to Zhongshan sometime next year to meet my friend who has retired already and now living there.. ZS is a good city and missing the youth pigeon..
馬仔：花青素，護眼的。都有抗氧化作用，可以美容。
Bilberry丸？？有咩用，食咗會唔會靚D？
孖里孖里空，明天同我升....heehee
我未行，但會行的，我要買Bilberry丸。
舅父仔： 今年行咗工展會未？
chanreborn: Financial Secretary? You mean John Tsang?
Yeah, I also recall the scene that cars, buses, lorries lined in front of the tollbooth when I go to Zhongshan through Humen bridge last year. 50 years ago bicycles, 30 years ago motorbikes, nowadays vehicles....... We all deserve the traffic congestion along with the exra ordinary development of the country.
hi Chairman : Taishan's trip is fine but if possible to stay 2 nights then it's much better as we will have more time to try their hotspring ..
We took a bus from LoHu station to Taishan but it's only one bus per hour and also the traffic was congested when passing through the highway of HuMen (tiger door) .. it took 3.5 hours which is much longer than we expected..Next time we better go via ferry from TST to Jiu Zhou port and then take a bus to taishan or nearby hotspring..at least it's more comfortable.
Fyg our Financial Secretary is Taishanese as well..
LAIN：我是否記錯，你不是月前已搬屋嗎？ 無論如何祝好，安居然後樂業。
chanreborn：過去兩日香港天氣很好，你和小蜜蜂 (台山) Taishan 之旅好玩嗎？
市場充斥著避險情緒, 就算有利好消息, 買盤亦不見活躍, 每日成交只得400餘億左右, 但近日在多個利淡消息下, 有心人仍能力撐在18000邊, 是因為基金年結嗎? 抑或是期指轉倉呢? 是阿爺救市傳聞的幫助嗎? 不過12月份港股正以500點的幅度一級級向下陰陰跌, 今個月入市的股民大多受綁.
12月份已經過左13個交易日, 恒指在19000邊磨左6日, 跟住跌低一級, 在18500邊磨左4日, 跟住又跌低一級, 在18000邊磨左3日, 踏入新年倒數階段, 2011年港股尚餘7個交易日, 12月份恒指轉倉價值區在18061, 大鱷是否想力撐在價值區附近收爐埋數呢?
舅父仔, Medium 全劇完結, 有一點點失落, 我都估唔到編導整個咁既結局出黎, 男女主角都歸天, 真真正正的大結局, 冇彎轉喇! Joe 先走一步, 在天國等左 Allison 足足41年才能重聚, 好浪漫, 印象中我睇電視劇未見過男女主角齊齊魂歸天國, 總會留番條尾巴拍續集, 今次做得好絕
我今日又掛番 $17.35 煤氣買盤, 低得滯入唔到, 我明白煤氣並不適合短炒, 但係我貪佢夠穩陣, 又冇乜新聞, 兩手持貨一晚執 $880, 扣除手續費 $250, 凈賺$630, 我收貨喇! 港股市靜好難大賺, 持貨時間愈短風險愈低, 我寧願即食, 目標日賺一千個大洋
花姐, 老來從子, 如果個仔係Persie或者係肥仔就從得過, 有本心.有孝心.有愛心, 如果好似婆婆既細仔就真係死得.
LAIN, 待一切安頓好及身體康復後記得回歸大本營呀! 等著你回來!
噢！ 舅父仔：嚟緊聖誕咁多節目，小 B 要快快好番，如果唔係就冇街街去啦。
昨晚幾場波都很巧合，4:0、2:0、1:0；負方全部捧蛋。
soho今日陪婆婆睇醫生,佢咳左有一星期,但掛住做生意唔肯睇病而且有陰影,
昔日去澳洲湊孫睇 了庸醫,回港眼朦耳聾,從此只要輕病自己買成藥食,
終於咳到痴肺才找我陪她看病,其實她有子女在港,但溝通不好,常認為子女謀取
她的錢財,同住的細仔三十四歲仍花弗不肯結婚,欠人錢又要阿媽還,
去到醫生那裡,一檢查血壓178血糖21.5,真係唔講得笑,醫生寫信轉介入博愛作詳細檢查,於是她自己去醫院再致電女兒去醫院會合,
因肥仔今日放假車我買菜,所以只有讓婆婆獨自去醫院,希望沒大問題,
好快返家過冬至!
人老了真係好煩,婆婆的老伴也都走了,靠子女照顧要賭命水了。
LAIN在此祝你足傷早日痊癒
聖誕節派對跳唔停腳
聖誕快樂!
Soho: 你好, 謝謝你. 傷腳仍未好晒, 加上月底便要搬屋, 所以將不會上網一段時間,
在此, 祝你和Persie及各位冬至及聖誕快樂.
祝好!
搞到無晒心機添。以下三仗對 Villa, Wolves, QPR事必要全取九分。
RVP的2011入球紀錄，只是虛銜，贏波才最重要。
soho：煤氣短炒無肉食。
主席：我覺得賭波公司開的盤路是好有啟示性的。不要只看馬會，可上英國popular的賭波網eg Betfair看看。我今日當然希望阿仙奴贏，但我知道他們贏面好細。如果他們和波我已經好高興。
個聚會我未必會去，其實會好悶，話不投機半句多。
I think we tried hard, but to be honest Man City had numerous chances to widen the gap, incl Zabeleta’s shot hitting the post.
We could perhaps claim that Richards commited a handball in the box and he did, (Lescott did it last week but that was a more obvious handball) but I would not just put the focus on that incident.
上半場可咬住輸一球，是完成部署。臨完場華美倫接應角球射門見心思，亦射得好，只是稍欠角度，而Joe Hart亦救得好好。RVP有球快射Hart亦救得有水準。我不認為Arshavin可以幫到些什麼，等於我不覺得Chamakh, Rosicky同 Djourou可幫到我們什麼。我仍希望見到Walcott and Chamberlain雙翼齊飛。
我覺得今仗落敗是無話可說。
熱刺在歐壩出局是聰明之舉，但他們一樣有兵力不夠的情形。Gareth Bale受傷，就沒人接得上。我始終好欣賞Pavlyuchenko，希望他可令覓去處。
巴塞就提供了一場極具欣賞價值的球賽。
Villareal反勝為敗，唉，衰到貼地。
主席：小B病倒了。他上週出敏感，好似風癩一般，抓到損晒，返學發脾氣，老師又叫阿妹去接他走。今日更加傷風流鼻水。小B的皮膚敏感似足阿妹。阿妹細個有哮喘，但願小B不要似她。
花姐：開心就好，我覺得在澳門贏錢不易。
剛回家, 累屎了! 下次要派人上京匯報, 唔再親自出馬喇!
我去左巡視國內一間小食店, 冇靚裝修, 但地方乾凈企理, 價錢實惠, 食物水準不錯, 早餐不做, 只做午至晚市, 生意奇佳, 睇下盤數, 純利竟然高達40%, 每月凈賺六位數字, 賺到笑, 嚇屎我
舅父仔, 周五朝早我掛$17.84 出煤氣, 下午見港股急升, 想取消沽盤改掛高D, 但係已經俾人掃左去, 一夜情執 $0.44, 只係夠交會費, 搵黎搞, 但總算成功套現, 近排公用股走勢好古怪, 令我摸不著頭腦
原來花姐過左澳門巡視業務, 過大海都搵到食, 好犀利!
PERSIE,今日肥仔引我去澳門,不管羸輸我負責晚飯',
是鬼蛋,因較晚出發回程船飛好緊張於是預訂較穩陣
我選了金沙作戰場,玩了十分鐘肥仔已匯報輸1000
我叫他不要再賭,然後繼續自己角子機遊戲,
不久他氣沖沖跑來說賺番,扣取輸1000仍有3000,
我叫他不要再玩留作晚餐錢,我這次輸少左,本賺了又玩埋了事,
開心就好!
kick Off NOW ! Arsenal come on !!!
舅父仔：對各位阿迷來說，今晚是一場硬仗，對嗎？
這兩日天氣咁好，小 B 有乜戶外活動？
舊同學聚會邀請老師出席，個個都大人大姐，就當認識一位新朋友，放輕鬆啲，唔好咁拘謹。
蕃茄：我都希望啊，Gunners Go Go Go！
日本隊互射碼輸左Qatar Al-Sadd隊添！跟住有歐洲Barca對美洲Santos。看看雲加心儀的尼瑪！
Persie,Chanreborn,
如果說上次作客贏車仔 5:3是奇蹟, 可能有點淡化了阿仙奴球員場上的決心和表現,
而奇蹟很小會在兩個月內出現兩次, 今晚憑我們的決心和鬥志可否再拚出一次 4.8倍的 ? 令我的人生中再有多一次美好的回憶?
GO ! 阿仙奴 Go! Go! GO!
謠言滿天飛：
曼城天價周薪誘尹佩斯過檔
尹佩斯目前合約將在18個月後到期，他在阿仙奴的周薪只有區區8萬鎊，曼城方面表示，願為尹佩斯開出一份周薪20萬鎊的4年合約。
http://www.thesun.co.uk/sol/homepage/sport/football/4004366/Man-City-line-up-30m-Van-Persie-raid.html
從曼城對曼聯，利記和車仔三場波總結，今晚縱然先失，也不可失多於兩球被拋離，否則我們想追貼反而會被曼城counter attack再拋離。如果只失一球，令戰情膠著反而有利板平甚至反勝。
不過，如果相信賭波公司的操盤手，我們今仗難有勝機！
chanreborn，蕃茄：Chelsea ｄ ｒｏｐped two points last night vs Wigan due to a late defensive error (well, actually its Cech’s blunder again). They only opened the score at 57 mins, and Terry looked to have picked up a knee injury at the latter part of the game although he managed to continue.
We only had 1/7 chance to draw AC Milan, and I’d really wish to avoid them, but we drew them … and not Lyon or Zenit or any other, xyzx@*. So fate brought us together again since 2008. Please recall Cesc Fabregas long range 30 yard shot at San Siro in 2008. Once again, we are flying to Milan!
I missed the Real vs Sevilla game this morning, too tired! Big win for Real again but both teams reduced to 10 men.
Tonight will be a long night, from 6:30pm to 2am ….
聖誕節萬眾歡騰，個個商場裝飾得鬼咁靚，個個禮拜d商場食肆都爆滿，但點解我毫無動力？好記得大學時代好期待聖誕夜，同朋友一齊去街逼下好有氣氛。有個朋友住舊樓，連天台，最鍾意去打躉，燒野食，飲啤酒。好多年中秋都在那兒過的，不過他已經移民，我又唔上fb，好少聯絡。人老左，好似忘懷了甚麼是歡樂。
其實都arrange了好多項目，好多謝小B的嬸嬸同姨媽愛錫小B，已安排好帶他去赤柱玩，book 好場又交埋訂金食飯，又幫我買埋禮物，我參與 (driver) 就可以了。
我就book好左酒店package，自助餐，蛋糕，禮物，雖然只是local慶祝但也是小小心意。
又有同學從外地回港，會聚舊但佢地又叫埋老師，都唔知點解這樣安排，好生外，週身唔聚財。
soho，李聯廣：其實我都沒有等12000，我都有買入，但價位不好，就要等下，不想買入過多。Friday我沽出左#6，因為入的位不好，改為淘金，買入黃金 ETF #2840 at $1,196。隻 #2弱過藥煲，焗住等多陣。
我想入中石油呢！不過set左但入唔到就算。
我依舊每天都會入BOC看人民幣兌換價。波幅相當細，我都沒有買入。
跌到12,000點？我又不會睇得咁淡。相信除非歐洲真係繼續好大鑊，否則今年既低位唔係咁容易穿，見16,000點既可能性就幾大。同意soho既講法，唔使諗咁遠，跌穿17,000點至算。
今年埋單雖然唔使輸，不過大部分利潤這一季嘔番晒出黎！真係止賺太遲，又上了一課。輸得多學識止蝕，希望今次可以學識埋止賺吧！
花姐, 今日尾市爆上的真正原因係 soho 入市干預
一d都唔辛苦, 呢d係我既工作, 偷偷地話過你知, 其實我係阿爺既打手, 昨晚已透露玄機話要對阿爺有信心, 出手撐市係遲早既事, 剛結束的中央工作會議定調明年經濟要平穩較快發展, 維穩就是不能出亂子, 中國股市絕不能無止境地下瀉, 在適當時機就會出手護盤, 歐債問題仍嚴峻, 中國貨幣政策將會根據經濟運行情況, 適時適度進行預調微調
奉勸各位散戶, 傳言不能盡信, 任何干預只能起一時刺激作用, 並不能改變大方向, 資金流走.股市缺水才是中港股市的致命傷, 托市消息傳出後, 今日港股尾市先沖高, 臨收市卻急回, 收窄了約百點升幅, 不少股分升幅大大收窄, 期貨收低水, 沽空增加, 如果大鱷想下周一挾淡抽升, 就唔會咁樣部署, 大鱷亦要顧慮歐美股市今晚的表現, 美匯強.歐元弱對股市做成一定壓力, 切勿過份樂觀
好忙呀! 明天我要返國內向阿爺匯報 kakaka
SOHO辛苦你了,為我們詳盡分析今日尾市爆上的因由!
好多人諗大跌就係講終極低位, 我唔諗咁遠咖! 費事自己嚇自己, 因為都唔知呢個位何年何月何日才出現, 成日諗住12000點會窒礙我的買賣意欲, 我係諗每月上下波幅, 就好似我估今個月底部在17500, 我就係睇住呢個位黎部署買賣策略, 今日港股急彈, 我騰來騰去又買又賣真係好唔得閒
至於一月底部係邊樹? 現時無法估計, 因為我係用30/12的收市位來推算上下波幅, 每月通常有2000~4000點波幅, 就算大跌都唔會超越呢個點數, 因為今年最衰的股災月都係大約4000點波幅
本周壞消息一大籮, 但係恒指卻連續6日收市守住18000, 全靠今日一彈收復部份失地, 單計今個星期只係跌左300點, 究竟邊個托住? 是敵是友?
~~~~~~~~~~~~~~~~~~~~~~~
人民幣匯價強弱對中港股市起關鍵作用, 今日人民幣匯價有異動, 一洗頹風, 扭轉12日跌勢, 大幅走升, 沖向6.3294元的2005年匯改新高, 市傳有幾家中資大行積極沽出美元, 未知是否阿爺出手打壓近期不斷做空人民幣的淡友
今日阿爺個場好生性, 唔知有冇無形之手呢? 全靠阿爺, 港股結束六日跌勢
深證 B 股指數全日收市大漲2.54%
上證 B 股指數全日收市飆3.58%
深證成指重返9000點關 全日收市漲2.38%
上證綜指重上2200點關 全日收市漲2.02%
~~~~~~~~~~~~~~~~~~~~~~~
做乜今日中港股市彈得咁高興? 淡友收斂? 原來有一大堆利好的傳聞:
~ 市傳人行下周再降存款準備金率
~ 市傳社保基金趁低入市吸納
~ 傳聞匯金將會自下周19日起, 增持四大銀行二級市場流通股, 上次匯金托市是在10月10日
~ 內地官方媒體新華社發表文章呼籲救市
~ 中證監主席郭樹清鼓勵4萬億元人民幣養老保險金和住房公積金投資股市
~ 人民幣兌美元在早盤曾創2005年匯改以來新高, 扭轉連續12日跌勢, 收市飆升251點子, 市傳人行干預匯市, 推高人民幣, 以改變市場對人民幣貶值的預期
// 現時普遍分析都認為撐完12月, 一月就會大跌 //
正如大家看12000，它就偏偏不跌落12000 (仲要得16170，爭得遠)；現在分析員看一月大跌，它又會不會大跌呢？或者又會跌落12000嗎？不過我看終有一次狼來了，會跌落12000的。
只看拍攝手法，天與地也有值得觀賞之處。雪山一段的表達就較為遜色，不如不拍出來，然後任由觀眾去想像。同埋18年沒見的人，不會變得如此熱情。阿Yan又怎會招呼朋友的女兒回家住，實在大違她本性。她明明鍾意晚晚one night stand。
chanreborn：Villa is not a decisive player in Barcelona’s team. He might be more important in the Spanish team as Torres is still not able to re-gain his form.
Holland is in a really difficult team in Euro 2012 with Germany, Denmark and Portugal.
Tottenham “tried their best” and made a big win tonight but still could not advance in the UEFA Cup. I believe this is what Rednapp wants and he has been trying to avoid his team to go to the next stage. Now he can focus on the domestic league.
Hi Persie , basically I don't think this World Club Cup is so important but those clubs just need to give face to FIFA to participate , of course the big prize money is another bright point. Is Villa's injury an indication for Barcelona's fate for CL 2012 or Spain's fate for Euro 2012 ?
Chairman , this saturday we will go to Taishan to visit her ex-classmate and then back to SZ on sunday .. Hope the weather will not be too cold..
Soho , in short , that's what we call "Guanxi"關係 in China...no more and no less..
我好耐無追過劇, 好似自從彊屍之後, 不過都有錄天與地,
近年演員演技真差, 比我對住D客的戲更差,
睇呢套, 雖然無覺得邊個特別出色, 但劇情及人性都有可追之處.
我左膝都有3%永久性傷殘, 不過未嚴重到做手術,
醫生都有開VOCARXIL 俾我食下, 等無咁卡卡聲, 不過對腸胃有損,
不可連續食超過3個月.
// little bee's brother's friend's sister whose colleague //
小蜜蜂的哥哥的朋友的姐姐既同事, 嘩))) 睇完一舊雲, 好複雜! 要畫幅腦圖才明白
~~~~~~~~~~~~~~~~~~~
想當日人民幣愈升愈有, 港股就跟住升到彭彭升, 世事如棋, 風水輪流轉, 如今人民幣日日觸及跌停水平, 港股就日日跌個不停
10蚊雞既A50又俾我地見番, 真係估佢唔到! 我要財息兼收, 努力加油呀! 內地股市愈跌愈有, 外資走鬼走得好急, 我估阿爺唔出手係見跌勢太急, 驚托都托唔住, 想睇定d才行動, 今日中證監都出口術話建議養老金公積金投資內地股市, 佢地真係度緊橋咖! 阿爺不是口口聲聲話要維穩的嗎? 我仍有信心
好彩我冇抽周大福/新華保險, 一上市就潛水, 唔通抽新股等同掉錢落大海? 想當年抽ipo同埋上板當日氣氛熱熾, 好好玩, 好似中獎, 如今......
淡友當道, 現時恒指已連跌6天, 今日收低水67點, 恒指10天線剛跌穿50天線, 出現死亡交叉, 但剛出交叉應有一彈, 國指連續6日比恒指弱, 沽空亦大幅增加, 上次千點升幅剛好嘔番晒出黎, 真係無福消受, 今日共有33隻牛證遭強制收回, 明天內地及美股期指結算
由今年6月起統計, 以收市升跌來看, 恒指只有6月初試過一次七連跌, 八月初試過一次六連跌, 雖然港股跌勢未止, 但以過去半年跌勢記錄計, 顯示港股七連跌機會不大, 快將出現死貓彈, 但係唔係一彈即散我就唔識睇喇! 希望阿爺止跌企定定當幫忙, 如果仍彈唔起, 就等我衝入去托市.
今日下午受內地股市大瀉拖累, 恒指插穿上午底部見17895, 但國指就冇穿底, 係好現象, 今日港股雖然一跌到尾, 各個板塊跌幅都擴大, 但係權重的地產板塊收市的跌幅卻收窄
近排連最具防守力的公用股都跌到一仆一碌, 真係弱得好奇怪, 撐市功神中移都俾大鱷狂沽, 但資金並未有轉入其他板塊, 似係套現唔係換馬, 港股跌幅好全面, 下周四係冬至轉節氣, 剛好是期指開始轉倉, 希望未來幾日完成尋底行動, 冬至後造番好d, 現時普遍分析都認為撐完12月, 一月就會大跌
chanreborn：我知道資源類股份同金屬跌緊，但我想逐少逐少收集。金價跌破USD1600一注，跌破USD1500又加一兩注，餘此類推。
星期二見到一些朋友，大家總結一年的投資。在座竟有兩位蝕左四十幾萬。我以為自己冇乜蝕，但回家計下都有十萬，冇眼睇。是否應該離開股票市場呢？可能都是。現在可能只是捨不得離開賭場而已，唉。
巴塞今晚慘勝。雖然贏波但David Villa斷腳 (fracture)，要休息六個月。雖然Villa對巴塞的貢獻委實不算多，但為了一場這樣的比賽是不值得。Al-Sadd好辣，除左對美斯比較俾面，其他Sanchez換入再換出，Puyol, Mascherano同新仔Cuenca無不被不必要的重踢。我覺得這樣是缺乏體育精神。
總決賽 Barca vs Santos，戲碼正常。
我估唔到The Medium編劇會整個這樣的結局給Joe Dubois。套劇是完完全全的完結了。不經不覺看了六年，戲中的小妹妹變左少女。時光飛逝！
主席：講真我都唔知，我暫時當佢好返晒，但其實醫生都未知，因為屈膝時在膝頭外側聽到啪啪聲。係咪好得人驚？佢這個傷患太過久遠，是無法真正痊癒。
舅父仔：美人魚好番晒未啊？
香港的電視觀眾習慣咗婆婆媽媽劇情，近年所有劇集離不開爭產、爭風吃醋，只係時代背景不同而已。 天與地這種另類題材，一般家庭觀眾未必受落，電視台願意開拍都算係有誠意啦。
chanreborn：希望你們可以如期出發，在澳門歡渡冬節。 冬大過年，這是你和小蜜蜂婚後的第一個冬節呢。