香港人、內地人

前兩日同d畫畫老師同同學去左布吉既油畫村, 自己鑽返出黎時, 猛咁搵路去地鐵既大芬站, 因為本來係搭小巴去既。

一個女仔拎住好多畫具, 走呀, 走呀... 見到商鋪, 就問下d呀姐地鐵站點去... 再行到一座商場, 問洗手間嚮邊度。行返出黎, 又行左若干分鐘, 怕行錯, 又問d呀姐... 其實內地人可以用友善黎形容, 只要搵arm個樣唔使壞人或者衰人既呀姐, 佢地都好樂意答妳架(當然要用可以聽到既普通話同佢地講野la!)~

去到地鐵站, 我唔係咁識用部車票機。入左張好殘既人民幣5蚊落去, 部機彈返出黎, 我唯有入十蚊果張, 終於買到。部機找返d錢俾我, 我拎少左一個, 後面個女仔提我呀! 真係好好人架! 點解三唔識七都咁好既? 而且... 我唔識用部機其實都用左超過1分鐘, 如果發生嚮香港, 早就俾人話阻住晒, 但內地人冇話我, 可能香港人太過分秒必爭, 令到自己面目可憎。

更奇怪、更令人感動就係, 我拎住部(自己覺得)好重既手推車, 裏面係畫具, 搵唔到升降機, 自己抬落樓梯, 後面有兩名女子幫我一齊抬落去, 分文不收 ^0^ 佢地真係好好。

一竹篙真係唔可以打一船人。佢地同我嚮港鐵見到既內地人好似好唔同... 定係我一早就戴左有色眼鏡? 定係佢地識好客之道而我地香港人反而唔識? 我地對佢地咁冷漠、有時仲會歧視, 而佢地某d卻係咁好人...

當然, 返到香港又見返嚮香港會見到既野。有三個女人雞啄唔斷講野, 大大聲, 地下又放晒佢地d戰利品, 阻住通道... 而我每日都見好多行李箱同大包細包既野阻塞通道...

體諒- 係我要學既兩個字。

最有趣既畫面, 仍然係拎住高過我既2米咁高既油畫布卷(1.5米闊)搭深圳地鐵... 有兩個乘客以為呢支係地鐵扶手黎架! 我笑, 但我笑既係自己, 佢地亦都笑, 笑呢件趣事咁好笑, 亦笑佢地捉住左呢個「扶手」。每個人有不同既需要, 我需要買油畫布, 所以有呢件事發生; 內地人需要黎香港買野, 所以有地下咁多野既事發生。深圳地鐵既職員同我講過左1.5米既野唔可以拎上地鐵, 但亦好通容, 俾我上冇咁多人既果卡; 乘客亦都冇話我衰, 只係好奇望下。可能卷油畫布唔係咁阻定, 我亦好小心拎住, 唔俾卷油畫布整到人。

以後又會見到咩趣事呢?