Ringoli
Ringoli
Ringoli

有限預算下做SEO - 選擇關鍵字篇

2011/12/19 14:51:31 網誌分類: SEO
19 Dec

 

Cheap SEO service我明白,唔係個個人都有幾萬蚊俾SEO公司幫你搞網頁,仲要唔知幾時收到成效,唔知點量化SEO 公司有冇做野,所以今次倒下自己米,你也可以自己做SEO的。

今次唔講太多廢話,先講基本原理,上網的人大概可分為3類,

  1. 冇目的,只為娛樂或資訊,純粹有時間周圍逛逛的人,無諗過攞銀包出來
  2. 大概知道自己想揾什麼東西或產品,但係想要更多資訊去判斷自己是否真的需要產品,銀包打開了
  3. 已經知道自己要什麼東西,正在找尋用家意見或比較價錢,或比較不同品牌的產品,銀包內的信用卡正跌出來,要你幫手擦一擦卡

他們上網所用的關鍵字或語言好明顯係完全唔同,為了令大家印像深一點,今次用聖誕做主題(以下只是假設,請用關鍵字工具小心查詢)

第1類人:冇目的,只為娛樂或資訊,純粹有時間周圍逛逛的人

可能用到的搜尋字眼: 聖誕節,聖誕節活動,聖誕Party

第2類人:大概知道自己想揾什麼東西或產品,但係想要更多資訊去判斷自己是否真的需要產品

可能用到的搜尋字眼:聖誕節禮物,聖誕節禮物Idea,聖誕內衣褲,Samsung Galaxy Note

第3類人:已經知道自己要什麼東西,正在找尋用家意見或比較價錢,或比較不同品牌的產品

可能用到的搜尋字眼:平價聖誕內衣褲,男人內褲,Samsung Galaxy Note 評價,揾人搞聖誕Party

在有限Budget下,如何取捨呢? 再看一看以上3類人在網上的分佈:

做SEO講得白一點,都係同時間及錢有關,

最理想的當然係越多瀏覽越好,所以好多人第一直覺都會做第1類人,但係問題是有太多唔係太聰明的人同你爭了,有多少同你爭呢?

第1個關鍵字:聖誕節 (唔係好多,少少地2千幾萬個)

第2個關鍵字:聖誕節禮物 (少左D,4百幾萬個)

第3個關鍵字:平價聖誕內衣褲 (得番1百幾萬個)

當然,第1類人都有可能會買野,但如果你做SEO的話,你需要好多好多時間,才可能去到一個較好的排名。雖然話堅持努力一定會成功,但係若太久沒結果,好容易灰的。

若你才剛開始你的SEO工作,不妨先做一些買家關鍵字,

以下係一些外國人會用到的,你的訪客大多會為第2至3類,信用卡已經從銀包走了出來

用番Underwear做例子,就會變成

Order Underwear Online, buy cheap underwear, underwear for men, best underwear, recommended underwear for children

有左以上關鍵字組合,是還未完的,你還需要用Google Keyword Tool 睇下有冇人用你的關鍵字做搜尋

記住要選擇Exact,呢個先係瀏覽者在Google 打的搜尋字眼

提一提,你看到的"Competition"並唔係講緊你有幾個SEO對手,

呢個Competition係講如果你俾錢Google Adwords落廣告,因為Google adwords 係用競價模式,亦即俾錢越多,廣告排名越高!

有時可能你未必會諗到訪客仲有什麼關鍵字,你可以試試以下免費工具,這個工具從各大搜尋引擎拉下資料,你可以看到更多跟你關鍵字相關的詞句或組合,不妨試用,小弟一向用的是Micro Niche Finder

強調一次,選對關鍵字可以說是整個SEO的核心,寧願多花幾小時睇真D,好過之後瘋狂做Backlinks

今次呢篇先講到呢度,下一篇為:有限預算下做SEO - On Page SEO (請多多支持)

另有讀者問點解唔寫下Google + ,原因係就算看了多本ebook或report,我仲未揾到一個好好利用的方法,都係個句,我只寫自己識的,所以暫時沒有這樣的能力。

 

回應 (0)
我要發表
user