我們的回憶2012 - D & G事件
2012/01/10 15:27:46 網誌分類: 生活
"名利與擁有的鬥爭 愚昧與偏見的爭鬥" -
聽到D&G既新聞, 我腦海立即想起呢兩句歌詞, 到底係外藉保安員既諗法, 還是D & G 既公司政策? "香港人不能拍照, 內地客可以" 這是什麼邏輯? 難怪熱血的港人又一次憤怒了~
上星期六去獅子山BBQ, 點知7成燒烤爐俾外藉傭工佔用了, 香港納稅人俾錢起既設備, 被外藉傭工佔用了, 我地接受, 我地並無一個保安員企出黎同D外藉傭工講 "外藉傭工唔可以係呢度BBQ, 香港人就可以"
內地孕婦衝急症來港產子, 令醫院工作壓力加重, 本港既準媽為一個床位奔波勞碌, 我地亦接受了, 我地並無一個保安員企出黎同內地孕婦講"內地產婦唔可以係度生, 本港孕婦至可以"
今日, 係條街影下相留念, 居然出現一個保安員同我地講"香港人不能拍照, 內地客就可以" 唔影得既唔好學人整櫥窗嘛, 一塊黑布遮住咪無人影囉, 係條街影相都要佢地批准? 個個好似D&G咁, 影一張維港夜景, 咪要問對面海幾百幢商廈既業主俾唔俾?
真係估唔到, 尋日睇到有報導話發哥前排同D龍友去置地影電車, 都俾D"食蕉"趕, 話佢地影到置地喎…真係過份! 但發哥真係發哥, 好好脾氣咁同D 龍友講"我地都係走啦, 人地都係打份工 無謂要人難做" 呢下真心服左發哥
真係想揾李小龍來踢爆D&G窗口
你的比喻講得好好.
咪要問對面海幾百幢商廈既業主俾唔俾/kakaka
人生比戲更似戲~
戲如人生嘛~
我以為呢類事件,只會發生係電視劇度