不可不知的事實

大巿係上年低見16000左右已經見底了, 巿場上仲充斥著歐債危機, 歐洲成員國被降級等消息, 但點解大巿靜俏俏咁上返19600呢?

短 短幾年間, 環球金融海嘯, 美國經濟衰退, 中央收緊信貸, 歐債危機, 歐美齊降信貨評級…就好比一個天秤, 加了一塊又一塊既鉛, 但到左2012呢一刻, 我地仲要驚D乜野?樓巿爆破? 唔會, 因為政府仲有好野做可以托返起個巿…內地中小企倒閉潮? 影響唔大, 社會本來就係汰弱留強, 反而有助高質素既企業併購發展…美國雙底衰退? 唔會, 今年係總統大選, 應該係適當既時候有刺激既措施出台, 加上最近既經濟數據都顯示美國經濟正在緩慢復甦, 所以風險唔大…剩底既就只有歐債問題, 但呢樣係我地意料之內既事, 所以基本上我地無野怕~除非大陸要打仗, 否則今年重上22000或更高一D都唔難, 係時候吸納高息、盈利穩健既股票了

好多投資者鍾意 跟消息入貨, 好似最近又聽到中央放寬銀根於個別行業, 大家就開始搵邊D行業最受惠呢? 其實咁好錯, 例如基建類會受惠, 真係有投資者會追入390中鐵, 一來佢跌左好多, 二來係國企, 三來受惠國策, 但佢地弗視左中鐵呢幾年既毛利率真係低到無朋友, 好似得1~2%, 同做義工無分別…好似呢D股票, 談何投資價值呢?